II Pot 18:11 - Sơ̆p Hlabơar Nơ̆r 'Bok Kei-Dei

¹¹ Pơtao đe Asiri chông ba lu kon pơlei Isơrael năm tơ Asiri, ăn kơ lu sư oei tơ Hala, 'bơ̆t đak Krong Habôr lăm tơring Gôsan păng ăn mơ'nah lu sư oei tơ lu pơlei lăm tơring Mêđi.

II Pot 18:11 ပူးပေါင်းရင်းမြစ်များ

II Pot 15:29

Lăm chăl Pêka, pơm pơtao đe Isơrael, Tiglat Pileser, pơtao đe Asiri năm tơgar iŏk pơlei Ijôn, Abel Bêt Maaka, Janôa, Kêđes, Hasor, tơring Gileat tơring Galilê păng tơring Naptali hai dơ̆ng. Thoi noh, sư anhăk ba kon pơlei lu dêh ei tŏk tơ dêh char Asiri pơm bơnă.

II Pot 17:6

Lăm sơnăm mă tơsĭn, chăl Hôsêa; pơtao đe Asiri blah iŏk Pơlei Samari, chông ba kon pơlei Isơrael tơ char Asiri, ăn lu sư oei 'bơ̆t Pơlei Hala păng 'bơ̆t đak krong Habôr tơ char Gôsan păng oei tơ lơ lu pơlei lăm dêh char Mêđi.

II Pot 19:11

'Nâu ih kơtơ̆ng bơih dôm lu tơdrong mă pơtao Asiri hlôi pơm ăn kơ dôm lu dêh char iĕm pơrăm lê̆ đĭ-đăng: Bĭ ih kơnh klaih hă?

II Pot 21:8

Dah lu bơngai Isơrael wei răk dôm tơdrong Inh bơtho khan, dôm tơdrong juăt Môis đĭch đam Inh hlôi bơtho kơ lu sư, lei Inh gô ưh kơ lê̆ lu sư chă năm jơ̆p-jang tơ 'nguaih kơ dêh char mă inh ăn bơih kơ lu yă 'bok lu sư.”

II Pot 23:27

Na Kră Yang khan: “Inh gô puh tơweh lê̆ lu bơngai Juđa đơ̆ng Inh, thoi Inh puh tơweh bơih lu bơngai Isơrael păng Inh gô pơrăm lê̆ Pơlei Jêrusalem mă Inh rơih bơih păng kư̆m pơrăm Hnam akŭm tơm mă Inh hlôi khan: Anăn Inh gô oei tơ noh.”

I Ho 5:26

Na Kră Yang 'Bok Kei-Dei Isơrael, pơtrŭt jơhngơ̆m Pul, pơtao dêh char Asiri păng Tiglat Phileser pơtao dêh char Asiri, rôp lu kon pơlei bơngai Rubên, bơngai Gat păng minh puăt bơngai Manase anhăk ba lu sư tơ pơlei Hala, Habôr, Hara, păng tơ tơring đak Krong Gôsan, dĭng truh tơ dang ei.

Ne 9:30

Ih mơnat kơ lu sư lơ sơnăm, yua Yang bơhngol 'lơ̆ng păng lu 'bok khan lê̆ adrol pơm kơdranh kơ lu sư, mă-lei lu sư ưh kơ wă pơgling đon mơ̆ng, thoi noh Ih pơjao lu sư lăm tơpang ti lu kon pơlei lăm char noh.

Êsai 10:11

Inh ưh kơ wă pơrăm rup yang pơlei Jêrusalem hă? Thoi inh đei pơm bơih kơ pơlei Samari hăm rup yang sư?”

Êsai 10:5

Răm-'băm tơpă kơ dêh char Asiri, sư thoi sơnguĕt tơdrong Inh hil mĭl, 'long jra mă lu sư chĕp 'bơ̆t ti noh tơdrong Inh hil mĭl.

Êsai 36:2

Pơtao dêh char Asiri wơh 'bok yŏng anăn sư Rapsaka hăm lu linh sư lơ, đơ̆ng pơlei Lakis truh tơ Jêrusalem wă kơ pơtao Hesekia yơ̆r ti kiơ̆ Sư, Rapsaka dơ̆ng 'bơ̆t hơbong đak ro mơ̆t tơ Dơnâu kơpơ̆ng, trong năm tơ dơnih đak lu bơngai tong brai.

Êsai 37:12

Lu yang, lu teh đak mă 'bok yă inh đei pơrăm lê̆ đĭ bơih, lu yang char Gôsan, pơlei Haran, Rêsep păng lu kon pơlei Êđen oei tơ pơlei Têl Asar hăm gơh pơklaih lu sư ưh?

Êsai 7:8

Yua kơ kơ̆l char Siri jơ pơlei Đamas, kơ̆l pơlei Đamas jơ̆ Rêsin lăm tơdrâu-jĭt pơđăm sơnăm Êphraim gô răm đĭ ưh pă jing kon pơlei pơla dơ̆ng.

Êsai 8:4

Yua kơ adrol kơ kon nge noh gơh pơma krao, 'Bă ơi! Mĕ ơi! Đe gô iŏk lê̆ mŭk tơmam gĭt đơ̆ng pơlei Đamas păng tơmam tơgar iŏk đơ̆ng Samari năm ba 'bơ̆t anăp pơtao Asiri.

Hôsia 9:3

Lu sư ưh kơ gơh oei ôh tơ lăm char Kră Yang; mă-lei Êphraim gô wih brŏk tơ char Êyiptơ, lu sư gô sa tơmam sa ưh kơ 'lơ̆ng rơgoh lăm char Asiri.

Am 2:6

Kră Yang khan: Yua kơ đơ̆ng kon pơlei Isơrael rai pơm yoch hloh kơ adrol, na inh ưh kơ lê̆ ôh wă phak lu sư, yua kơ lu sư tĕch boih lu bơngai tơpăt yua kơ jên păng tĕch lu bơngai dơnuh hin yua kơ hơgrop chơkhŏ chuă.

Am 5:6

Chơchă bĕ Kră Yang, na lu iĕm gô arih; tơdah ưh Kră Yang gô phak adrĕch Jôsep păng pơlei Bethel, thoi ŭnh sa ưh kơ đei bu kĕ pĭt.

Jang 7:43

Iĕm tung ba hnam yang Malŏk noh, păng rup sơnglŏng yang Rapan; dôm lu rup âu iĕm pơm kơdih wă kơkuh kơ sư đĕch, na Inh gô pơpuh lê̆ iĕm jăk oei tơ pah to Pơlei Babilôn.’