II Pot 19:15 - Sơ̆p Hlabơar Nơ̆r 'Bok Kei-Dei

¹⁵ Hesekia krao khan 'bơ̆t anăp Kră Yang khan: Ơ Kră Yang 'Bok Kei-Dei lu bơngai Isơrael! Ih oei kơpơ̆ng lu chêrubim. Lăp minh 'nu ih đĕch 'Bok Kei-Dei kơ đĭ-đăng lu dêh char lăm ala teh âu. Ih bơih tơ'ngla mă pơjing plĕnh hăm teh.

II Pot 19:15 ပူးပေါင်းရင်းမြစ်များ

Bl 1:1

Blŭng-a Kră Yang 'Bok Kei-Dei pơjing plĕnh păng teh.

Bl 2:4

Noh boih tơm rơh kơ plĕnh hăm teh mă Sư pơjing boih. Kơplah Kră Yang 'Bok Kei-Dei pơjing plĕnh hăm teh sơ̆.

Bl 32:28

Bơngai ei khan: “Anăn ih ưh pă Jakôp dơ̆ng boih. Mă-lei krao anăn ih Isơrael, b yua kơ ih tơglơ̆m hăm Kră Yang 'Bok Kei-Dei păng bơngai nai; tă kơ jei ih ngăl.”

Bl 33:20

Tơ anih noh sư pơm chơnang soi, sư anăn Êl Êlôhe Isơraelc

I Pot 18:39

Lăp kon pơlei pơla 'bôh thoi noh bơih lu sư drap brom tơ teh kơkuh păng khan: Kră Yang bơih 'Bok Kei-Dei! Kră Yang bơih 'Bok Kei-Dei!”

I Pot 8:23

Păng khan; “Ơ Kră Yang lu bơngai Isơrael, mă oei tơ kơpal plĕnh ti dah tơ anih âu, ưh kơ đei yang nai thoi Ih, Ih 'mêm mơnat kơ lu đĭch đam Ih păng wei răk dôm nơ̆r Ih đei pơkă pơkăm hăm lu sư. Bu mă đĭ jơhngơ̆m năm păng oei hăm Ih.

II Pot 19:19

Thoi noh na dang ei, ơ Kră Yang 'Bok kei-Dei nhôn! Pơklaih nhôn đơ̆ng ti pơtao noh bĕ wă kơ đĭ-đăng dêh char tơ teh âu băt minh 'nu Ih đĕch Kră Yang 'Bok Kei-Dei.”

II Pot 5:15

Naaman hăm đĭ-đăng bơngai mă kiơ̆ sư wơ̆t dơ̆ng tơ Êlisê păng khan thoi âu: “Dang ei inh băt bơih, jơ̆p-jang lăm teh đak ưh kơ đei yang nai hloh kơ Kră Yang 'Bok kei-Dei lu bơngai Isơrael, thoi noh apinh ih iŏk tơmam inh bơngai mă đĭch đam ih 'nâu.”

I Ho 13:6

Đawit păng đĭ-đăng bơngai Isơrael năm hơdai sư tŏk tơ Baala noh Kiriat Jêarim, lăm dêh Juđa, wă kơ năm iŏk hom pơgơ̆p krao Anăn noh Kră Yang Tih Hloh Tơ'ngla dan tang-dŏ Sư sơlam kơ chêrubim.

I Ho 4:10

Jabes krao apinh Kră Yang 'Bok Kei-Dei Isơrael khan: “Ơ Kră Yang apinh Ih tuh ăn kơ inh pŭn hiôk pơih ăn hơdral teh đak inh mă să! Apinh ti mơsêh Ih oei hơdai inh, wei-lăng inh klaih đơ̆ng tơdrong răm pơmat-tat” Kră Yang 'Bok Kei-Dei ăn hloi thoi tơdrong sư krao apinh.

II Ho 14:11

Asa krao apinh Kră Yang 'Bok Kei-Dei sư khan: “Ơ Kră Yang, ưh kơ đei bu thoi Ih tơgŭm lu bơngai tơrăn kĕ jei đơ̆ng bơngai pran; Ơ Kră Yang 'Bok Kei-Dei nhôn, apinh Ih dŏng tơgŭm lu nhôn, lu nhôn gơnang kơ Ih; nhôn yua hăm anăn Ih na năm blah lu bơngai linh lơ âu. Ơ Kră Yang! Ih boih Kră Yang 'Bok Kei-Dei lu nhôn; 'nĕ ăn kơ kon bơngai jei hloh kơ Ih”

II Ho 20:6

Sư krao khan: “Ơ Kră Yang 'Bok Kei-Dei 'bok lu nhôn Ih hăm Kră Yang 'Bok Kei-Dei oei kơpal plĕnh? Ih boih Kră Yang 'Bok Kei-Dei wei pơgơ̆r đĭ kon bơngai păng đĭ kơ teh đak Lăm tơpang ti Ih đei tơdrong mơsêh pran kơtang ưh kơ đei bu kĕ tơblah hăm Ih.

II Ho 32:20

Pơtao Hesekia păng Êsai 'bok khan lê̆ adrol kon drŏ-nglo Amôt, krao khan kơ tơdrong 'nâu, krao khan ôr tŏk truh tơ plĕnh.

Ne 9:6

Ơi! Minh 'nu Kră Yang đĕch, ưh kơ đei 'bar nai. Ih boih Kră Yang pơjing kơ lu tăl plĕnh păng lu hơtăl plĕnh hăm lu linh jang 'lơ̆ng kơpal plĕnh, kơtuăl teh păng lu tơmam kơpal teh, đak dơsĭ păng dôm lu kon sem brem lăm noh; Ih wei rong lu tơmam noh păng dôm lu linh kơpal plĕnh kư̆m kơkuh, pơyom kơ Ih.

Horiso 102:25

Blŭng-a sơ̆ Ih pơjing teh đak păng lu plĕnh đơ̆ng ti Ih pơjing.

Horiso 102:26

Lu plĕnh teh gô hiong răm mă-lei Ih oei oei ling-lang; Plĕnh teh gô so thoi ao tai; Ih gô tơplih plĕnh teh thoi tơplih ao păng lu sư jing hŭt lê̆.

Horiso 146:6

Sư boih Tơ'ngla pơjing kơ plĕnh teh, đak dơsĭ păng đĭ-đăng tơmam arih lăm noh; Kră Yang wei jơhngơ̆m tơpăt ling-lang;

Horiso 33:9

Đơ̆ng Sư sơkat, na đei hloi, Sư athei, na tơmam kơjăp hlŏng hloi.

Horiso 80:1

Ơ Kră Yang mă wei-lăng Isơrael. Ơ Kră Yang chông anhăk adrĕch Jôsep thoi khŭl triu. Pơgling đon mơ̆ng bĕ. Ơ Kră Yang oei tơ kơpal chêrubim pơchrang bĕ hơdah Ih,

Horiso 80:2

'Bơ̆t anăp Êphraim, Bênjamin păng Manase, pơdah bĕ tơdrong mơsêh Ih. Păng năm dŏng pơklaih lu nhôn.

Horiso 99:1

Kră Yang pơgơ̆r; lu kon pơlei athei hli yom bĕ; Sư hơ-oei tơ kơpal chêrubim;a plei teh hli pơpơ̆ bĕ.

Le 25:22

Inh gô tơ'bơ̆p ih tơ noh, tơ kơpal tơnglơ̆p tơdrong 'mêm mơnat sơlam 'bar tŏ rup chêrubim, tơ kơpal hom tơdrong pơgơ̆p noh Inh gô bơtho tơ'bôh kơ ih dôm tơdrong tơtă kơ lu bơngai Isơrael.

Êsai 37:14

Hesekia đei iŏk kơthơ đơ̆ng ti lu bơngai năm roi păng đŏk lăng, Na sư năm tơ hnam Kră Yang, pơih kơthơ noh 'bơ̆t anăp Kră Yang;

Êsai 41:17

Lu bơngai dơnuh păng lu bơngai kơ'bah tơmam chơchă đak. Mă-lei ưh kơ đei, hơpiĕt đĭ kro yua kơ rơhing dêh, Inh bơih Kră Yang gô tơl nơ̆r lu sư, Inh bơih Kră Yang 'Bok Kei-Dei Isơrael ưh kơ achăng tŭk lu sư ôh.

Êsai 43:10

Kră Yang khan: “Lu iĕm bơih bơngai pơm kơdranh gah Inh, đĭch đam Inh mă đei rơih iŏk bơih, wă kơ lu iĕm băt păng lui kơ Inh, păng hlôh kơ Inh bơih Kră Yang iĕm noh! Ưh kơ đei 'Bok Kei-Dei ayơ mă pơjing đei adrol kơ Inh păng đơ̆ng rŏng kơ Inh kư̆m ưh kơ đei.

Êsai 44:6

Kră Yang pơgơ̆r plĕnh teh, Pơtao păng 'Bok huai iŏk Isơrael, Kră Yang Tih Hloh khan thoi âu: “Inh blŭng-a păng tuch-luch, 'nguaih kơ Inh ưh kơ đei Yang nai dơ̆ng ôh.

Êsai 44:8

'Nĕ kơ hli 'nĕ kơ tơtơ̆ ôh, hăm trŏ kơ đơ̆ng sơ̆ Inh roi tơbăt kơ iĕm bơih. Lu iĕm pơm kơdranh gah Inh. 'Nguaih kơ Inh hăm đei Yang nai dơ̆ng ưh? Tơpă ưh kơ đei Tơmo tih nai dơ̆ng ôh, Inh băt ưh kơ đei bu!

Êsai 45:22

Ơ đĭ-đăng lu bơngai oei jơ̆p anih tôch kơ teh. Wih brŏk bĕ tơ Inh na lu iĕm gơh klaih! Yua kơ Inh bơih Kră Yang 'Bok Kei-Dei, ưh kơ đei yang nai ôh.

Je 32:17

“Ơ Kră Yang! Ih boih Tơ'ngla yơ̆r ti man pơjing kơ plĕnh hăm teh âu hăm tơdrong mơsêh mơyang tih Ih. Ưh kơ đei tơdrong kiơ mă tơnat 'bơ̆t anăp Ih.

I Sam 4:4

Thoi noh, lu sư wơh bơngai năm tơ Silô, tung iŏk Hom Pơgơ̆p Kră Yang Tih Hloh, Tơ'ngla mă oei tơ lăm lu chêrubim. 'Bar 'nu kon drŏ-nglo Hêli, jơ̆ Hopni păng Phinêhas, bre sư kư̆m năm kiơ̆ Hom Pơgơ̆p Kră Yang 'Bok Kei-Dei mơ̆n.