II Pot 20:11 - Sơ̆p Hlabơar Nơ̆r 'Bok Kei-Dei

¹¹ Êsai bơngai khan lê̆ adrol, krao apinh Kră Yang; na Kră Yang dui kơdŭn lê̆ yơ̆p ngôi măt 'năr pơchrang kơ kơnao kung Ahas păk hơlơ̆k tơ rŏng mơjĭt yak,

II Pot 20:11 ပူးပေါင်းရင်းမြစ်များ

II Pot 20:10

Hesekia tơl: “Yơ̆p ngôi pơ̆k thim năm tơ anăp mơjĭt yak ưh kơ anat kiơ ôh; inh apinh lê̆ sư păk hơlơ̆k tơ rŏng mơjĭt yak đĕch 'lơ̆ng hloh.”

II Ho 32:24

Kơplah noh Hesekia đei tơdrong jĭ wă jê̆ lôch; sư krao khan apinh Kră Yang păng Kră Yang ăn kơ sư hlĭch tơpă.

II Ho 32:31

Kŭm thoi noh đei bơngai mă đơ̆ng pơtao Babilôn wơh athei năm apinh kơ tơdrong hlĭch mă đei truh tơ lăm char sư, kơplah Kră Yang 'Bok Kei-Dei oei achăng wă pơlong lăng sư wă kơ băt dôm tơdrong lăm jơhngơ̆m sư.

Le 14:15

Kră Yang khan kơ Môis: Liơ lu iĕm ôr krao chă Inh? Khan kơ kon pơlei Isơrael kư̆ yak tơ anăp;

Êsai 38:8

Inh gô pơm kơ ngôi măt 'năr pơchrang kơpal kơnao kung, gô kơdŭn tơ rŏng mơjĭt kơnao, ngôi mă măt 'năr pơchrang tơ kơpal kơnao kung Ahas” thoi noh ngôi mă đơ̆ng măt 'năr pơchrang kơdŭn tơ rŏng dơ̆ng mơjĭt juă, mă đêl măt 'năr đĭ năm hlôi bơih.

Jang 9:40

Pêtrôs athei lu sư lĕch đĭ-đăng đơ̆ng lăm hnam ei. Pêtrôs sư sơtơ̆p kŭl-tăng krao khan kơ Kră Yang. Đơ̆ng noh sư iung glĕch akâu sư kơdih, hue lăng atâu ei. Sư khan: “Ơ Đêka, iung bĕ.” Đơ̆ng noh yă Đêka lar măt păng 'bôh hloi Pêtrôs. Yă Đêka iung đơ̆ng 'bĭch tơoei 'bơ̆t anih sư.