II Pot 18:7 - Sơ̆p Hlabơar Nơ̆r 'Bok Kei-Dei

⁷ Kră Yang oei hơdai hăm sư; dôm sư pơm kiơ, dah jang kiơ gơh jing. Sư blah pơtao đe Asiri, ưh pă chu kơ pơtao ei dơ̆ng.

II Pot 18:7 ပူးပေါင်းရင်းမြစ်များ

Bl 21:22

Lăm char noh, pơtao Abimêlek hăm Pikôl, kră pơgơ̆r linh sư, khan kơ Abraham thoi âu: “Kră Yang 'Bok Kei-Dei kư̆m tơgŭm ih lăm dôm tơdrong ih jang.

II Sam 8:14

Sư pơm kơđông pơgơ̆r jơ̆p kơ dêh Eđôm, păng đĭ kon pơlei Eđôm bơ̆jang kơ Đawit. Kră Yang ăn kơ Đawit kĕ jei tơ rim anih mă sư tơblah.

II Sam 8:6

Pơtao Đawit pơm kơđông lăm pơlei Đamas, kon pơlei Siri jing bơngai bơ̆jang ăn kơ Đawit, păng ăn thuê̆ kơ Đawit; Kră Yang ăn kơ Đawit kĕ jei tơ rim anih sư tơblah.

II Pot 16:7

Ahas wơh bơngai năm tơ Tiglat Pilêser, pơtao đe Asiri, sư khan: “Inh âu bơngai đam ih, kon drŏ-nglo ih; apinh ih dŏng pơklaih inh đơ̆ng tơpang ti pơtao đe Aram păng pơtao đe Isơrael blah inh.”

II Pot 17:3

Salmaneser, pơtao đe Asiri năm blah pơtao Hôsêa, Hôsêa jing pơtao bơ̆jang kơ Salmaneser păng chu kiơ̆, ra ăn kơ Salmanese jên.

II Pot 18:14

Hesekia, pơtao đe Juđa wơh bơngai năm tơ pơlei Lakis, roi ăn kơ pơtao đe Asiri khan: “Inh yoch glăi bơih. Apinh ih weh đơ̆ng dêh char inh; mưh ih wă kơ inh pơm kiơ, inh gô chu pơm.” Pơtao đe Asiri athei Hesekia pơtao đe Juđa ăn kơ sư pêng-hrĕng talâng jên hu păng pêng-jĭt talâng maih.

II Pot 18:20

Ih khan yua 'bơ̆r hoh đĕch gơh đei, pran kơtang kĕ tơblah. Na dang ei, ih hơmĕng gơnang kơ bu mă pơ̆n tơblah hăm inh?

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

II Ho 31:21

Dôm tơdrong jang sư pơm, gah Hnam Kră Yang 'Bok Kei-Dei gah tơdrong wei răk khôi juăt păng nơ̆r tơtă, gah tơdrong chă Kră Yang 'Bok Kei-Dei sư jang đĭ jơhngơ̆m, na tơdrong jang sư rai tŏk keh 'lơ̆ng.

II Ho 32:30

Hesekia 'nâu mơ̆n đei bơ̆ chĭt tu đak Gihôn na pơchoh lê̆ sư ro tơ gah bơmơ̆t cheng kơ Pơlei Đawit. Hesekia gơh đei jing ngăl lăm rim tơdrong jang sư.

Horiso 1:3

Bơngai noh nhen thoi tơm 'long chăt cheng đak glung, Đei plei kiơ̆ kơ bơyan, Hla sư ưh kơ đei layơ jô kro, Rim tơdrong jang sư pơm jing ngăl.

Horiso 46:11

Kră Yang Tih Hloh oei hăm lu nhôn, Kră Yang 'Bok Kei-Dei Jakôp jơ̆ anih lu nhôn kơ'nơp. Sêla

Horiso 60:12

Đơ̆ng Kră Yang 'Bok Kei-Dei lu bơ̆n gơh kĕ jei; Yua kơ sư gô juă bơhlơ̆r lu ayăt kơ nhôn.

Êsai 33:6

Sư bơih gô pơm kơjăp lăm chăl lu iĕm, Sư boih tơdrong dŏng pơklaih, tơdrong hlôh wao, tơdrong gơh hơgei 'bĕnh blai, tơdrong hli yom kơ Kră Yang jơ̆ tơmam gĭt iĕm.

Êsai 36:5

Ih, tơchĕng wă tơblah hăm inh hăm nơ̆r pơma 'bơ̆r hoh đĕch hă? Ih gơnang kơ bu mă pơ̆n tơblah hăm inh.

Mathiơ 1:23

“Đei minh 'nu adruh gô anăp wă tơpŭ kon drŏ-nglo, Đe anăn kon Sư noh Êmanuel,” Êmanuel wă khan: 'Bok Kei-Dei oei hơdai hăm bơ̆n.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

Lu 1:19

Kră Yang oei hơdai hăm bơngai Juđê na bơngai Juđê gơh iŏk oei tơ lu pơlei kơpal groi kông, mă-lei lu kon pơlei oei tơ lăm thŭng lu sư ưh kơ gơh pơpuh ôh, yua kơ lu đe ei đei gre aseh pơm păng bơsei.

I Sam 18:14

Đawit năm tơblah mă tơ yơ yơ kư̆m jei sư ngăl yua kơ Kră Yang oei hơdai hăm sư.

I Sam 18:5

Đawit lơ 'măng năm blah, mă tơ anih ayơ ayơ Sôl wơh sư năm, tơblah jei sư ngăl. Sôl pơjao ăn kơ sư pơgơ̆r linh, kon pơlei păng lu đĭch đam Sôl lăp đon kơ Đawit pơgơ̆r lu sư.