II Pot 18:12 - Sơ̆p Hlabơar Nơ̆r 'Bok Kei-Dei

¹² Noh, yua kơ lu sư ưh kơ chu kiơ̆ nơ̆r Kră Yang 'Bok Kei-Dei lu sư bơtho khan, mă-lei lu sư pơm glăi kơ tơdrong Kră Yang pơgơ̆p pơkă, lu sư ưh kơ wă, mơ̆ng păng kuă kơ pơm kiơ̆ dôm tơdrong mă Môis, đĭch đam Kră Yang hlôi bơtho.

II Pot 18:12 ပူးပေါင်းရင်းမြစ်များ

I Pot 9:6

Mă-lei tơdah ih păng lu kon sâu ih weh tơklah đơ̆ng Inh ưh kơ wă wei răk khôi juăt păng dôm nơ̆r Inh tơtă ăn kơ lu iĕm, na bơ̆jang păng kơkuh kơ rup yang nai,

II Pot 21:8

Dah lu bơngai Isơrael wei răk dôm tơdrong Inh bơtho khan, dôm tơdrong juăt Môis đĭch đam Inh hlôi bơtho kơ lu sư, lei Inh gô ưh kơ lê̆ lu sư chă năm jơ̆p-jang tơ 'nguaih kơ dêh char mă inh ăn bơih kơ lu yă 'bok lu sư.”

Ne 9:17

Lu sư ưh kơ chu kiơ̆ păng ưh kơ 'blŏk dôm tơdrong mơsêh mơyang Ih đei pơm boih tŏk-bŏk lu sư; mă-lei lu sư arăng kơ̆l, lăm tơdrong lu sư pơm kơchu rơih chă minh 'nu bơngai pơm yŏng wă chông hơlơ̆k brŏk tơ dêh char Êyiptơ dơ̆ng mă đêl lu sư pơm đĭch. Mă-lei Ih boih Kră Yang 'Bok Kei-Dei huay kơ jô̆ yo băt kơ 'mêm mơnat, hiơ̆ kơ hil păng 'bĕnh hăm tơdrong 'mêm mơnat, Ih ưh kơ achăng lê̆ lu sư ôh.

Horiso 107:17

Lu bơngai kơ hlôh đei tơdrong gleh yua kơ pơm tơdrong yoch păng tơdrong kơnê̆.

Horiso 78:10

Lu sư ưh kơ wei răk nơ̆r pơgơ̆p hăm Kră Yang 'Bok Kei-Dei, Hơngah ưh kơ chu arih kiơ̆ khôi juăt Sư.

Horiso 81:12

Thoi noh, Inh achăng lê̆ lu sư pơm kiơ̆ kơ jơhngơ̆m arăng kơ chu lu sư. Kiơ̆ kơ tơdrong lu sư chă đon kơdih.

Êsai 1:19

Tơdah lu iĕm wă păng chu yom Inh, Lei lu iĕm gô sa tơmam 'lơ̆ng hloh lăm teh âu.

Je 3:8

Sư 'bôh boih yua kơ tơdrong luĕl 'blal lu bơngai Isơrael pơm pơyô ngôi kư̆ kă. Na Inh achăng lê̆ sư pơm hla bơar hrĕch păng puh tơweh sư. Mă-lei oh sư bơngai Juđa ưh kơ hli ôh, kư̆m wang pơm pơyô kư̆ kă noh.

Je 7:23

Mă-lei 'nâu tơdrong Inh tơtă kơ lu sư. ‘Chu bĕ kơ nơ̆r Inh, Inh gô jing Kră Yang 'Bok Kei-Dei lu iĕm, iĕm jing kon pơlei pơla Inh. Arih yak kiơ̆ bĕ lăm rim trong Inh đei tơtă, wă kơ lu iĕm đei tơdrong pŭn hiôk.’

Êsêkiên 11:12

Na lu iĕm gô băt Inh boih Kră Yang, yua kơ lu iĕm ưh kơ kiơ̆ khôi juăt Inh, ưh kơ wei răk tơdrong Inh tơtă, mă-lei pơm kiơ̆ tơdrong juăt teh đak jum dăr kơ iĕm.”

Da 9:5

Lu nhôn pơm yoch boih, pơm tơdrong ưh kơ trŏ, oei arih sa kơnê̆, lu nhôn ưh kơ chu păng achăng lê̆ tơdrong juăt păng nơ̆r Ih tơtă.

Am 2:6

Kră Yang khan: Yua kơ đơ̆ng kon pơlei Isơrael rai pơm yoch hloh kơ adrol, na inh ưh kơ lê̆ ôh wă phak lu sư, yua kơ lu sư tĕch boih lu bơngai tơpăt yua kơ jên păng tĕch lu bơngai dơnuh hin yua kơ hơgrop chơkhŏ chuă.

Mi 3:4

Kơplah ei lu sư gô krao apinh Kră Yang, mă-lei Kră Yang ưh kơ tơl tơwih, tơpă Kră Yang ôn muh măt Sư kơ lu đe noh lăm kơplah noh kiơ̆ thoi tơdrong kơnê̆ lu sư đei pơm boih.

Jo 12:7

Đĭch đam Inh Môis ưh kơ trŏ thoi noh ôh, sư bơngai tơpăt tơnăp dêh lăm hnam Inh.

Both 11:28

Tơdrong hiap pơtê̆, tơdah lu iĕm kuă kơ mơ̆ng păng ưh kơ pơm kiơ̆ ôh dôm nơ̆r tơtă đơ̆ng Kră Yang 'Bok Kei-Dei lu iĕm, mă weh achăng lê̆ nơ̆r tơtă đơ̆ng Kră Yang 'Bok Kei-Dei iĕm, na yak kiơ̆ trong lu yang nai, mă lu iĕm ưh kơ băt.

Both 31:16

Kră Yang khan kơ Môis: Ih gô pơdơh hăm lu 'bok ih; kon pơlei 'nâu gô kơkuh kơ yang nai lăm dêh lu sư wă năm mơ̆t lu sư gô achăng lê̆ Inh păng pơm glăi kơ tơdrong pơgơ̆p mă Inh đei pơgơ̆p boih hăm lu sư.

Both 31:17

Năr ei kơnh Inh gô hil blĕk; Inh gô achăng lê̆ lu sư, ôn muh măt Inh đơ̆ng lu sư păng lu sư gô jing tơmam sa kơ lu kon pơlei nai. Lu sư gô đei tơdrong răm-'băm pơmat-tat. Lăm năr noh lu sư gô jet: Hăm trŏ bơ̆n đei tơdrong răm pơmat-tat yua kơ Kră Yang 'Bok Kei-Dei bơ̆n ưh kơ oei hơdai bơ̆n dơ̆ng?

Both 34:5

Môis, đĭch đam Kră Yang, lôch tơ lăm dêh char Môap, trŏ thoi Kră Yang khan.

Both 8:20

Kră Yang pơlôch pơrăm đĭ lu adrĕch nai 'bơ̆t anăp lu iĕm thoi yơ. Sư kư̆m pơlôch pơrăm lu iĕm thoi noh mơ̆n yua kơ lu iĕm ưh kơ wă mơ̆ng kiơ̆ nơ̆r Kră Yang 'Bok Kei-Dei lu iĕm ôh.

II Tes 1:8

Lu sư yak lăm anê̆ ŭnh. Sư wă phak lê̆ lu bơngai mă ưh kơ băt kơ 'Bok Kei-Dei păng ưh kơ wă lui yom kơ tơdrong 'nao 'lơ̆ng Kră Yang bơ̆n Yêsu Krist.

II Tim 2:24

Lu đĭch đam Kră Yang 'Bok Kei-Dei ưh kơ gơh hil hơwĕng kơ đe ôh. Sư athei pơm 'lơ̆ng kơ đe. Sư bơtho nơ̆r Kră Yang hơgei, đe hil kơ sư, sư athei krŏt đĕch.

Jôsuê 1:1

Đơ̆ng rŏng kơ Môis đĭch đam Kră Yang lôch boih, Kră Yang bơtho khan kơ Jôsuê đam kơiĕng Môis, kon drŏ-nglo Nun.

I Pet 2:8

Tơ lăm sơ̆p hla bơar 'Bok Kei-Dei kư̆m khan thoi âu dơ̆ng: “Kon bơngai gô kơtơih pơ̆k kơ tơmo noh.” Lu bơngai mă kơtơih pơ̆k noh yua kơ lu sư kuă kơ lui kơ nơ̆r 'Bok Kei-Dei pơma, na 'Bok Kei-Dei ăn kơ lu sư kơtơih pơ̆k.

I Pet 4:17

Dang ei 'Bok Kei-Dei wă pơtơm ăn tơdrong gleh kơ kon bơngai. Sư ăn kơ lu kon Sư adrol 'mơ̆i, wă pơlong lăng tơdrong lui lu sư thoi yơ. Klaih kơ noh na Sư ăn tơdrong gleh truh kơ lu bơngai mă kuă kơ lui kơ tơdrong 'nao 'lơ̆ng Sư. Tơdrong gleh lu sư noh kơtang tơpă, kơtang hloh kơ tơdrong gleh lu bơ̆n đei dang ei.