II Pot 18:37 - Sơ̆p Hlabơar Nơ̆r 'Bok Kei-Dei

³⁷ Êliakim, kon drŏ-nglo Hilkia, bơngai wei hnam pơtao. Sepna, bơngai chih răk hla bơar păng Jôa, kon drŏ-nglo Asap bơngai chih răk đei tơdrong truh wih brŏk tơ Hesekia hek lê̆ hơbĕn ao lu sư hiah đĭ, na roi kơ Hesekia dôm nơ̆r đêl Rapsaka pơma noh.

II Pot 18:37 ပူးပေါင်းရင်းမြစ်များ

Bl 37:29

Rubên hơlơ̆k dơ̆ng tơ sơlŭng đak lăng jua ưh pă 'bôh boih sư hek lê̆ ao sư kơdih.

Bl 37:34

Jakôp hek lê̆ hơbĕn ao sư kơdih, sư iŏk 'bi hơbĕn păng grong sơ'ngon đunh năr kơ kon drŏ-nglo sư lôch.

II Sam 8:16

Jôap kon tơdăm yă Sêruia pơm yŏng pơgơ̆r linh; Jêhôsaphat kon tơdăm Ahilut pơm yŏng chih răk dôm tơdrong truh.

II Pot 18:18

Đơ̆ng noh, lu sư apinh pơma dơnuh hăm pơtao; Êliakim, kon drŏ-nglo Hilkia, 'bok tih wei hnam pơtao; Sepna bơngai chih hla bơar, păng Jôa kon drŏ-nglo Asap bơngai chih răk dôm tơdrong truh, lĕch năm tơ'bơ̆p lu sư.

II Pot 18:26

Kơplah noh Êliakim, kon drŏ-nglo Hilkia, Sepna păng Jôa khan kơ Rapsaka: “Pơma hăm nhôn đĭch đam ih nơ̆r Aram bĕ yua kơ nhôn hlôh nơ̆r noh. 'Nĕ kơ pơma hăm nhôn nơ̆r Juđa hli kơ kon pơlei kơpal dur noh băt.”

II Pot 18:36

Mă-lei kon pơlei thĕng đĕch, ưh kơ đei bu tơl minh nơ̆r; yua kơ pơtao khan bơih: “Lu iĕm 'nĕ kơ tơl!”

II Pot 19:1

Lăp kơtơ̆ng tơdrong noh, Hesekia hek ao sư kơdih, na hrŭk ao 'bi păng năm mơ̆t lăm hnam akŭm kơkuh kơ Kră Yang.

II Pot 22:11

Lăp wă pơtao kơtơ̆ng nơ̆r lăm Sơ̆p hla bơar khôi juăt boih, na sư hek hloi ao sư.

II Pot 22:19

Yua kơ ih đei jơhngơ̆m tơbral bơih, băt tơjur akâu kơdih 'bơ̆t anăp Kră Yang 'bơ̆t ih kơtơ̆ng Inh pơma hil kơ teh 'nâu hăm kon pơlei lăm noh, dĭng lu sư jing juơ rơhiăng, kon pơlei sư pŭ hiap pơtê̆, mă-lei yua kơ ih hek ao, păng nhơ̆m hơdrĭ 'bơ̆t anăp Inh; yua kơ noh inh kư̆m kơtơ̆ng nơ̆r ih bơih.

II Pot 5:7

Lăp pơtao đe Isơrael đŏk kơthơ noh, na sư hek hloi ao sư kơdih păng khan: “Inh Kră Yang 'Bok Kei-Dei hă na gơh pơlôch păng gơh pơrih? Na bơngai âu gơih nơ̆r sư khan athei inh pơklaih bơngai jĭ chin. Bơ̆n răp lăng inh băt sư 'maih chă tơdrong pơm ayăt kơ inh 'nâu.

II Pot 6:30

Kơtơ̆ng duch ei roi thoi noh, pơtao hek ao sư kơdih. Kơplah ei, pơtao oei nơnăm rok kơpal dur pơlei, na kon pơlei 'bôh sư hrŭk ao 'bi tơ lăm.

II Ho 32:1

Đơ̆ng rŏng kơ lu tơdrong noh tơdrong mă Hesekia pơm 'lơ̆ng tơpăt noh, na Senacherip pơtao Asiri năm mơ̆t lăm char Juđa, wang lu pơlei tih kơjăp wă blah iŏk.

Esơra 9:3

Kơtơ̆ng lu nơ̆r noh, na inh hek ao lăm păng ao 'nguaih inh, buch sŏk kơ̆l păng sŏk kang, na hơ-oei ơh sơ'ngon.

Jop 1:20

Jop gruih iung hloi, hek ao sư hơkôih kơ̆l 'ngôch, drap bon tơ teh kơkuh kơ Kră Yang.

Êsai 22:20

Lăm năr noh, Inh gô krao đam Inh Êliakim kon drŏ-nglo Hilkia.

Êsai 33:7

'Nâu lu bơngai pran kơtang oei krao ôr tơ rok trong, lu bơngai đe wơh chă tơdrong hiôk-hian nhơ̆m ơh ol.

Je 36:24

Pơtao păng lu 'bok pơgơ̆r kơtơ̆ng dôm nơ̆r noh, mă-lei ưh kơ hli ưh kơ hek ao lu sư kơdih.

Mathiơ 26:65

'Bok soi tơm kơtơ̆ng Yêsu pơma thoi noh boih, na sư hek hloi ao sư kơdih yua kơ sư ơh tơpă. Na sư khan: “Bơ̆n mah kăl kơ kiơ chă bơngai nai wă jâu Sư dơ̆ng? Iĕm kơtơ̆ng boih Sư pơma thoi noh hei, Sư pơma blông kơ 'Bok Kei-Dei dêh.