II Pot 18:17 - Sơ̆p Hlabơar Nơ̆r 'Bok Kei-Dei

¹⁷ Mă-lei, pơtao đe Asiri wơh Tartan, Rapsaris păng Rapsaka chông ba minh khŭl linh lơ đơ̆ng pơlei Lakis, năm tơ Hesekia tơ pơlei Jêrusalem lu sư truh tơ pơlei Jêrusalem. Truh bơih lu sư dơ̆ng 'bơ̆t hơbong đak ro mơ̆t tơ Dơnâu Kơpơ̆ng, wă khan trong năm tơ anih lu bơngai juăt kơ pih sa.

II Pot 18:17 ပူးပေါင်းရင်းမြစ်များ

II Pot 14:19

Tơ Pơlei Jêrusalem đei bơngai chă đon wă blah pơtao Amasia. Na sư kơdâu ôn tơ Lakis. Mă-lei đe athei bơngai druh 'moi rôp sư tơ Lakis păng pơlôch sư tơ noh.

II Pot 18:16

Kơplah noh, Hesekia plôh iŏk maih đơ̆ng lom lu 'măng, păng plôh iŏk maih đơ̆ng 'long dơ̆ng 'măng hnam akŭm kơkuh kơ Kră Yang, mă đêl kơdih sư 'mơ̆i lom 'măng noh ăn pơđĭ kơ pơtao đe Asiri.

II Pot 19:23

Ih hlôi yua lu bơngai jang kơ ih na ih blei hiap Kră Yang. Ih khan: Hăm gre aseh lơ 'nâu, inh tŏk tơ kông kơjung truh tơ wĕch kông Liban; oei tơ noh, inh kăl bơih lu 'long hơngo kơjung hloh păng 'long hơngo hla iĕ mă 'lơ̆ng hloh, inh đei năm bơih tơ lăm bri roh noh tơ lăm kơdrơ̆ng 'long rơ̆m roh.

II Pot 19:6

Êsai khan kơ lu sư: “Lu iĕm khan bĕ kơ yŏng tơ'ngla iĕm: Kră Yang khan: 'Nĕ kơ hli dôm lu nơ̆r mă lu iĕm kơtơ̆ng lu đĭch đam pơtao đe Asiri pơma pơjăm Inh.

II Pot 20:20

Dôm lu tơdrong hơ'mon nai gah Hesekia, tơdrong pơgơ̆r, tơdrong sư man pơm đak dơnâu păng pơm hơbong pơro đak tơmơ̆t lăm pơlei, đe đei chih tơ lăm sơ̆p hla bơar hơ'mon gah lu pơtao đe Juđa?

II Ho 12:4

Sisăk đei blah iŏk lu pơlei tih kơjăp lăm char Juđa dĭng truh tơ pơlei tih Jêrusalem.

II Ho 32:9

Đang kơ noh, Senacherip, pơtao Asiri, hơdai hăm lu linh sư oei wang blah pơlei Lakis, kư̆m đei wơh lu Yŏng linh sư năm tơ pơtao Hesekia păng kon pơlei Juđa tơ pơlei Jêrusalem păng khan:

Êsai 20:1

Lăm sơnăm Sargôn pơtao dêh Asiri wơh Tartan năm tơ pơlei Asdôt, blah păng iŏk pơlei noh.

Êsai 36:2

Pơtao dêh char Asiri wơh 'bok yŏng anăn sư Rapsaka hăm lu linh sư lơ, đơ̆ng pơlei Lakis truh tơ Jêrusalem wă kơ pơtao Hesekia yơ̆r ti kiơ̆ Sư, Rapsaka dơ̆ng 'bơ̆t hơbong đak ro mơ̆t tơ Dơnâu kơpơ̆ng, trong năm tơ dơnih đak lu bơngai tong brai.

Êsai 7:3

Kră Yang khan kơ Êsai: “Ih hăm kon drŏ-nglo ih Sêar Jasup năm sơng bĕ Ahas 'bơ̆t tôch kơ hơbong đak ro mơ̆t tơ Dơnâu Kơpơ̆ng, trong năm tơ dơnih đak bơngai tong brai.