II Pot 19:16 - Sơ̆p Hlabơar Nơ̆r 'Bok Kei-Dei

¹⁶ Ơ Kră Yang apinh Ih pơđêng đon mơ̆ng bĕ. Ơ Kră Yang apinh Ih lar măt lăng nhôn, apinh Ih mơ̆ng bĕ dôm lu nơ̆r mă Senacherip pơma wă pơjăm Kră Yang 'Bok Kei-Dei mă arih ling-lang.

II Pot 19:16 ပူးပေါင်းရင်းမြစ်များ

I Pot 8:29

Apinh măt Ih măng năr wei-lăng Hnam âu, anih mă Ih khan: Anăn Ih gô oei lăm hnam noh, wă kơ Ih mơ̆ng dôm nơ̆r lu đĭch đam Ih krao khan kơ anih 'nâu.

II Pot 19:17

“Ơ Kră Yang! Tơpă, lu pơtao đe Asiri pơrăm đĭ lu adrĕch adrung păng pơrăm lu bri seh teh choh lu sư.

II Pot 19:4

Rŏ lăng Kră Yang 'Bok Kei-Dei ih kơtơ̆ng bơih dôm nơ̆r Rapsaka bơngai mă pơtao đe Asiri yŏng sư wơh wă năm pơjăm Kră Yang 'Bok Kei-Dei mă arih ling-lang păng Kră Yang ih gô hil phak dôm nơ̆r mă Sư hlôi kơtơ̆ng. Thoi noh, inh apinh ih krao khan tơgŭm lu bơngai mă oei arih.”

II Ho 6:40

Kră Yang 'Bok Kei-Dei inh! Inh krao apinh Ih lăng păng mơ̆ng nơ̆r krao apinh Ih đơ̆ng anih 'nâu.

Horiso 31:2

Apinh Ih pơgling đon mơ̆ng inh, mă kuăng kuăng dŏng pơklaih inh; Pơm bĕ thoi tơmo tih kơjăp ăn kơ inh kơ'nơp, Păng thoi kơđông kơjăp dŏng pơklaih inh.

Horiso 74:22

Ơ Kră Yang 'Bok Kei-Dei, iung bĕ dŏng tơdrong Ih, Athei 'blŏk bĕ lu kơtul pơjăm Ih prăt năr?

Horiso 79:12

Pơm tơwih bĕ tơpơh wơ̆t tơ lăm jơhngơ̆m lu teh đak tăp dăr kơ nhôn. Kơ, nơ̆r pơjăm pơjuă mă lu sư pơjăm boih Ih ơ Kră Yang.

Êsai 37:17

Ơ Kră Yang, apinh Ih pơgling đon mơ̆ng bĕ! Ơ Kră Yang apinh Ih pơih măt lăng bĕ! Apinh ih mơ̆ng bĕ dôm nơ̆r Senakêrip gơih wă pơma blông 'bơm Kră Yang 'Bok Kei-Dei arih ling-lang!

Êsai 37:4

Rŏ lăng Kră Yang 'Bok Kei-Dei ih gô kơtơ̆ng dôm nơ̆r Rapsaka pơma, bơngai đơ̆ng pơtao Asiri wơh sư năm tơ âu wă pơma pơjăm Kră Yang 'Bok Kei-Dei arih ling-lang păng Kră Yang gô phak sư kiơ̆ thoi dôm nơ̆r mă Kră Yang 'Bok Kei-Dei kơtơ̆ng bơih, noh bơih ih krao khan bĕ kơ lu bơngai mă oei oei tơ âu!”

Da 9:18

Ơ Kră Yang 'Bok Kei-Dei inh, apinh Ih pơgling đon păng mơ̆ng. Apinh Ih lar măt lăng bĕ dôm anih juơ juŏ lu nhôn păng pơlei mă krao anăn Ih! Ưh kơ sĭ gơnang kơ tơdrong tơpăt nhôn kơdih na krao apinh Ih, mă-lei gơnang kơ đơ̆ng tơdrong Ih 'mêm mơnat kơ đĭ-đăng.

Hêbrơ 11:26

Sư tơchĕng lê̆ đe pơmat sư yua kơ sư kiơ̆ tơdrong 'Bok Krist, hiôk hloh kơ sư iŏk dôm mŭk tơmam pơtao tơ dêh Êyiptơ yua kơ ning-mônh sư băt kơ 'Bok Kei-Dei gô apah sư lơ hloh.