II Pot 18:31 - Sơ̆p Hlabơar Nơ̆r 'Bok Kei-Dei

³¹ 'Nĕ kơ mơ̆ng Hesekia, pơtao đe Asiri khan: “Athei hiôk hăm nhôn păng kŭp kơ̆l yơ̆r ti kơ nhôn bĕ; na rim 'nu lăm lu iĕm gô đei sa plei 'long lăm pơgar hơmu iĕm kơdih păng plei hơra iĕm, păng nhă đak sơlŭng iĕm kơdih,

II Pot 18:31 ပူးပေါင်းရင်းမြစ်များ

Bl 32:20

Jakôp tơchĕng: Inh pơyơ̆r tơmam âu kơ Êsâu adrol, wă kơ sư dă 'biơ̆ kơ hil, na đơ̆ng noh inh tơ'bơ̆p đơ̆ng rŏng; rŏ lăng sư sơng iŏk inh hiôk 'biơ̆ kơnh.

Bl 33:11

Apinh 'nhŏng iŏk bĕ dôm tơmam mă oh đei pơyơ̆r ăn kơ 'nhŏng, yua kơ Kră Yang 'Bok Kei-Dei đei tơgŭm boih oh đei jang sa pŭn păng đei tôm mah rơkah kơ yua. Jakôp apinh lung 'bơ'bel athei iŏk, na Êsâu chu iŏk.

I Pot 4:20

Kon pơlei bơngai Juđa păng kon pơlei bơngai Isơrael lơlap lơlang thoi chuơh đak dơsĭ, lu sư sŏng sa păng chơt hiôk tơpă.

I Pot 4:25

Lăm chăl pơtao Sôlômôn pơgơ̆r, bơngai Juđa păng bơngai Isơrael oei hiôk-hian, đơ̆ng pơlei Đan truh tơ pơlei Bêrsêba, rim 'nu kơ lu sư arih jang sa chơt hiôk ala tơnơm hơmu păng tơm hơra sư.

I Pot 5:5

Thoi noh na inh wă pơm Hnam Akŭm ăn kơ anăn Kră Yang 'Bok Kei-Dei inh kiơ̆ thoi Kră Yang khan kơ 'bă inh Đawit sơ̆: Inh gô ăn kơ kon drŏ-nglo ih pơm pơtao pơtrơp đơ̆ng ih, sư gô pơm Hnam Akŭm kơ anăn Inh.

II Pot 18:30

Kŭm 'nĕ ăn kơ sư pơtrŭt lu iĕm lui gơnang kơ Kră Yang khan: Kră Yang gơh pơklaih bơ̆n păng pơlei âu ưh kơ huŏng lăm ti lu đe Asiri ôh.”

Tơdrông Pơđơk 18:16

Tơmam bu pơyơ̆r gô pơih trong kơ sư. Ba sư truh tơ anăp lu bơngai yŏng mơng.

Tơdrông Pơđơk 27:18

Bơngai bu bơwei tơm hơra, gô sa plei sư; Bu chu bơwei yŏng sư, đe gô pơyom.

Je 14:3

Lu yŏng tơ'ngla wơh lu đĭch đam sư năm chă đak, lu sư năm tơ sơlŭng đak mă-lei ưh kơ đei 'bôh đak, lu sư wih brŏk ge hoh; lu yŏng tơ'ngla mơlâu hlơ̆l, gom lê̆ kơ̆l lu sư.

Sa 3:10

Kră Yang khan: “Lăm năr noh, lu iĕm gô krao pơtơm lu bôl buăl rông 'bôt hơ-oei ala tơm hơmu păng tơm 'long hơra.”