II Pot 19:25 - Sơ̆p Hlabơar Nơ̆r 'Bok Kei-Dei

²⁵ Tơdrong noh Inh pơkă wă pơm 'nâu đunh đơ̆ng sơ̆ bơih, ih ưh kơtơ̆ng hă? Tơdrong kiơ mă Inh pơkă wă pơm đơ̆ng sơ̆ noh dang ei Inh pơm truh bơih, wă kơ ih pơm kơ lu pơlei tih kơjăp dĭng jing anih rơ̆m rek.

II Pot 19:25 ပူးပေါင်းရင်းမြစ်များ

Horiso 33:11

Mă-lei tơdrong Kră Yang pơđâu kơjăp ling-lang, Jơhngơ̆m đon Sư tơchĕng oei đei dĭng truh đĭ jơhnơr.

Horiso 76:10

Tơpă tơdrong kon bơngai hil kư̆m jing hơri bơnê kơ Ih, Lu bơngai mă oei đei arih noh. Gô năm pơm giĕng ư-ang kơ Kră Yang.

Êsai 10:15

Hăm trŏ kơ sung tưk sư kơdih hloh kơ tơ'ngla chĕp sư? Dah hơnuă pơrŏ ot plơ̆ kơ bơngai chĕp sư? Dah thoi sơnguĕt hiŏng bơngai chĕp sư? Dah thoi 'long jra tưk ti bơngai chĕp Sư.

Êsai 45:7

Inh bơih Tơ'ngla pơm đei tơdrong hơdah păng pơjing tơdrong măng mu, pơm đei tơdrong hiôk-hian păng kư̆m ăn đei tơdrong pơrăm, Inh bơih Kră Yang Tơ'ngla pơm dôm tơdrong noh.

Êsai 45:8

Ơ lu plĕnh tơ kơpal ti, ăn bĕ hơmơ̆l tuh tơdrong 'lơ̆ng tơpăt thoi 'mi. Ơ teh pơih bĕ mă să, wă kơ găr tơdrong dŏng pơklaih, păng găr tơdrong 'lơ̆ng tơpăt chăt bluh tơmơ̆ng! Inh bơih Kră Yang Tơ'ngla pơjing tơdrong noh.

Êsai 54:16

'Nâu, Inh bơih pơjing bơngai hơjơ̆m dơhlu ŭnh soh ngar păng hơjơ̆m tơmam tơblah wă yua; păng kư̆m đơ̆ng Inh bơih pơjing lu bơngai chă pơrăm. Wă chă pơm tơdrong pơrăm.

Mi 1:6

Thoi noh Inh gô pơm kơ pơlei Samari thoi hla đuih lăm bri, thoi anih mơ̆r đe pơtăm hơmu păng kư̆m gô pơm kơ lu tơmo đơ̆ng noh grŏl pơđĭ tơ lăm thŭng păng gô pơdră dôm hơnă sư tơ 'nguaih.