II Pot 18:22 - Sơ̆p Hlabơar Nơ̆r 'Bok Kei-Dei

²² Mă-lei tơdah ih khan kơ inh: “Lu nhôn gơnang kơ Kră Yang 'Bok Kei-Dei nhôn. Hăm trŏ Hesekia hlôi yuih lê̆ chơnang soi Kră Yang tơ anih kơjung păng khan kơ lu bơngai Juđa kon pơlei Jêrusalem:” Iĕm athei kơkuh kơ Kră Yang 'bơ̆t chơnang soi tơ Jêrusalem đĕch dah kiơ?

II Pot 18:22 ပူးပေါင်းရင်းမြစ်များ

II Pot 18:23

Lei ih pơkă bĕ hăm yŏng tơ'ngla inh, pơtao Asiri sư khan: Inh gô jao ăn kơ ih 'bar-rơbâu tŏ aseh dah ih ăn đei bơngai wă hao aseh noh.

II Pot 19:6

Êsai khan kơ lu sư: “Lu iĕm khan bĕ kơ yŏng tơ'ngla iĕm: Kră Yang khan: 'Nĕ kơ hli dôm lu nơ̆r mă lu iĕm kơtơ̆ng lu đĭch đam pơtao đe Asiri pơma pơjăm Inh.

II Ho 31:1

Wă đĭ-đăng tơdrong noh đang boih, lu bơngai Isơrael mă oei tơ noh lu sư năm tơ lu pơlei lăm char Juđa teh pơchah lê̆ lu jrăng gơ̆ng, teh pơhĕch lê̆ lu rup yang Asêria, pơrăm đĭ lu anih kơjung păng lu chơnang soi tơ lăm jơ̆p char Juđa, Bênjamin, Êphraim păng Manase dĭng pơrăm đi boih. Đơ̆ng noh đĭ-đăng lu kon pơlei Isơrael wih brŏk tơ pơlei lu sư kơdih tơ anih hnam lu sư.

II Ho 32:12

Hăm trŏ kơ đơ̆ng Hesekia mă đei pơrăm lê̆ lu anih kơjung păng chơnang soi kơ Kră Yang păng krao pơtơm kon pơlei Juđa păng kon pơlei Jêrusalem khan: Lu iĕm athei kơkuh păng soh tơmam 'bâu phu 'bơ̆t anăp kơ minh pôm chơnang soi 'nâu đĕch?

Êsai 36:7

Păng tơdah ih khan kơ inh, “Lu nhôn gơnang kơ Kră Yang 'Bok Kei-Dei lu nhôn, “Hăm trŏ ưh kơ pơtao Hesekia yuih hŭt lê̆ bơih lu anih tơ kơpal păng chơnang soi Sư, na khan kơ lu đe Juđa păng pơlei Jêrusalem: “Lu iĕm athei kơkuh 'bơ̆t anăp chơnang soi âu dah kiơ?”

Da 3:15

Na dang ei, dah iĕm kơtơ̆ng jơwa keng, brŏ, 'lal păng đĭ lu tơmam reh, na iĕm athei drap bon tơ teh wă kơkuh kơ rup yang mă inh đei man, lei huay mă-lei dah iĕm ưh kơ drap bon kơkuh, jơ noh hloi boih đe gô klơ̆m lu iĕm tơ lăm ŭnh kơdơ̆r to. Na yang kiơ gơh pơklaih iĕm đơ̆ng ti inh?

Mathiơ 27:43

Sư khan lui kơ 'Bok Kei-Dei gô tơgŭm Sư ling-lang păng Sư khan Sư Kon 'Bok Kei-Dei, na bơ̆n gô lăng hăm 'bôh 'Bok Kei-Dei gô tơgŭm Sư tơpă dah ưh.”

I Kor 2:15

Lu bơngai mă đei Yang Bơhngol 'Lơ̆ng, lu sư hlôh băt tôm tơdrong trŏ glăi; gah lu bơngai mă ưh kơ đei Yang Bơhngol 'Lơ̆ng, lu sư ưh kơ hlôh minh tơdrong trŏ glăi gah lu bơ̆n thoi yơ.

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Both 12:14

Mă-lei lu iĕm athei pơyơ̆r tơmam soi 'buh tơ anih mă Kră Yang gô rơih minh anih đơ̆ng lăm teh đak lăm minh adrĕch, tơ anih noh lu iĕm athei pơm dôm tơdrong mă inh đei bơtho khan.

Both 12:5

Mă-lei lu iĕm athei chă anih ayơ lăm adrĕch Isơrael, mă Kră Yang 'Bok Kei-Dei lu iĕm gô rơih iŏk pơm anih oei păng 'măn Anăn Sư, lu iĕm akŭm kơkuh.