II Pot 2:1 - Sơ̆p Hlabơar Nơ̆r 'Bok Kei-Dei

¹ Kră Yang wă pôk atŏk Êli hăm phŭt gơhnŏk huơ̆r, bre Êli păng Êlisê lĕch đơ̆ng Pơlei Gilgal.

II Pot 2:1 ပူးပေါင်းရင်းမြစ်များ

Bl 5:24

Ênok kiơ̆ Kră Yang 'Bok Kei-Dei, na biŏng pă 'bôh hloi, yua kơ Kră Yang 'Bok Kei-Dei sơng iŏk sư boih.

I Pot 18:12

Inh ưh kơ băt mưh inh weh đơ̆ng ih, kơnh Yang Bơhngol Kră Yang gô pôk hiŏng tơweh ih tơ nai, Mưh inh năm roi kơ Ahap, athei năm tơ âu na ưh kơ 'bôh ih tơ anih 'nâu lei sư gô pơlôch inh, mă khan inh đam ih, hli yom kơ Kră Yang đơ̆ng inh oei 'lơ̆p ră.

I Pot 19:11

Kră Yang khan: “Lĕch bĕ păng dơ̆ng 'bơ̆t anăp Kră Yang tơ kơpal kông, yua kơ Kră Yang wă năm trong 'noh.” Đei hloi kial tih tơthu kơtang 'bơ̆t anăp Kră Yang, kial tơthu pơm kơ kông 'noh đah lang păng lu tơmo pơchah đĭ, mă-lei Kră Yang ưh kơ đei lăm kial 'noh. Đơ̆ng rŏng kơ kial hơbŭt 'noh đei teh tơdrŏ, mă-lei Kră Yang kư̆m ưh kơ đei lăm teh tơdrŏ.

I Pot 19:4

Gah Êli, sư năm tơ char glă dang minh năr kơ trong, sư hơ-oei ngôi 'bơ̆t yơ̆p tơm 'long hơngo, sư apinh 'maih wă kơ jah lôch. “Hrăp bơih, dang ei ơ Kră Yang! Jah iŏk bĕ tơdrong arih inh, yua kơ inh ưh kơ đei kiơ 'lơ̆ng hloh kơ lu 'bok kơdră inh.”

II Pot 1:18

Dôm lu tơdrong jang nai mă Ahasia đei pơm đe đei chih boih lăm sơ̆p hla bơar hơ'mon kơ chăl arih lu pơtao đe Isơrael.

II Pot 2:11

Kơplah bre sư oei nơnăm rah pơma dơnuh rah na 'bôh đei minh pôm gre aseh ŭnh păng aseh kư̆m ŭnh jur plah tơklah lê̆ bre sư; Êli phŭt gơhnŏk pôk ba sư tŏk tơ plĕnh.

II Pot 4:38

Êlisê wih tơ Gilgal. Tơ lăm char đei tơdrong pơngot rơwĕt. Lu 'bok khan lê̆ adrol kơplah noh oei ngôi 'bơ̆t anăp sư. Sư khan kơ đam sư: “Iŏk gŏ tih noh pai ăn kơ lu đe âu 'nhot sa”

Jop 38:1

Kơplah noh, đơ̆ng lăm kial hơbŭt Kră Yang tơl Jop:

Luka 9:51

Lăp wă jê̆ năr Yêsu wă tŏk tơ plĕnh Sư pơkă khan Sư gô năm tơ Pơlei Jêrusalem hơdrol 'mơ̆i.

Jang 1:9

Sư bơtho khan kơ đe ei đang boih, đơ̆ng noh Kră Yang Yêsu tŏk tơ kơpal plĕnh, hơmơ̆l gom Sư. Na đe ei hnhoi Sư dĭng tơ hơmơ̆l gom Sư ưh pă 'bôh boih.

Hêbrơ 11:5

'Bok Ênŏk sơ̆ kư̆m lei-lăi, sư đei đon lui na 'Bok Kei-Dei atŏk sư tơ plĕnh đơ̆ng sư oei arih, na đe chă sư ưh kơ 'bôh yua kơ 'Bok Kei-Dei iŏk sư boih. Hơdrol kơ 'Bok Kei-Dei wă iŏk sư, 'Bok Kei-Dei băt kơ sư đei đon lui na 'Bok Kei-Dei lăp đon wă iŏk sư.

Jôsuê 4:19

Năr mơjĭt khei mônh, kon pơlei tŏk hlôi kơ đak Krong Jôrđăn, pơm anih tơ Gilgal, gah hơlĕch kơ pơlei Jêrikô,

Jôsuê 5:9

Kơplah noh Kră Yang khan kơ Jôsuê: Năr âu Inh hŭt lê̆ boih tơdrong mơlâu lu iĕm đơ̆ng lu bơngai dêh Êyiptơ, lei na đe krao anăn anih âu Gilgal, mă truh dang ei.

Tơdrông Tơ'bôh 11:12

Bre sư kơtơ̆ng nơ̆r pơma re tơ plĕnh khan: “Ơ bre noh, tŏk tơ âu bĕ.” Na bre sư tŏk hloi tơ plĕnh hơmơ̆l hiŏng bre sư. Dôm lu bơngai mă ayăt kơ bre sư 'bôh bre sư tŏk mơ̆n.