II Pot 18:5 - Sơ̆p Hlabơar Nơ̆r 'Bok Kei-Dei

⁵ Hesekia gơnang kơ Kră Yang 'Bok Kei-Dei đe Isơrael; lei na lu pơtao đơ̆ng rŏng kơ sư, dah lăm lu pơtao adrol kơ sư, ưh kơ đei bu thoi sư.

II Pot 18:5 ပူးပေါင်းရင်းမြစ်များ

II Pot 18:19

Rapsaka khan kơ lu sư: “Brŏk khan bĕ kơ Hesekia:” “'Nâu pơtao đe Asiri, pơtao tih khan: Ih gơnang kơ bu tơgŭm ih?

II Pot 19:10

“Iĕm athei khan thoi âu kơ Hesekia pơtao đe Juđa: 'Nĕ ăn kơ Kră Yang 'Bok Kei-Dei Tơ'ngla mă ih gơnang noh hơlĕnh kơ ih, khan: Pơlei Jêrusalem ưh kơ huŏng lăm ti pơtao đe Asiri.

II Pot 23:25

Adrol kơ Jôsia ưh kơ đei minh 'nu pơtao ayơ thoi sư, 'mêm kơ Kră Yang đĭ jơhngơ̆m đĭ tơdrong tơchĕng đĭ tơdrong pran sư, pơm kiơ̆ tôm khôi juăt Môis păng đơ̆ng rŏng kơ sư kư̆m ưh kơ đei bu lei-lăi thoi sư.

II Ho 14:11

Asa krao apinh Kră Yang 'Bok Kei-Dei sư khan: “Ơ Kră Yang, ưh kơ đei bu thoi Ih tơgŭm lu bơngai tơrăn kĕ jei đơ̆ng bơngai pran; Ơ Kră Yang 'Bok Kei-Dei nhôn, apinh Ih dŏng tơgŭm lu nhôn, lu nhôn gơnang kơ Ih; nhôn yua hăm anăn Ih na năm blah lu bơngai linh lơ âu. Ơ Kră Yang! Ih boih Kră Yang 'Bok Kei-Dei lu nhôn; 'nĕ ăn kơ kon bơngai jei hloh kơ Ih”

II Ho 20:20

Truh pơgê đơ̆ng rŏng, lu sư iung đơ̆ng hrôih lĕch năm tơ tơmăn glă Têkôa; kơplah lu sư oei yak, Jêhôsaphat dơ̆ng tơ noh, khan: “Ơ lu bơngai Juđa păng kon pơlei oei lăm pơlei Jêrusalem mơ̆ng bĕ inh: Lui gơnang bĕ kơ Kră Yang 'Bok Kei-Dei lu iĕm, na lu iĕm pran kơjăp; lui bĕ kơ 'bok khan lê̆ adrol Kră Yang, lei na lu iĕm kĕ jei,”

II Ho 20:35

Đơ̆ng rŏng kơ noh Jêhôsaphat pơtao Juđa pơgơ̆p hăm Ahasia pơtao Isơrael, bơngai mă pơm kơnê̆.

Jop 13:15

Mă Kră Yang pơlôch inh, inh kư̆m oei gơnang kơ sư; Mă-lei inh oei dŏng tơdrong arih inh 'bơ̆t anăp Sư.

Horiso 13:5

Mă-lei inh gơnang kơ tơdrong 'mêm Ih. Jơhngơ̆m inh chhôk hal kơ tơdrong Ih dŏng pơklaih

Horiso 84:12

Ơ Kră Yang 'Bok Kei-Dei Tih Hloh, pŭn dêh kơ bơngai bu mă gơnang kơ Ih!

Êsai 36:7

Păng tơdah ih khan kơ inh, “Lu nhôn gơnang kơ Kră Yang 'Bok Kei-Dei lu nhôn, “Hăm trŏ ưh kơ pơtao Hesekia yuih hŭt lê̆ bơih lu anih tơ kơpal păng chơnang soi Sư, na khan kơ lu đe Juđa păng pơlei Jêrusalem: “Lu iĕm athei kơkuh 'bơ̆t anăp chơnang soi âu dah kiơ?”

Êsai 38:3

“Ơ Kră Yang apinh ih 'blŏk kơ inh, tơdrong inh arih tơnăp đĭ jơhngơ̆m kiơ̆ ih păng pơm 'lơ̆ng tơpăt 'bơ̆t anăp Ih” đơ̆ng noh pơtao Hesekia nhơ̆m ôr.

Mathiơ 27:43

Sư khan lui kơ 'Bok Kei-Dei gô tơgŭm Sư ling-lang păng Sư khan Sư Kon 'Bok Kei-Dei, na bơ̆n gô lăng hăm 'bôh 'Bok Kei-Dei gô tơgŭm Sư tơpă dah ưh.”

Êphêsô 1:12

Sư pơm thoi noh, Sư wă kơ bơ̆n ư-ang tơdrong Sư 'mêm mơnat kơ bơ̆n tơpă, na mă nhôn bơngai Juđê lui kơ 'Bok Krist hơdrol kơ lu bơngai nai kư̆m thoi iĕm, iĕm thoi nhôn.