II Pot 18:8 - Sơ̆p Hlabơar Nơ̆r 'Bok Kei-Dei

⁸ Sư blah dêh char lu bơngai Philistin, truh tơ pơlei Gasa păng tơring jum dăr đơ̆ng hnam thôt gak truh tơ pơlei tih đei kông kơjăp.

II Pot 18:8 ပူးပေါင်းရင်းမြစ်များ

I Pot 5:4

Mă-lei dang ei Kră Yang 'Bok Kei-Dei inh, ăn boih kơ inh rơngei hiôk-hian tăp pang pă đei bu blah păng kư̆m pă đei tơdrong kiơ truh.

II Pot 17:9

Kon pơlei Isơrael oei ôn klĕnh pơm dôm lu tơdrong ưh kơ trŏ tơplơ̆ hăm Kră Yang 'Bok Kei-Dei lu sư, pơdơ̆ng pơjing lu anih kơjung kơkuh kơ lu yang nai lăm jơ̆p kơ pơlei lu sư, đơ̆ng pơlei iĕ truh kơ pơlei tih kơjăp.

I Ho 4:41

Dôm lu bơngai đei anăn kơpal 'nâu, lăm chăl Hesekia; pơtao đe Juđa, lu sư blah lu bơngai Hamit hăm lu bơngai Meunit oei tơ noh, lu sư blah pơrăm tơgar iŏk đĭ teh păng oei hloi truh tơ dang ei; yua kơ tơ noh đei tơmăn 'nhĕt wă wei rong lu sem dơrong lu sư.

II Ho 26:10

Sư kư̆m pơm lơ hnam thôt tơ lăm tơmăn glă păng đei sir sơlŭng đak, yua kơ sư đei sem dơrong tơ kơpal groi tơ lăm thŭng glă; kư̆m đei lơ bơngai pơm mir, pơgar hơmu tơ kơpal kông groi păng tơ teh mơ̆r, pơtao sư 'maih jang mir 'ba.

II Ho 28:18

Kon pơlei Philistin kư̆m iung blah lu pơlei lăm tơring kông groi păng tơring tơ gah gơal lăm char Juđa. Kŭm blah iŏk pơlei Bêt Sêmes, Aijalôn, Gêđêrôt, Sôkô hăm lu pơlei jê̆ noh, Timna păng lu pơlei jê̆ sư, Gimsô păng lu pơlei kiơ̆ jê̆ sư, na lu bơngai Philistin oei hloi tơ noh.

Êsai 14:29

Ơ bơngai Philistin, iĕm 'nĕ kơ chhôk 'nă ôh yua kơ sơnguĕt teh iĕm tơgơ̆ bơih, Đơ̆ng tơm rơh adrĕch 'bih gô jing đei 'bih hơkăm, plei đơ̆ng 'bih hơkăm gô jing 'bih ŭnh gơh păr.

Êsai 5:2

Sư choh teh preh dônh lê̆ tơmo đĭ, sư pơtăm rơih iŏk tơm hơmu bluh 'lơ̆ng, sư pơdơ̆ng minh pôm hnam thôt tŏk-bŏk pơgar păng sir minh pôm sơlŭng wă hmĕt iŏk đak hơmu sư. Sư hơmĕng hơmu sư đei plei 'lơ̆ng mă-lei tă kơ plei đĭ wir.

Both 2:23

Bĕ gah kon pơlei Awim, oei đơ̆ng lăm lu pơlei iĕ truh tơ pơlei Gasa, kon pơlei Kaptorim, oei đơ̆ng char Kaptôr pơrăm lu sư na oei hloi tơ noh.

Jôsuê 15:47

Pơlei Asdôt hăm lu pơlei tih iĕ sư, pơlei Gasa hăm lu pơlei iĕ lu sư truh tơ glung Êyiptơ păng truh tôch tơ jih đak Dơsĭ Tih.