II Pot 2:4 - Sơ̆p Hlabơar Nơ̆r 'Bok Kei-Dei

⁴ Êli khan kơ Êlisê thoi âu: “Inh apinh ih ngôi 'bơ̆t dâu hŏ, yua kơ Kră Yang wơh inh năm tơ pơlei Jêrikô” Êlisê tơl dơ̆ng: “Inh pơkă hăm Kră Yang mă arih ling-lang păng pơkă hăm ih 'bok thây inh, inh ưh kơ layơ tơklah đơ̆ng ih ôh.” Thoi noh na bre sư năm hĭ tơ Pơlei Jêrikô.

II Pot 2:4 ပူးပေါင်းရင်းမြစ်များ

I Pot 16:34

Lăm chăl Ahap pơgơ̆r, Hiel đơ̆ng pơlei Bethel tơiung pơdơ̆ng Pơlei Jêrikô. Lăp sư wă man jrăng hơnă hnam Abiram kon drŏ-nglo kơdră sư lôch, kơplah sư pơm 'măng jang, Sêgup kon adruch sư lôch. Trŏ thoi nơ̆r Kră Yang, yua 'bơ̆r Jôsuê, kon drŏ-nglo Nun đei khan lê̆ adrol.

II Pot 2:2

Êli khan kơ Êlisê: “Inh apinh ih ngôi 'bơ̆t dâu; yua kơ Kră Yang wơh inh năm tơ Bethel.” Êlisê tơl sư: “Inh pơkă hăm Kră Yang mă arih ling-lang, păng pơkă hăm ih 'bok thây inh, inh ưh kơ layơ tơklah đơ̆ng ih ôh.” Thoi noh na bre sư năm hĭ tơ Bethel.

II Pot 4:30

Mĕ bơngai 'lơ̆p ei khan: “Inh pơkă hăm Kră Yang mă arih ling-lang păng pơkă hăm ih, inh ưh kơ layơ tơklah đơ̆ng ih.” Na Êlisê gruih iung, kiơ̆ duch ei hloi.

Luka 19:1

Yêsu drong mơ̆t tơ Pơlei Jêrikô.

Jang 11:23

Lăp 'Barna'ba truh boih tơ Pơlei Antiôs, sư 'bôh 'Bok Kei-Dei tơgŭm lu sư tơpă. Na jơhngơ̆m 'Barna'ba chơt hiôk. Na 'Barna'ba pơlung lu sư khŏm khŏm wă kơ lu sư lui kơ Kră Yang Yêsu hăm đĭ jơhngơ̆m klơm klak lu sư kơdih.

Jang 2:42

Rim năr lu sư mơ̆ng lu jơ̆ng 'bang bơtho. Lu sư pơgơ̆p băl thoi 'nhŏng oh, sŏng sa 'blŏk hơdơ̆r kơ Yêsu hăm krao khan kơ 'Bok Kei-Dei hơdai.

Jôsuê 6:1

Kơplah noh pơlei Jêrikô tang chơkăl đĭ-đăng 'măng jang boih, yua kơ lu bơngai Isơrael truh ưh pă đei bu mơ̆t dah lĕch.

Jôsuê 6:26

Kơplah noh Jôsuê pơma pơkă pơkăm thoi âu: Bơngai bu man pơdơ̆ng ming pơlei Jêrikô, đe gô hiap pơtê̆ 'bơ̆t anăp Kră Yang! Bu man pơdơ̆ng ming hơnă sư, kon drŏ-nglo kơdră sư gô lôch, bu man pơdơ̆ng ming măng jang pơlei, kon hơdruch sư gô lôch.

Ru 1:16

Mă-lei Rut tơl sư thoi âu: Ih 'nĕ pă athei inh tơklah đơ̆ng ih, yua kơ ih năm tơ yơ inh gô kiơ̆ ih tơ noh; ih oei tơ yơ inh gô oei hơdai ih tơ noh; kon pơlei ih kư̆m jing kon pơlei inh mơ̆n; Kră Yang 'Bok Kei-Dei ih kư̆m jing Kră Yang 'Bok Kei-Dei inh mơ̆n;

I Sam 1:26

Păng khan: “Ơ yŏng tơ'ngla inh arih ling-lang ơ yŏng inh, inh bơih bơngai drŏ-kăn mă oei dơ̆ng tơ âu 'bơ̆t anăp ih krao apinh Kră Yang.