II Pot 2:9 - Sơ̆p Hlabơar Nơ̆r 'Bok Kei-Dei

⁹ Lăp bre sư tŏk hlôi bơih, Êli khan kơ Êlisê: “Roi kơ inh bĕ: Ih wă kơ inh pơm kơ ih tơdrong kiơ, adrol kơ Kră Yang pôk iŏk inh tŏk tơ plĕnh tơklah đơ̆ng ih” Êlisê tơl khan: “Ơ 'bok thây, apinh ăn kơ inh yang bơhngol đơ̆ng ih hơtŭt lăm inh thim 'bar wơ̆t kơ noh dơ̆ng.”

II Pot 2:9 ပူးပေါင်းရင်းမြစ်များ

I Pot 19:16

Păng tuh đak rơmă 'bâu phu kơ Jêhu kon drŏ-nglo Nimsi pôk sư pơm pơtao đe Isơrael; đơ̆ng noh ih athei tuh đak rơmă 'bâu phu kơ Êlisê kon drŏ-nglo Saphat đơ̆ng Pơlei Abel Mêhôla jing bơngai khan lê̆ adrol tơplih ih.

I Pot 3:9

Thoi noh apinh Ih ăn kơ inh mă đĭch đam Ih âu tơdrong gơh hơgei, wă kơ gơh sek tơlang tơdrong kon pơlei pơla ih, wă kơ inh băt kơnăl tơdrong 'lơ̆ng, tơdrong kơnê̆; yua kơ bu gơh kĕ sek tơlang kơ lu kon pơlei pơla lơ dêh 'nâu?”

Horiso 72:1

Ơ Kră Yang 'Bok Kei-Dei, apinh Ih ăn kơ pơtao gơh sek tơlang, Păng ăn kơ kon pơtao tơdrong 'lơ̆ng tơpăt đơ̆ng Ih.

Horiso 72:20

Tơdrong Đawit, kon drŏ-nglo Êsai krao khan tôch dâu.

Sa 12:8

Lăm năr noh, Kră Yang boih Tơ'ngla dŏng tơgŭm kon pơlei oei lăm Jêrusalem păng lăm năr noh lu bơngai mă tơrăn hloh gô pran thoi Đawit, hnam Đawit gô nhen thoi Kră Yang 'Bok Kei-Dei, gô thoi linh jang 'lơ̆ng Kră Yang oei 'bơ̆t anăp lu sư.

Sa 9:12

Ơ lu bơngai bơnă mă đei tơdrong gơnang chang gô, brŏk bĕ tơ anih kơjăp, lăm năr âu boih inh khan gô pơm 'mong ăn kơ ih hloh 'bar wơ̆t dơ̆ng.

Jo 11:17

Na Inh gô jur, pơma dơnuh hăm ih tơ noh; Inh gô iŏk ăn Yang Bơhngol Inh oei lăm ih păng oei lăm lu sư mơ̆n, wă kơ lu sư wang pŭ tơdrong trăp kon pơlei hơdai ih păng ih huay pă pŭ minh drô̆ ih.

Jo 11:25

Kră Yang jur hăm hơmơ̆l, pơma hăm Môis. Sư iŏk Yang Bơhngol ăn oei hăm Môis păng ăn kơ tơpơh-jĭt 'nu lu kră wei-lăng. Lăp Yang Bơhngol jur oei hăm lu kră, lu sư pơtơm pơma khan lê̆ adrol, mă-lei lu sư ưh kơ pơma khan lê̆ adrol ling-lang hloi ôh.

Yo 16:7

Inh khan kơ iĕm tơpăt, Inh brŏk tơ 'Bă Inh đĕch 'lơ̆ng hloh dang ei. Dah Inh ưh kơ brŏk tơ Sư dang ei lei 'Bok Dŏng Mơnat ưh kơ jur tơ iĕm ôh. Inh jah brŏk na Inh wơh Sư jur tơ iĕm.

Jang 1:8

Mă-lei lăp Yang Bơhngol 'Lơ̆ng jur oei păng iĕm, iĕm gô đei jơhngơ̆m pran năm bơtho tơdrong Inh tơ Pơlei Jêrusalem, jơ̆p kơ dêh char Juđê păng dêh Samari, đơ̆ng noh jơ̆p kơ teh đak.”

Jang 8:17

Na Pêtrôs păng Yôhan pel kơ̆l lu bơngai lui na Yang Bơhngol 'Lơ̆ng jur oei păng lu sư hloi.

I Kor 12:31

Thoi noh lăm dôm tơdrong jang 'noh, bơ̆n athei apinh 'Bok Kei-Dei ăn kơ bơ̆n tơdrong jang mă kăl yua 'biơ̆. Mă-lei dang ei inh wă bơtho iĕm gah tơdrong mă kăl tơpă.

Both 21:17

Bơngai noh athei iŏk kon drŏ-nglo akăn mă sư areh noh pơm kon kơdră, klah asong 'bar gah dôm tơmam sư đei hloh kơ lu kon nai. Kon kơdră drŏ-nglo noh đơ̆ng jơhngơ̆m pran 'bă, na jing kon kơdră noh sư boih.

Both 34:9

Jôsuê kon drŏ-nglo Nun, đei 'bĕnh blai kơ tơdrong gơh hơgei, yua kơ Môis đei dan tơpang ti tơ akâu Jôsuê boih; na kon pơlei bơngai Isơrael chu nơ̆r sư păng pơm kiơ̆ dôm tơdrong Kră Yang bơtho pơkă kơ Môis.

I Tim 5:17

Lu kră wei-lăng bơngai lui bơngai bu jang 'lơ̆ng iĕm thim 'biơ̆ jên khei sư, mă loi lu bơngai bơtho tơdrong 'Bok Kei-Dei.