II Pot 17:35 - Sơ̆p Hlabơar Nơ̆r 'Bok Kei-Dei

³⁵ Kră Yang pơm tơdrong pơgơ̆p pơkă hăm lu sư, bơtho khan kơ lu sư: “Lu iĕm 'nĕ kơkuh kơ lu yang nai, dah bơ̆jang kơ lu sư, păng 'nĕ kơ soi sơmah kơ lu sư.

II Pot 17:35 ပူးပေါင်းရင်းမြစ်များ

II Pot 17:15

Lu sư sơngah achăng lê̆ dôm tơdrong juăt păng tơdrong Kră Yang pơgơ̆p pơkă hăm lu yă 'bok lu sư păng dôm lu nơ̆r tơbăt wă kơ lu sư kơchăng. Lu sư năm kiơ̆ lu yang ưh kơ tơpă păng jing bơngai ưh kơ yua kiơ, lu sư rok adrĕch adrung lu bơngai tăp dăr kơ lu sư, mă Kră Yang đei khă kuă ăn rok kiơ̆ lu đe noh.

Le 20:3

Minh 'nu Inh đĕch, iĕm 'nĕ kơ đei lu yang nai.

Je 10:5

Rup yang lu sư nhen thoi ngu hơtol kơ sem lăm pơgar pia mơkai; Ưh kơ gơh pơma; đe tung đĕch, yua kơ ưh kơ gơh nơnăm. 'Nĕ kơ hli kơ lu rup yang noh, yua kơ lu sư ưh kơ gơh pơrăm bơ̆n ôh, kư̆m ưh kơ gơh pơm 'lơ̆ng kơ bơ̆n mơ̆n.

Je 25:6

'Nĕ kơ kiơ̆ kơkuh păng jang kơ lu yang nai, 'nĕ iŏk tơmam iĕm chă pơm păng ti na tơblĕk Inh dơ̆ng, lei Inh huay kơ ăn tơdrong răm truh kơ iĕm.’

Both 5:2

Kră Yang 'Bok Kei-Dei lu bơ̆n đei pơgơ̆p boih hăm lu bơ̆n tơ kông Hôrêp.

Both 5:9

Lu iĕm 'nĕ kơ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư noh, yua kơ Inh jơ̆ Kră Yang 'Bok Kei-Dei lu iĕm, wă khan jơ̆ Kră Yang 'Bok Kei-Dei băt gar. Bơngai bu areh kơ Inh, Inh gô phak bơngai noh truh tơ kon sâu se sư pêng puăn jơhnơr.

Both 6:14

'Nĕ kơ kiơ̆ lu yang nai, lu yang mă lu adrĕch adrung oei jum dăr kơ iĕm.

Jôsuê 23:16

Tơdah lu iĕm sơngah kơ tơdrong pơgơ̆p Kră Yang 'Bok Kei-Dei lu iĕm, đei hlôi bơtho pơkă, na lu iĕm achăng lê̆ Kră Yang, chă bơ̆jang awih awăn păng drap kơkuh kơ lu yang nai, lei tơdrong Kră Yang hil mĭl tih gô truh tơ lu iĕm, na lu iĕm gô lôch hiong răm đĭ đơ̆ng char 'lơ̆ng rŏ mă Kră Yang đei ăn boih.

Jôsuê 23:7

Lê̆ kơ mơ̆t hơdai hăm lu adrĕch adrung âu, mă oei oei hơdai hăm lu iĕm, lê̆ kơ pao anăn yang lu sư păng lê̆ kơ yua anăn yang lu sư pơkă pơkăm lê̆ kơ bơ̆jang păng lê̆ kơ drap kơkuh kơ yang noh.

Lu 6:10

Inh đei khan kơ lu iĕm: Inh boih Kră Yang 'Bok Kei-Dei lu iĕm; 'nĕ kơ drap kơkuh kơ lu yang kon pơlei Amôrit lăm dêh char mă lu iĕm oei. Mă-lei lu iĕm ưh kơ đei wă mơ̆ng kiơ̆ nơ̆r Inh!