II Pot 19:11 - Sơ̆p Hlabơar Nơ̆r 'Bok Kei-Dei

¹¹ 'Nâu ih kơtơ̆ng bơih dôm lu tơdrong mă pơtao Asiri hlôi pơm ăn kơ dôm lu dêh char iĕm pơrăm lê̆ đĭ-đăng: Bĭ ih kơnh klaih hă?

II Pot 19:11 ပူးပေါင်းရင်းမြစ်များ

II Pot 15:29

Lăm chăl Pêka, pơm pơtao đe Isơrael, Tiglat Pileser, pơtao đe Asiri năm tơgar iŏk pơlei Ijôn, Abel Bêt Maaka, Janôa, Kêđes, Hasor, tơring Gileat tơring Galilê păng tơring Naptali hai dơ̆ng. Thoi noh, sư anhăk ba kon pơlei lu dêh ei tŏk tơ dêh char Asiri pơm bơnă.

II Pot 18:35

Đĭ-đăng yang jơ̆p-jang dêh char lăm teh đak 'nâu, yang ayơ mă pơklaih bơih dêh char lu sư đơ̆ng tơpang ti inh? Lei na Kră Yang hăm gơh dŏng pơklaih Pơlei Jêrusalem đơ̆ng tơpang ti inh hă?”

II Pot 19:10

“Iĕm athei khan thoi âu kơ Hesekia pơtao đe Juđa: 'Nĕ ăn kơ Kră Yang 'Bok Kei-Dei Tơ'ngla mă ih gơnang noh hơlĕnh kơ ih, khan: Pơlei Jêrusalem ưh kơ huŏng lăm ti pơtao đe Asiri.

II Pot 19:12

Lu yang kơ lu adrĕch adrung nai mă lu 'bok kơdră inh hlôi pơrăm bơih, noh yang char Gôsan, pơlei Haran, Rêtsep, păng lu bơngai Êđen oei tơ Pơlei Têl Asar, sư gơh dŏng pơklaih lu sư mơ̆n hă?

II Ho 32:17

Pơtao kư̆m chih hla bơar pơjăm Kră Yang 'Bok Kei-Dei Isơrael păng khan: “Lu yang lăm dêh char nai ưh kơ kĕ dŏng pơklaih kon pơlei char lu sư đơ̆ng ti inh kư̆m lei-lăi mơ̆n Kră Yang 'Bok Kei-Dei Hesekia kư̆m ưh kơ kĕ pơklaih kon pơlei sư đơ̆ng ti inh!”