II Pot 17:37 - Sơ̆p Hlabơar Nơ̆r 'Bok Kei-Dei

³⁷ Lu tơdrong juăt nơ̆r tơtă, păng nơ̆r Kră Yang athei mă Sư chih ăn kơ lu iĕm; lu iĕm athei wei răk, pơm kiơ̆ ling-lang khŏm khŏm, 'nĕ kơkuh kơ lu yang nai.

II Pot 17:37 ပူးပေါင်းရင်းမြစ်များ

II Pot 17:38

Lu iĕm 'nĕ kơ hiơt ôh tơdrong pơgơ̆p pơkă mă Inh pơjing hăm lu iĕm 'nĕ kơkuh kơ yang nai.

I Ho 29:19

Apinh Ih ăn kơ Sôlômôn, kon drŏ-nglo inh, đĭ jơhngơ̆m wei răk lu nơ̆r tơtă khôi juăt păng nơ̆r Ih pơkă pơkăm kư̆m pơm tôm tơdrong jang wă, man tơiung hnam mă inh đei chă hơmet lê̆ tơmam bơih.”

Lêwi 19:37

Thoi noh lu iĕm athei bơwei răk pơm kiơ̆ dôm tơdrong juăt Inh păng nơ̆r Inh tơtă, Inh boih Kră Yang.

Both 12:32

Lu iĕm athei kơchăng; pơm kiơ̆ mă trŏ thoi noh 'nĕ kơ hŭt dah pơthim kiơ.

Both 31:11

Kơplah đĭ-đăng bơngai Isơrael năm kơkuh kơ Kră Yang 'Bok Kei-Dei iĕm, tơ anih mă Sư gô rơih, na lu iĕm athei đŏk ăn mă re kơ lu sư mơ̆ng khôi juăt 'nâu.

Both 31:9

Môis chih khôi juăt 'nâu, pơjao ăn kơ lu 'bok soi, kon drŏ-nglo bơngai Lêwi lu bơngai tung Hom Tơdrong Pơgơ̆p Kră Yang păng pơjao ăn kơ đĭ-đăng lu kră bơngai Isơrael.

Both 5:22

Tơ kơpal kông, đơ̆ng tŏk-bŏk ŭnh, đơ̆ng lăm hơmơ̆l păng đơ̆ng lăm măng mu, đei nơ̆r re kơtang; Kră Yang khan dôm lu nơ̆r âu ăn kơ đĭ-đăng lu iĕm, Sư ưh kơ đei thim ôh; Sư chih dôm lu nơ̆r noh tơ kơpal 'bar hlak tơmo lat na jao ăn kơ inh.

Both 5:31

Gah ih, oei bĕ 'bơ̆t dâu hăm Inh, Inh gô roi ăn kơ ih băt dôm nơ̆r tơtă, tơdrong juăt păng nơ̆r tơbăt ih gô bơtho ăn dơ̆ng kơ lu sư, wă kơ lu sư pơm kiơ̆ tơ lăm dêh mă Inh gô ăn kơ lu sư.

Both 5:32

Thoi noh, lu iĕm athei kơchăng pơm kiơ̆, thoi Kră Yang 'Bok Kei-Dei lu bơ̆n hlôi pơkă boih. 'Nĕ kơ weh gah 'ma, dah gah 'ngiĕo.

Both 5:33

Lu iĕm athei yak kiơ̆ đĭ trong mă Kră Yang 'Bok Kei-Dei lu iĕm tơtă, wă kơ lu iĕm gơh đei pŭn hiôk păng oei arih sot lăm dêh mă iĕm gô iŏk.

Lu 6:10

Inh đei khan kơ lu iĕm: Inh boih Kră Yang 'Bok Kei-Dei lu iĕm; 'nĕ kơ drap kơkuh kơ lu yang kon pơlei Amôrit lăm dêh char mă lu iĕm oei. Mă-lei lu iĕm ưh kơ đei wă mơ̆ng kiơ̆ nơ̆r Inh!