II Pot 18:26 - Sơ̆p Hlabơar Nơ̆r 'Bok Kei-Dei

²⁶ Kơplah noh Êliakim, kon drŏ-nglo Hilkia, Sepna păng Jôa khan kơ Rapsaka: “Pơma hăm nhôn đĭch đam ih nơ̆r Aram bĕ yua kơ nhôn hlôh nơ̆r noh. 'Nĕ kơ pơma hăm nhôn nơ̆r Juđa hli kơ kon pơlei kơpal dur noh băt.”

II Pot 18:26 ပူးပေါင်းရင်းမြစ်များ

II Pot 18:18

Đơ̆ng noh, lu sư apinh pơma dơnuh hăm pơtao; Êliakim, kon drŏ-nglo Hilkia, 'bok tih wei hnam pơtao; Sepna bơngai chih hla bơar, păng Jôa kon drŏ-nglo Asap bơngai chih răk dôm tơdrong truh, lĕch năm tơ'bơ̆p lu sư.

II Pot 18:25

Hloh kơ noh dơ̆ng, nhôn năm blah dêh 'nâu, nhôn ưh kơ kiơ̆ thoi nơ̆r Kră Yang athei hă? Kră Yang khan kơ inh: Năm blah dêh âu bĕ păng pơrăm lê̆ sư.”

II Pot 18:27

Mă-lei Rapsaka tơl khan: “Hăm trŏ kơ yŏng tơ'ngla inh wơh inh năm tơ âu wă pơma hăm yŏng tơ'ngla iĕm păng hăm iĕm đĕch, na ưh kơ pơma hăm lu bơngai mă oei dơ̆ng kơpal dur lu bơngai mă gô sa ĭch nhă đak hơyô kơdih thoi lu iĕm noh hă?”

II Pot 18:37

Êliakim, kon drŏ-nglo Hilkia, bơngai wei hnam pơtao. Sepna, bơngai chih răk hla bơar păng Jôa, kon drŏ-nglo Asap bơngai chih răk đei tơdrong truh wih brŏk tơ Hesekia hek lê̆ hơbĕn ao lu sư hiah đĭ, na roi kơ Hesekia dôm nơ̆r đêl Rapsaka pơma noh.

Esơra 4:7

Hlôi kơ chăl Artaserses, na Bislam, Mitrêdat, Tabêl păng hơdai đĭ 'bok kuan lu sư, chih roi ăn kơ Artaserses, pơtao Phersia. Hla bơar đe chih ei chih hăm nơ̆r Aram păng ăn kơ pơtao.

Êsai 22:15

Kră Yang Tih Hloh khan: Ih năm bĕ truh tơ noh, Sepna bơngai bơ̆jang wei-lăng hnam pơtao păng khan kơ sư:

Da 2:4

Mă-lei lu bơngai Kalđê pơma hăm pơtao hăm nơ̆r Aram thoi âu: Kơkuh kơ ih pơtao hơpơi ăn kơ ih arih sot! Apinh ih roi bĕ tơdrong apo noh kơ lu đĭch đam ih păng lu nhôn gô tơblang.