II Pot 18:15 - Sơ̆p Hlabơar Nơ̆r 'Bok Kei-Dei

¹⁵ Hesekia ăn kơ sư dôm lu jên hu đơ̆ng lăm hnam akŭm kơkuh kơ Kră Yang păng đơ̆ng lăm hnam mong tơmam anih pơtao.

II Pot 18:15 ပူးပေါင်းရင်းမြစ်များ

I Pot 15:15

Sư chĕp ba tah lăm hnam Kră Yang hu, maih păng dôm tơmam kăl đơ̆ng 'bă sư păng đơ̆ng sư kơdih pơyơ̆r.

II Pot 12:18

Jôas, pơtao đe Juđa, iŏk đĭ dôm tơmam 'lơ̆ng rơgoh lu 'bok kơdră sư sơ̆ 'bok Jêhôsaphat, Jêhôram, păng Ahasia, lu sư noh pơtao đe Juđa, tơmam noh lu sư hlôi 'măn lê̆ 'lơ̆ng rơgoh, Jôas kư̆m iŏk tơmam 'lơ̆ng rơgoh sư kơdih păng iŏk đĭ maih lăm hnam mong tơmam lăm hnam akŭm kơkuh kơ Kră Yang păng đơ̆ng hnam pơtao, na pơyơ̆r ăn kơ Hasael pơtao đe Aram, yua kơ tơdrong noh, na Hasael chu weh đơ̆ng Pơlei Jêrusalem.

II Pot 12:19

Dôm lu tơdrong hơ'mon gah Jôas, tơdrong hơ'mon nai dơ̆ng păng dôm lu tơdrong jang đêl sư pơm, đei chih đĭ bơih lăm sơ̆p hla bơar hơ'mon gah lu pơtao đe Juđa.

II Pot 16:8

Ahas kư̆m iŏk hu, maih đơ̆ng lăm Hnam akŭm kơkuh kơ Kră Yang păng đơ̆ng lăm hnam mong tơmam lăm hnam pơtao, chĕp ba tơmam noh ăn kơ pơtao đe Asiri.

II Pot 18:16

Kơplah noh, Hesekia plôh iŏk maih đơ̆ng lom lu 'măng, păng plôh iŏk maih đơ̆ng 'long dơ̆ng 'măng hnam akŭm kơkuh kơ Kră Yang, mă đêl kơdih sư 'mơ̆i lom 'măng noh ăn pơđĭ kơ pơtao đe Asiri.

II Ho 16:2

Asa iŏk hu maih đơ̆ng lăm hnam mong tơmam hnam Kră Yang păng đơ̆ng lăm hnam mong tơmam pơtao, gơih ăn kơ Ben Hadat, pơtao Siri, oei lăm pơlei Đamas păng khan:

Êsai 39:2

Hesekia hiôk sơng iŏk lu sư, na sư ăn năm lăng lăm hnam pơtao, anih lê̆ tơmam gĭt thoi kơ: Hu, maih, pơgang 'bâu phu, đak plei ôliwơ gĭt hăm năm lăng anih 'măn lu tơmam tơblah păng dôm lu tơmam gĭt lăm anih hnam sư, mă tơmam kiơ kiơ lăm anih pơtao păng lăm jơ̆p kơ dêh char pơtao sư, ưh kơ đei minh pôm tơmam yă kiơ mă Hesekia ưh kơ ăn kơ lu bơngai tang măt ăn kơ dêh char Babilôn lăng.