II Pot 2:7 - Sơ̆p Hlabơar Nơ̆r 'Bok Kei-Dei

⁷ Đei pơđăm-jĭt 'nu lăm lu khŭl bơngai khan lê̆ adrol kiơ̆ bre sư, dơ̆ng tơ ataih kơ bre sư; bre Êli hăm Êlisê oei dơ̆ng 'bơ̆t cheng đak krong Jôrđăn.

II Pot 2:7 ပူးပေါင်းရင်းမြစ်များ

I Pot 18:13

Kơplah Jêsebel pơlôch lu bơngai khan lê̆ adrol mă Kră Yang yua, inh năm ba minh-hrĕng 'nu bơngai khan lê̆ adrol mă Kră Yang yua chă ôn tơ 'bar anih hơgơp tơmo, tơ minh anih pơđăm-jĭt 'nu inh ăn kơ lu sư tơmam sa păng đak nhă.

I Pot 18:4

Kơplah Jêsebel pơlôch lu bơngai khan lê̆ adrol mă Kră Yang yua, Ôbadia ba minh-hrĕng 'nu lu bơngai khan lê̆ adrol ôn lu sư tơ 'bar anih lăm hơgơp tơmo lăm minh anih pơđăm-jĭt 'nu, ăn kơ lu sư tơmam sa păng đak nhă.

I Pot 20:35

Chu nơ̆r Kră Yang, đei minh 'nu lăm lu bơngai khan lê̆ adrol khan kơ buăl sư: “Apinh ih teh inh,” Mă-lei buăl sư ưh kơ teh sư.

II Pot 2:15

Kơplah lu khŭl bơngai khan lê̆ adrol oei lăm Pơlei Jêrikô, lu sư 'bôh Êlisê, na lu sư khan: “Yang Êli mơ̆t tơ Êlisê bơih.” Lu sư năm tơ'bơ̆p Êlisê păng drap bon 'bơ̆t anăp Êlisê.

II Pot 2:16

Păng khan kơ Êlisê: “Ơ 'bok thây, lăm lu đĭch đam ih âu đei pơđăm-jĭt 'nu bơngai nuih, apinh ih ăn lu sư năm chă yŏng tơ'ngla ih; băt jơ̆ Yang Bơhngol 'lơ̆ng Kră Yang anhăk ba sư klơ̆m hơtat lê̆ kơpal kông, dah klơ̆m hơtat lê̆ tơ thong ayơ bơih rŏ lăng?” Êlisê tơl: “'Nĕ kơ wơh lu sư năm.”

II Pot 2:17

Mă-lei lu đe ei apinh pơgŏ 'bơ'bel dĭng sư mah mơlâu, na jing sư khan: “Lei wơh lu sư năm wăi” Na lu sư wơh hloi pơđăm-jĭt 'nu bơngai năm chă Êli lăm pêng năr, mă-lei lu sư chă, ưh kơ 'bôh ôh.

II Pot 4:1

Đei minh 'nu drŏ-kăn, sư 'noh akăn minh 'nu bơngai lăm lu bơngai khan lê̆ adrol năm nhơ̆m hơdrĭ 'bơ̆t anăp Êlisê: “Klo inh mă đĭch đam ih, sư lôch bơih; ih băt sư bơngai hli yom kơ Kră Yang. Đei minh 'nu bơngai, nhôn hre kơ sư, na sư năm tơ hnam nhôn, wă rôp 'bar 'nu hơ'lơ̆p inh pơm đĭch sư.”

II Pot 5:22

Gêhasi tơl: “Tôm tơdrong oei hiôk-hian mơ̆n, yŏng tơ'ngla inh athei roi kơ ih. Hei đei 'bar 'nu tơdăm, đơ̆ng khŭl bơngai khan lê̆ adrol, bre sư đơ̆ng Kông Êphraim 'nao năm truh tơ inh; apinh ih asong sư jên, minh 'nu, mơjĭt kĭ hu, păng 'bar blah ao wă hrŭk tơplih.”

II Pot 6:1

Lu bơngai khan lê̆ adrol khan kơ Êlisê thoi âu: “Lăng deh hnam lu nhôn âu oei iĕ hrăt-hrot dêh kơ lu nhôn.

II Pot 9:1

Êlisê bơngai khan lê̆ adrol, sư krao minh 'nu lăm lu khŭl bơngai khan lê̆ adrol na khan: “Iŏk tơlei tơ̆n, tơ̆n kơiĕng ih bĕ, chĕp get đak 'bâu phu 'nâu, năm tơ Pơlei Ramôt Galaat.

Am 7:14

Amôs tơl Amsia: Inh ưh kơ trŏ bơngai khan lê̆ adrol ôh păng inh kư̆m ưh kơ trŏ kơ kon 'bok khan lê̆ adrol mơ̆n; mă-lei inh jing minh 'nu bơngai wei triu păng bơngai bơwei hơmet dôm lu 'long hơra bri brah đĕch.

I Sam 10:5

Đơ̆ng noh ih gô truh tơ Gibêah Elohima, jơ̆ minh pơm anih kơđông đe Philistin; kơplah ih mơ̆t bơih tơ pơlei, ih gô tơ'bơ̆p minh khŭl 'bok khan lê̆ adrol jur đơ̆ng anih kơkuh, lu sư suang reh brŏ dung teh hơgơ̆r iĕ, hlôm 'lal păng reh tĭng-nĭng năm adrol kơ ih; Lu sư gô khan lê̆ adrol.