II Pot 19:37 - Sơ̆p Hlabơar Nơ̆r 'Bok Kei-Dei

³⁷ Kơplah sư oei kơkuh kơ yang lăm hnam yang Nisrôk, yang sư, na bre kon sư Adrammelek păng Sarêser pơlôch lê̆ sư hăm đao gưm; đơ̆ng noh lu sư kơdâu ôn lăm dêh char Ararat, na Êsarhađôn; kon drŏ-nglo sư tŏk pơm pơtao pơgơ̆r pơtrơp sư.

II Pot 19:37 ပူးပေါင်းရင်းမြစ်များ

Bl 8:4

Truh tơ khei tơpơh năr mơjĭt-tơpơh, duk dơ̆ng tơ kơpal kông Ararat.a

II Pot 17:31

lu bơngai Awit pơm rup yang Niphas păng Tartak lu bơngai Sêpharwaim soh kon lu sư lăm ŭnh sơmah kơ yang Adrammelek păng yang Anamêlek, lu bơngai Sêpharwaim đei 'bar tŏ yang noh.

II Pot 18:30

Kŭm 'nĕ ăn kơ sư pơtrŭt lu iĕm lui gơnang kơ Kră Yang khan: Kră Yang gơh pơklaih bơ̆n păng pơlei âu ưh kơ huŏng lăm ti lu đe Asiri ôh.”

II Pot 18:5

Hesekia gơnang kơ Kră Yang 'Bok Kei-Dei đe Isơrael; lei na lu pơtao đơ̆ng rŏng kơ sư, dah lăm lu pơtao adrol kơ sư, ưh kơ đei bu thoi sư.

II Pot 19:10

“Iĕm athei khan thoi âu kơ Hesekia pơtao đe Juđa: 'Nĕ ăn kơ Kră Yang 'Bok Kei-Dei Tơ'ngla mă ih gơnang noh hơlĕnh kơ ih, khan: Pơlei Jêrusalem ưh kơ huŏng lăm ti pơtao đe Asiri.

II Pot 19:17

“Ơ Kră Yang! Tơpă, lu pơtao đe Asiri pơrăm đĭ lu adrĕch adrung păng pơrăm lu bri seh teh choh lu sư.

II Pot 19:31

Na đei lu mơ'nah klaih klăi đơ̆ng lăm pơlei Jêrusalem. Đơ̆ng kông Siôn gô đei khŭl klaih đơ̆ng tơdrong truh. Đĭ jơhngơ̆m tơpăt Kră Yang gô pơm tơdrong 'noh.

II Pot 19:7

Inh gô ăn minh tơdrong tơchĕng truh tơ lăm sư, sư gô kơtơ̆ng ang đe roi đơ̆ng noh sư gô wơ̆t brŏk tơ dêh char sư kơdih; tơ noh, Inh gô ăn kơ sư gô pơ̆k lôch kơ đao gưm lăm char sư kơdih.”

II Ho 32:14

Lăng lăm lu yang dôm dêh char mă lu 'bok inh đei pơrăm đĭ boih, hăm đei yang bu mă gơh dŏng pơklaih kon pơlei sư đơ̆ng ti inh? Lei liơ mă iĕm hơmĕng dêh khan Kră Yang 'Bok Kei-Dei lu iĕm gơh dŏng pơklaih lu iĕm đơ̆ng ti inh?

II Ho 32:19

Lu sư khan kơ Kră Yang 'Bok Kei-Dei pơlei Jêrusalem thoi lu yang kon pơlei đơ̆ng ti kon bơngai pơm.

II Ho 32:21

Kră Yang ăn minh 'nu linh jang 'lơ̆ng năm pơlôch pơrăm lê̆ lu linh pran kơtang lu yŏng pơgơ̆r lu linh lăm kơđông pơtao Asiri. Pơm kơ pơtao kơdŭn wih brŏk tơ char sư kơdih, mơlâu pă băt. Kơplah sư mơ̆t tơ hnam yang sư, đei mơ'nah lăm lu kon drŏ-nglo sư iŏk đao pơlôch hloi sư tơ lăm noh.

Esơra 4:2

lu sư năm tơ Serubabel păng lu kơdră adrĕch adrung na khan thoi âu: Lu nhôn kư̆m 'maih pơjing hnam akŭm hơdai hăm lu iĕm, yua kơ lu nhôn krao chă Kră Yang 'Bok Kei-Dei lu iĕm, kư̆m thoi lu iĕm mơ̆n, lu nhôn kư̆m đei soi kơkuh kơ Sư đơ̆ng chăl Êsarhađôn, pơtao Asiri, chĕp ba lu nhôn tơ âu.

Je 51:27

Hơtol bĕ hla-kơ tơ lăm lu teh đak; hlôm bĕ tơgiĕp tơ jơ̆p kơ dêh char; Hơmet dêh char năm blah sư, Krao pơtơm bĕ lu dêh char Ararat, Mini păng Askenas năm blah sư. Pôk pơjing bĕ yŏng linh! Chông ba bĕ aseh mă lơ năm blah thoi lep tung-nut jơ̆p kơ teh.

Both 32:31

Tơmo tih lu sư ưh kơ dang thoi Tơmo Tih lu bơ̆n, lu bơngai ayăt kư̆m băt thoi noh mơ̆n.