II Pot 2:19 - Sơ̆p Hlabơar Nơ̆r 'Bok Kei-Dei

¹⁹ Kon pơlei Jêrikô khan kơ Êlisê: “Yŏng tơ'ngla inh, pơm pơlei 'bơ̆t anih 'nâu 'lơ̆ng dêh, thoi ih kư̆m 'bôh bơih, mă-lei đak đei hơkăm, păng teh pơtăm tơmam ưh kơ gơh.”

II Pot 2:19 ပူးပေါင်းရင်းမြစ်များ

I Pot 16:34

Lăm chăl Ahap pơgơ̆r, Hiel đơ̆ng pơlei Bethel tơiung pơdơ̆ng Pơlei Jêrikô. Lăp sư wă man jrăng hơnă hnam Abiram kon drŏ-nglo kơdră sư lôch, kơplah sư pơm 'măng jang, Sêgup kon adruch sư lôch. Trŏ thoi nơ̆r Kră Yang, yua 'bơ̆r Jôsuê, kon drŏ-nglo Nun đei khan lê̆ adrol.

I Pot 18:13

Kơplah Jêsebel pơlôch lu bơngai khan lê̆ adrol mă Kră Yang yua, inh năm ba minh-hrĕng 'nu bơngai khan lê̆ adrol mă Kră Yang yua chă ôn tơ 'bar anih hơgơp tơmo, tơ minh anih pơđăm-jĭt 'nu inh ăn kơ lu sư tơmam sa păng đak nhă.

I Pot 18:7

Kơplah Ôbadia oei năm rok trong Êli tơ'bơ̆p sư. Ôbadia kơnăl kơ sư na drap tơ teh păng jet: “Hăm trŏ kơ ih Êli yŏng inh ưh?”

II Pot 2:18

Lu sư wơ̆t brŏk tơ Êlisê, kơplah noh sư oei oei tơ Pơlei Jêrikô; na sư khan kơ lu đe ei: “Inh khan bơih kơ iĕm, athei iĕm 'nĕ kơ năm dah kiơ?”

II Pot 2:20

Êlisê tơl: “Ba ăn kơ inh pơnhan 'nao, tah 'boh lăm noh.” Lu đe ei ba ăn kơ Êlisê pơnhan 'boh noh.

Le 15:23

Wă truh tơ Mara đei đak, mă-lei đak tơ noh tăng, nhă ưh kơ gơh na anih 'nâu đe krao Mara.a

Le 23:26

Lăm char iĕm gô ưh kơ đei drŏ-kăn hơwŏng păng ưh kơ đei nge rơngăt, Inh gô ăn kơ iĕm arih sot,

Le 7:19

Đơ̆ng noh, Kră Yang khan kơ Môis, athei Arôn, iŏk 'long jra ih bĕ, yơ̆r ti ih tơ kơpal đak glung tih, tơ đak krong iĕ, đak dơnâu jơ̆p kơ anih đei đak lăm dêh Êyiptơ wă kơ đak jing pham ngăl; jơ̆p-jang lăm get mong đak sư pơm hăm 'long, hăm tơmo, kư̆m gô đei pham đĭ-đăng.

Hôsia 9:14

Ăn bĕ kơ lu sư, Ơ Kră Yang, Kră Yang Ih gô ăn kơ lu sư kiơ: Ăn kơ klak lu sư lăr 'bônh kơ huŏng, ăn kơ toh lu sư kro ưh kơ đei đak toh.

Jo 12:11

Arôn khan kơ Môis: Ô, yŏng inh, apinh 'nĕ tơpŭ tơ nhi tơdrong yoch mă nhi pơm kơtul, tơdrong yoch mă nhi pơm ưh kơ hlôh kơwao mă đei pơm boih.

Both 28:11

Kră Yang iĕm gô ăn kơ iĕm đei mŭk tơmam rơkah rơkai, tơ lăm dêh mă Kră Yang hlôi pơkă boih hăm lu 'bok iĕm wă ăn kơ iĕm ăn kơ lu kon sâu iĕm hrôh lơlang lơlap, sem dơrong chek lar păng hơnik nơnăm đơ̆ng teh pơgar iĕm gô đei thim rai lơ.

I Tim 5:17

Lu kră wei-lăng bơngai lui bơngai bu jang 'lơ̆ng iĕm thim 'biơ̆ jên khei sư, mă loi lu bơngai bơtho tơdrong 'Bok Kei-Dei.

Jôsuê 6:17

Pơlei păng tôm tơmam lăm noh, athei pơyơ̆r kơ Kră Yang nhen thoi tơmam trŏ kơ pơlôch pơrăm; lăp minh 'nu Rahap drŏ-kăn đi păng đĭ-đăng bơngai oei lăm hnam sư đĕch gô arih, yua kơ sư đei ôn boih bre 'bar 'nu bơngai năm chop lăng mă inh đei wơh.

Jôsuê 6:26

Kơplah noh Jôsuê pơma pơkă pơkăm thoi âu: Bơngai bu man pơdơ̆ng ming pơlei Jêrikô, đe gô hiap pơtê̆ 'bơ̆t anăp Kră Yang! Bu man pơdơ̆ng ming hơnă sư, kon drŏ-nglo kơdră sư gô lôch, bu man pơdơ̆ng ming măng jang pơlei, kon hơdruch sư gô lôch.