II Pot 19:23 - Sơ̆p Hlabơar Nơ̆r 'Bok Kei-Dei

²³ Ih hlôi yua lu bơngai jang kơ ih na ih blei hiap Kră Yang. Ih khan: Hăm gre aseh lơ 'nâu, inh tŏk tơ kông kơjung truh tơ wĕch kông Liban; oei tơ noh, inh kăl bơih lu 'long hơngo kơjung hloh păng 'long hơngo hla iĕ mă 'lơ̆ng hloh, inh đei năm bơih tơ lăm bri roh noh tơ lăm kơdrơ̆ng 'long rơ̆m roh.

II Pot 19:23 ပူးပေါင်းရင်းမြစ်များ

II Pot 18:17

Mă-lei, pơtao đe Asiri wơh Tartan, Rapsaris păng Rapsaka chông ba minh khŭl linh lơ đơ̆ng pơlei Lakis, năm tơ Hesekia tơ pơlei Jêrusalem lu sư truh tơ pơlei Jêrusalem. Truh bơih lu sư dơ̆ng 'bơ̆t hơbong đak ro mơ̆t tơ Dơnâu Kơpơ̆ng, wă khan trong năm tơ anih lu bơngai juăt kơ pih sa.

II Pot 18:23

Lei ih pơkă bĕ hăm yŏng tơ'ngla inh, pơtao Asiri sư khan: Inh gô jao ăn kơ ih 'bar-rơbâu tŏ aseh dah ih ăn đei bơngai wă hao aseh noh.

II Pot 19:4

Rŏ lăng Kră Yang 'Bok Kei-Dei ih kơtơ̆ng bơih dôm nơ̆r Rapsaka bơngai mă pơtao đe Asiri yŏng sư wơh wă năm pơjăm Kră Yang 'Bok Kei-Dei mă arih ling-lang păng Kră Yang ih gô hil phak dôm nơ̆r mă Sư hlôi kơtơ̆ng. Thoi noh, inh apinh ih krao khan tơgŭm lu bơngai mă oei arih.”

II Ho 26:10

Sư kư̆m pơm lơ hnam thôt tơ lăm tơmăn glă păng đei sir sơlŭng đak, yua kơ sư đei sem dơrong tơ kơpal groi tơ lăm thŭng glă; kư̆m đei lơ bơngai pơm mir, pơgar hơmu tơ kơpal kông groi păng tơ teh mơ̆r, pơtao sư 'maih jang mir 'ba.

II Ho 32:17

Pơtao kư̆m chih hla bơar pơjăm Kră Yang 'Bok Kei-Dei Isơrael păng khan: “Lu yang lăm dêh char nai ưh kơ kĕ dŏng pơklaih kon pơlei char lu sư đơ̆ng ti inh kư̆m lei-lăi mơ̆n Kră Yang 'Bok Kei-Dei Hesekia kư̆m ưh kơ kĕ pơklaih kon pơlei sư đơ̆ng ti inh!”

Horiso 20:7

Lu đe âu gơnang kơ gre, lu đe nai gơnang kơ aseh Mă-lei lu nhôn gơnang kơ anăn Kră Yang jơ̆ Kră Yang 'Bok Kei-Dei lu nhôn.

Horiso 20:8

Lu đe noh kơdŭn pơ̆k hraih đang, Gah lu nhôn iung păng dơ̆ng tơpăt hloi.

Êsai 10:13

Yua kơ sư khan: “Inh đei pơm bơih tơdrong 'nâu đơ̆ng ti pran kơtang inh. Đơ̆ng tơdrong inh gơh hơgei hlôh wao. Inh đei rĭ tơplih bơih hơdral teh đak lu kon pơlei; Blah iŏk lu tơmam gĭt đơ̆ng anih lu sư mong. Thoi bơngai nuih kơtang, inh đei tơhuŏng bơih lu pơtao đơ̆ng tang-dŏ lu sư.

Êsai 10:14

Ti inh đei iŏk bơih mŭk tơmam đơ̆ng kon pơlei thoi iŏk tơpu sem. Thoi đe dônh kơtăp iĕr đơ̆ng yŏng sư lê̆. Inh dônh pơpôi bơih đĭ teh đak. Ưh kơ đei bu tơtuh pơnăr păr, dah ha 'bơ̆r krao ôr.”

Êsai 10:18

Ŭnh gô sa đĭ tơdrong 'lơ̆ng rŏ 'long kơdrơ̆ng lăm bri păng chŭn mir teh mơ̆r bơhngol hăm akâu jăn hloi. Thoi bơngai jĭ wă lôch.

Da 8:11

Sư pơm akâu sư rai tih dĭng truh tơ yŏng pơgơ̆r linh; sư iŏk lê̆ tơmam pơyơ̆r đơ̆ng 'bok noh păng anih rơgoh sư tơhuŏng lê̆ tơ teh.