II Pot 19:35 - Sơ̆p Hlabơar Nơ̆r 'Bok Kei-Dei

³⁵ Lăm măng noh, đei minh 'nu linh jang 'lơ̆ng Kră Yang năm tơ anih kơđông Asiri păng pơlôch minh-hrĕng tơhngam-jĭt pơđăm-rơbâu 'nu bơngai tơ noh. Đe iung đơ̆ng hrôih, lăng 'bôh khŭl linh ei lôch glơch glach bơih.

II Pot 19:35 ပူးပေါင်းရင်းမြစ်များ

II Sam 24:16

Linh jang 'lơ̆ng chro ti sư tơ gah pơlei Jêrusalem wă pơrăm lê̆ pơlei, mă-lei Kră Yang ưh pă wă pơmat lu sư dơ̆ng, na Sư khan kơ linh jang 'lơ̆ng mă oei pơrăm kon pơlei pơla: “Tôm boih! Dui ti ih brŏk bĕ!” Kơplah noh linh jang 'lơ̆ng Kră Yang oei 'bơ̆t dơnih pơjuă 'ba, Arauna, bơngai Jêbus.

II Pot 19:7

Inh gô ăn minh tơdrong tơchĕng truh tơ lăm sư, sư gô kơtơ̆ng ang đe roi đơ̆ng noh sư gô wơ̆t brŏk tơ dêh char sư kơdih; tơ noh, Inh gô ăn kơ sư gô pơ̆k lôch kơ đao gưm lăm char sư kơdih.”

I Ho 21:12

Pêng sơnăm pơngot rơwĕt dah pêng khei đei lu ayăt blah pơrăm đĭ, dah pêng năr đei đao gưm Kră Yang phak, đei tơdrong jĭ lôch hơbuh lăm char ih, linh jang 'lơ̆ng đơ̆ng Kră Yang pơrăm jơ̆p-jang dêh char Isơrael. Dang ei ih rơih iŏk ayơ wă kơ inh wih roi kơ Tơ'ngla mă wơh inh năm.

I Ho 21:16

Đawit lăng 'bôh linh jang 'lơ̆ng Kră Yang dơ̆ng tŏk-bŏk teh hăm plĕnh. Ti sư chĕp đao yơ̆r tơ gah pơlei Jêrusalem. Kơplah noh Đawit hăm kră pơlei hrŭk 'bi sơtơ̆p kŭl-tăng kŭp muh măt tơ teh.

II Ho 20:24

Wă kon pơlei Juđa truh tơ anih kơjung, tơmang 'bôh lăm thŭng glă đei khŭl tơpôl linh lơlang lơlap, na kư̆m 'bôh lu akâu bơngai lôch sơ̆k glơch glach kơpal teh ưh kơ đei bu arih.

Horiso 76:10

Tơpă tơdrong kon bơngai hil kư̆m jing hơri bơnê kơ Ih, Lu bơngai mă oei đei arih noh. Gô năm pơm giĕng ư-ang kơ Kră Yang.

Horiso 90:10

Sơnăm lu nhôn arih kư̆m lăp truh tơpơh-jĭt. Dah đei pran 'biơ̆ truh tơ tơhngam-jĭt. Mă-lei tơdrong pơang lu sư, jơ̆ lăp pơmat-tat păng ơh sơ'ngon. Yua kơ tơdrong arih lu nhôn 'bônh kơ tôch, đơ̆ng noh lu nhôn păr hiong.

Horiso 91:6

Kŭm huay kơ hli tơdrong jĭ hơbuh truh lăm măng mu. Dah tơdrong đe pơlôch pơrăm kơplah 'năr dơ̆ng.

Le 12:23

Kơplah Kră Yang gô năm wă pơlôch bơngai Êyiptơ; mưh sư 'bôh pham tơ jrăng găn kơpơ̆ng 'măng păng 'bar pah jrăng dơ̆ng 'măng, Kră Yang gô năm yoh hloi; ưh kơ ăn linh jang mơ̆t pơlôch lăm hnam lu iĕm.

Le 9:15

Tơdah, Inh yơ̆r ti, teh tôn ih kon pơlei ih hăm tơdrong jĭ apoh, lôch hiong đĭ-đăng lăm teh âu.

Le 9:16

Mă-lei yua kơ tơdrong 'nâu Inh rong ih arih wă kơ ih 'bôh tơdrong mơsêh Inh, wă kơ anăn Inh đei ră roi kơtơ̆ng ư-ang jơ̆p-jang kơ teh đak.

Êsai 10:33

'Nâu, Kră Yang Tih Hloh, gô yua tơdrong mơsêh pran kơtang krưp Sư chre dơng 'long. Lu tơm 'long tih kơjung gô kăl tơpăk đĭ; 'long kơjung gô păk tơ ala teh.

Êsai 17:14

Kiơ̆ kơsơ̆ đei tơdrong hli tơrơ; adrol kơ pơgê hrôih truh ưh pă 'bôh lu sư dơ̆ng, 'nâu minh tơdrong tuh ăn kơ lu bơngai blah tơgar iŏk mŭk tơmam dêh char bơ̆n, noh jơ̆ tơdrong truh kơ lu bơngai tơtông tơgar tơmam đơ̆ng lu bơ̆n.

Êsai 37:36

Kơplah noh, linh jang 'lơ̆ng đơ̆ng Kră Yang năm mơ̆t tơ lăm kơđông lu linh Asiri păng pơlôch minh-hrĕng tơhngam-jĭt pơđăm-rơbâu 'nu, pơgê hrôih năr đơ̆ng rŏng đe hơđơ̆r iung 'bôh bơngai lôch hnơ̆k hnăk.

Da 5:30

Lăm măng noh hloi pơtao Belsatsar bơngai Kalđê đe pơlôch.

Hôsia 1:7

Mă-lei Inh gô 'mêm mơnat kơ adrĕch Juđa; Inh Kră Yang 'Bok Kei-Dei lu sư gô dŏng pơklaih lu sư, Inh ưh kơ pơklaih lu sư hăm hră dah hăm đao gưm ôh; dah tơdrong tơblah, hăm aseh, dah hăm bơngai hao aseh ôh.

Jang 12:23

Linh jang 'lơ̆ng Kră Yang pơm hloi kơ pơtao Hêrôt đei tơdrong jĭ, kơlih kơ sư ưh kơ ư-ang kơ 'Bok Kei-Dei ôh. Sư lăp đon kơ đe ư-ang kơ sư khan yang. Na sư lôch kơ hơmơng sa.