II Pot 2:6 - Sơ̆p Hlabơar Nơ̆r 'Bok Kei-Dei

⁶ Êli khan kơ sư: “Inh apinh ih ngôi 'bơ̆t dâu hŏ yua kơ Kră Yang wơh inh năm tơ đak krong Jôrđăn.” Êlisê tơl: “Inh pơkă hăm Kră Yang mă arih ling-lang păng pơkă hăm ih 'bok thây inh, inh ưh kơ layơ tơklah đơ̆ng ih ôh.” Thoi noh bre sư oei hơnơ̆ng năm hơdai đĕch.

II Pot 2:6 ပူးပေါင်းရင်းမြစ်များ

Bl 22:6

Abraham chĕp 'long ŭnh wă 'buh tơmam soi, pơpôi ăn kơ Isăk kon sư, gah sư chĕp ŭnh păng săng, na bre sư yak năm.

Bl 22:8

Abraham tơl: “Ơ dăm, tơ'ngla Kră Yang 'Bok Kei-Dei gô ăn kon triu mă wă 'buh soi noh.” Na bre sư kư̆ kơ yak năm.

II Pot 2:2

Êli khan kơ Êlisê: “Inh apinh ih ngôi 'bơ̆t dâu; yua kơ Kră Yang wơh inh năm tơ Bethel.” Êlisê tơl sư: “Inh pơkă hăm Kră Yang mă arih ling-lang, păng pơkă hăm ih 'bok thây inh, inh ưh kơ layơ tơklah đơ̆ng ih ôh.” Thoi noh na bre sư năm hĭ tơ Bethel.

II Pot 4:30

Mĕ bơngai 'lơ̆p ei khan: “Inh pơkă hăm Kră Yang mă arih ling-lang păng pơkă hăm ih, inh ưh kơ layơ tơklah đơ̆ng ih.” Na Êlisê gruih iung, kiơ̆ duch ei hloi.

Jôsuê 3:15

Kơplah ei trŏ bơyan kĕch 'ba, đak Krong Jôrđăn tih tŏk 'bĕnh lah lai bơnơ̆. Kơplah lu bơngai tung Hom tơdrong pơgơ̆p Kră Yang, păng 'nao wă chro jơ̆ng 'bơm đak hơiuh tŏ sĕt.

Jôsuê 3:8

Ih athei khan kơ lu 'bok soi tung Hom Pơgơ̆p: Lăp lu iĕm truh 'bơ̆t jih đak Krong Jôrđăn lu iĕm jur dơ̆ng tŏk-bŏk đak krong.

Ru 1:16

Mă-lei Rut tơl sư thoi âu: Ih 'nĕ pă athei inh tơklah đơ̆ng ih, yua kơ ih năm tơ yơ inh gô kiơ̆ ih tơ noh; ih oei tơ yơ inh gô oei hơdai ih tơ noh; kon pơlei ih kư̆m jing kon pơlei inh mơ̆n; Kră Yang 'Bok Kei-Dei ih kư̆m jing Kră Yang 'Bok Kei-Dei inh mơ̆n;

I Sam 1:26

Păng khan: “Ơ yŏng tơ'ngla inh arih ling-lang ơ yŏng inh, inh bơih bơngai drŏ-kăn mă oei dơ̆ng tơ âu 'bơ̆t anăp ih krao apinh Kră Yang.

I Sam 20:3

Mă-lei Đawit khan hơđăl: 'Bă ih băt hơđăl ih 'mêm kơ inh, na đei pơma khan: 'Nĕ kơ roi ăn kơ Jônathan băt, kơnh sư hơ'ngon inh pao anăn Kră Yang mă arih ling-lang păng tơdrong arih ih na pơkă: Lăp minh yak đĕch sơlam inh hăm tơdrong lôch.