II Pot 19:17 - Sơ̆p Hlabơar Nơ̆r 'Bok Kei-Dei

¹⁷ “Ơ Kră Yang! Tơpă, lu pơtao đe Asiri pơrăm đĭ lu adrĕch adrung păng pơrăm lu bri seh teh choh lu sư.

II Pot 19:17 ပူးပေါင်းရင်းမြစ်များ

II Pot 16:9

Pơtao đe Asiri drơ̆ng iŏk nơ̆r Ahas apinh, sư năm blah Pơlei Đamas păng tơgar iŏk pơlei 'noh, rôp ba kon pơlei sư pơm bơnă tơ Pơlei Kir păng pơlôch lê̆ pơtao Rêsin.

II Pot 17:24

Pơtao đe Asiri anhăk ba bơngai đơ̆ng Babilôn, Kuta, Awa, Hamat păng Sêpharwaim ăn lu sư oei lăm lu pơlei tơ Samari tơplih kơ lu bơngai Isơrael. Lu sư blah iŏk dêh char Samari păng oei lăm lu pơlei tơ noh.

II Pot 17:6

Lăm sơnăm mă tơsĭn, chăl Hôsêa; pơtao đe Asiri blah iŏk Pơlei Samari, chông ba kon pơlei Isơrael tơ char Asiri, ăn lu sư oei 'bơ̆t Pơlei Hala păng 'bơ̆t đak krong Habôr tơ char Gôsan păng oei tơ lơ lu pơlei lăm dêh char Mêđi.

II Pot 18:33

Yang lu adrĕch adrung nai hăm gơh pơklaih dêh char sư kơdih đơ̆ng ti pơtao Asiri ưh?

II Pot 19:16

Ơ Kră Yang apinh Ih pơđêng đon mơ̆ng bĕ. Ơ Kră Yang apinh Ih lar măt lăng nhôn, apinh Ih mơ̆ng bĕ dôm lu nơ̆r mă Senacherip pơma wă pơjăm Kră Yang 'Bok Kei-Dei mă arih ling-lang.

II Pot 19:18

Klơ̆m lê̆ yang lu sư lăm ŭnh yua kơ ưh kơ trŏ kơ yang ôh, noh jơ̆ tơdrong jang đêl ti kon bơngai pơm hăm 'long, păng pơm hăm tơmo; yua kơ thoi noh na pơrăm đĭ bơih lu sư.

II Pot 19:37

Kơplah sư oei kơkuh kơ yang lăm hnam yang Nisrôk, yang sư, na bre kon sư Adrammelek păng Sarêser pơlôch lê̆ sư hăm đao gưm; đơ̆ng noh lu sư kơdâu ôn lăm dêh char Ararat, na Êsarhađôn; kon drŏ-nglo sư tŏk pơm pơtao pơgơ̆r pơtrơp sư.

II Pot 9:8

Đĭ-đăng adrĕch Ahap, Inh gô pơrăm pơlôch lê̆ đĭ lu bơngai drŏ-nglo adrĕch Ahap, mă khan bơngai đĭch, dah bơngai rơngei, pơlôch đĭ đơ̆ng lăm char Isơrael;

I Ho 5:26

Na Kră Yang 'Bok Kei-Dei Isơrael, pơtrŭt jơhngơ̆m Pul, pơtao dêh char Asiri păng Tiglat Phileser pơtao dêh char Asiri, rôp lu kon pơlei bơngai Rubên, bơngai Gat păng minh puăt bơngai Manase anhăk ba lu sư tơ pơlei Hala, Habôr, Hara, păng tơ tơring đak Krong Gôsan, dĭng truh tơ dang ei.

Jop 9:2

Inh băt sĭt tơdrong noh trŏ; Mă-lei kon bơngai liơ gơh 'lơ̆ng tơpăt 'bơ̆t anăp Kră Yang 'Bok Kei-Dei?

Êsai 5:9

Kră Yang Tih Hloh khan 'bơ̆t đon inh: “Sĭt tơpă gô đei lơ hnam gô lê̆ jing juơ, lu hnam tih kơjung păng 'lơ̆ng mă-lei ưh kơ đei bu oei lăm noh!

Je 26:15

Iĕm athei băt mă tơpă dah lu iĕm pơlôch inh lu iĕm, pơlei tih âu, đĭ kon pơlei pơla oei lăm pơlei tih âu gô pŭ pham inh mă ưh kơ đei yoch âu. Yua kơ Kră Yang tơpă mă đei wơh inh năm tơ iĕm, ăn kơ inh roi tơbăt dôm lu nơ̆r âu tơ lăm đon iĕm kơtơ̆ng.”

Da 2:47

Đang kơ noh pơtao pơih nơ̆r pơma hăm Đaniel thoi âu: Sĭt tơpă boih, Kră Yang 'Bok Kei-Dei iĕm jơ̆ Yang kơ lu yang păng yŏng kơ lu pơtao, đơ̆ng Sư tơbăt ăn tơdrong hlơp, yua kơ ih đei tơblang boih mă ưh kơ đei bu băt âu.

Mathiơ 14:33

Lu bơngai pơhrăm păng Sư oei lăm thŏng-nan sơtơ̆p kŭl-tăng kơkuh kơ Sư păng khan: “Ih Kon 'Bok Kei-Dei tơpă.”

Luka 22:59

Đơ̆ng rŏng kơ noh dang minh jơ đei minh 'nu bơngai nai dơ̆ng khan thoi âu: “'Nâu kư̆m bơngai oei hơdai păng Sư tơpă yua kơ sư kư̆m bơngai đơ̆ng dêh Galilê thoi Yêsu mơ̆n.”

Jang 4:27

Lăm Pơlei Jêrusalem âu lu kră pơgơ̆r hlôi ayăt kơ Kon Ih Yêsu mă 'lơ̆ng tơpăt, Sư boih 'Bok Krist mă Ih ăn pơgơ̆r nhôn. 'Bok pơtao Hêrôt păng 'bok pơgơ̆r Pilat, bre sư pơm minh đon păng lu bơngai dêh đe tơmoi păng lu bơngai Isơrael wă ayăt kơ Yêsu; trŏ tơpă yua kơ đơ̆ng nơ̆r Ih khan lê̆ hơdrol sơ̆, truh dang ei 'blep tơpă boih.

I Kor 14:25

Păng dah lu sư băt kơdih bơngai yoch tih dang yơ, lu sư kư̆m sơtơ̆p kŭl-tăng kơkuh hli kơ 'Bok Kei-Dei mơ̆n păng lu sư kư̆m băt kơ iĕm bơngai 'Bok Kei-Dei tơgŭm.