II Pot 17:27 - Sơ̆p Hlabơar Nơ̆r 'Bok Kei-Dei

²⁷ Na pơtao đe Asiri wơh athei: “Lăm lu 'bok soi mă lu iĕm rôp bơih, iĕm athei rơih iŏk minh 'nu chông ba sư brŏk tơ dêh char noh wă kơ sư bơtho tơdrong juăt kơkuh kơ yang lăm dêh char noh.”

II Pot 17:27 ပူးပေါင်းရင်းမြစ်များ

I Pot 12:31

Jêrôbôam kư̆m đei pơm lơ hnam yang tơ kơpal anih kơjung păng sư rơih bơngai đơ̆ng lăm kon pơlei mă ưh kơ khŭl Lêwi, athei lu sư pơm 'bok soi.

I Pot 13:2

Bơngai 'noh ôr khan kơ chơnang soi kiơ̆ thoi nơ̆r Kră Yang khan: “Ơ chơnang soi, chơnang soi! 'Nâu nơ̆r Kră Yang khan: 'Nâu đe gô tơpŭ kơ minh 'nu kon drŏ-nglo ăn kơ adrĕch hnam Đawit anăn sư Jôsia. Sư gô pơyơ̆r tơmam soi kơpal ih, lu 'bok soi đơ̆ng anih kơjung, lu 'bok soi noh bơngai mă soh tơmam 'bâu phu kơpal ih tơ rim anih kơjung păng đe gô soh kơting bơngai kơpal ih.”

II Pot 17:26

Thoi noh đe roi kơ pơtao Asiri: “Lu kon pơlei mă ih anhăk ba ăn oei lăm lu pơlei tơ Samari ưh kơ băt tơdrong juăt kơkuh kơ Kră Yang lăm dêh char noh, yua kơ noh na yang ei đei athei dăm-brang năm pơlôch lu sư, kơlih kơ lu sư ưh kơ băt tơdrong juăt kơkuh kơ yang lăm char noh.”

II Pot 17:28

Thoi noh, minh 'nu bơngai lăm lu 'bok soi mă lu sư hlôi rôp đơ̆ng dêh Samari sơ̆, lu sư ăn wơ̆t brŏk oei tơ Bethel, na sư bơtho kon pơlei kơkuh kơ Kră Yang thoi yơ noh.

II Ho 11:15

Jêrôbôam chă pôk pơjing lu 'bok soi sư kơdih tơ lu anih kơjung, kơ lu rup yang sư man noh bơbe tơno păng kon rơmo

Esơra 7:25

Gah ih, ơ Esơra, kiơ̆ kơ tơdrong hơgei Kră Yang 'Bok Kei-Dei ih, đei boih lăm ti ih, pơjing bĕ lu 'bok wei-lăng, 'bok sek tơlang, jĭ lu bơngai hlôh băt tôm khôi juăt Kră Yang 'Bok Kei-Dei ăn kơ ih, wă kơ lu sư sek tơlang ăn đĭ kon pơlei oei gah bơmơ̆t kơ đak krong; na lu đe bu mă ưh kơ băt khôi juăt, ih athei bơtho lu sư wă kơ băt.

Lu 17:13

Mika khan: Dang ei inh băt boih kơ Kră Yang gô tơgŭm inh đei tơdrong pŭn hiôk, yua kơ bơngai Lêwi pơm 'bok soi inh boih.