II Pot 19:28 - Sơ̆p Hlabơar Nơ̆r 'Bok Kei-Dei

²⁸ Yua kơ ih hil blĕk kơ inh păng yua kơ nơ̆r ih pơang, kơtơ̆ng truh tơ đon Inh bơih, sĭt Inh gô tôt gơwang 'bơ̆t muh ih, Inh tah dam bơsei pơhơ̆p 'bơ̆r ih. Đơ̆ng noh Inh pơm kơ ih wơ̆t brŏk kiơ̆ đêl trong mă ih hlôi năm bơih.

II Pot 19:28 ပူးပေါင်းရင်းမြစ်များ

II Pot 19:33

Sư mơ̆t trong ayơ, sư gô wơ̆t brŏk kiơ̆ trong noh, sư ưh kơ gơh mơ̆t ôh lăm pơlei âu. Kră Yang khan thoi noh.

II Pot 19:7

Inh gô ăn minh tơdrong tơchĕng truh tơ lăm sư, sư gô kơtơ̆ng ang đe roi đơ̆ng noh sư gô wơ̆t brŏk tơ dêh char sư kơdih; tơ noh, Inh gô ăn kơ sư gô pơ̆k lôch kơ đao gưm lăm char sư kơdih.”

Jop 41:13

Hăm đei bu pơ̆n 'bet klĕch ao tai sư 'bar tăl? Hăm đei bu pơ̆n năm jê̆ kang sư đei 'bar tŏ dam?b

Jop 41:2

Ih hăm gơh tôt muh sư hăm tơlei ưh, dah tôt kang sư hăm gơwŏk mam?

Horiso 32:9

'Nĕ kơ thoi aseh păng aseh iĕ, ưh kơ đei đon tơchĕng, Iŏk bĕ dam pơhơ̆p, tơlei pơhơ̆p 'nao na gơh pơhơ̆p 'bơ̆r lu sư. Tơdah ưh, lu sư ưh kơ năm jê̆ Ih.

Horiso 46:6

Kon pơlei rŭng răng, dêh char noh pơpơ̆ ying-yông. Kră Yang 'Bok Kei-Deic sơkat, teh gô lek đĭ.

Horiso 65:7

Ih khă lu jơwa đak dơsĭ poh-yă kial hơbŭt ngăn hreh. Păng tơdrong kon pơlei iung pơm kơnê̆.

Horiso 7:6

Ơ Kră Yang, iung bĕ lăm năr Ih blĕk, Iung blah bĕ hăm lu ayăt kơ inh; Iung hơdơ̆r bĕ ơ Kră Yang 'Bok Kei-Dei tơbăt bĕ tơdrong sek tơlang.

Horiso 74:23

'Nĕ hiơt kơ nơ̆r lu ayăt kơ Ih Nơ̆r ôr tơkĕch tơjrông tơjrang pă pơdơh blah Ih

Horiso 74:4

Lu ayăt kơ Ih mă ôr tơkĕch boih tơ lăm anih 'lơ̆ng rơgoh Ih. Lu sư pơdơ̆ng boih hla-kơ wă pơm tơdra jei sư.

Horiso 83:2

Yua kơ to, lu ayăt kơ Ih iung boih, Păng lu bơngai hil areh kơ Ih ngơk kơ̆l boih.

Êsai 30:28

Hơyuh Sư dui jơhngơ̆m thoi glung lơ̆p blai truh tơ ako, Sư wă um pơliĕng rim teh đak hăm tơdrong pơrăm păng sư yua dam pơhơ̆p tơ kon pơlei păng ba lu sư năm trong jrok.

Êsêkiên 19:9

Đe chô̆ sư hăm gơwŏk glang, tah sư lăm bai na năm ba sư tơ char Babilôn; chĭt sư lăm hnam bơnă na huay pă kơtơ̆ng nơ̆r sư ôr tơ kông Isơrael dơ̆ng.

Êsêkiên 29:4

Inh gô wŏk kang ih păng ăn lu ka đơ̆ng lăm đak glung ih gô đom tơwŏk tơ kơchap ih. Inh gô dui hơđuh ih păng đĭ-đăng lu ka đơ̆ng lu đak glung mă đom tơwŏk tơ kơchap ih hơtŏk tơ kông.

Êsêkiên 35:13

Nơ̆r ih pơma pơang blah Inh; păng rai thim nơ̆r blah inh, Inh kơtơ̆ng boih!

Êsêkiên 38:4

Inh gô pơm kơ ih wih dơ̆ng tah gơwŏk mam, 'bơ̆t kang ih, dui ba ih, hơdai hăm đĭ-đăng lu linh ih, aseh păng đĭ-đăng lu bơngai hao seh, đĭ-đăng lu sư tă kơ hrŭk ao mam minh khŭl linh lơ chĕp khêl tih iĕ păng đĭ-đăng chĕp đao ngăl.

Am 4:2

Kră Yang mă 'lơ̆ng rơgoh sư pơkă pơsĭt boih khan: 'Nâu, lu năr wă truh kơ lu iĕm, đe gô wŏk lê̆ lu iĕm, truh tơ kon pơlei iĕm mă oei klaih đe gô wah iŏk.

Luka 6:11

Na lu 'bok thây păng lu bơngai Pharisi ei areh tơpă kơ Yêsu păng pơđâu chă tơdrong wă pơm kơ Yêsu.

Yo 15:18

“Dah bơngai ala teh âu hil areh kơ iĕm, iĕm kư̆m băt mơ̆n lu sư hil 'noh, lu sư hil areh kơ Inh mă hơdrol.

Jang 7:51

Êtien oei pơma kơ lu kră sek tơlang thoi âu: “Ơ lu iĕm bơngai ngĕng mă ưh kơ chu. Iĕm ling-lang kuă kơ Yang Bơhngol 'Lơ̆ng pơgơ̆r, na iĕm pơm kơnê̆ kư̆m thoi lu 'bok kơdră iĕm sơ̆ mơ̆n.