II Pot 17:25 - Sơ̆p Hlabơar Nơ̆r 'Bok Kei-Dei

²⁵ Kơplah lu sư 'nao oei tơ noh, lu sư ưh kơ kơkuh ôh kơ Kră Yang, na Kră Yang ăn dăm-brang năm châu pơlôch lu mơ'nah lăm lu sư.

II Pot 17:25 ပူးပေါင်းရင်းမြစ်များ

I Pot 13:24

Sư brŏk oei rok trong tơ'bơ̆p dăm-brang châu pơlôch sư hloi, lê̆ akâu sư 'bơ̆t trong, aseh păng dăm-brang dơ̆ng gah cheng.

I Pot 20:36

Na sư khan: “Yua kơ ih ưh kơ chu nơ̆r Kră Yang, na lăp ih weh đơ̆ng inh kơnh dăm-brang gô châu pơlôch ih.” Lăp sư weh, đei minh pôm Dăm-brang châu sư lôch hloi.

II Pot 17:26

Thoi noh đe roi kơ pơtao Asiri: “Lu kon pơlei mă ih anhăk ba ăn oei lăm lu pơlei tơ Samari ưh kơ băt tơdrong juăt kơkuh kơ Kră Yang lăm dêh char noh, yua kơ noh na yang ei đei athei dăm-brang năm pơlôch lu sư, kơlih kơ lu sư ưh kơ băt tơdrong juăt kơkuh kơ yang lăm char noh.”

II Pot 17:28

Thoi noh, minh 'nu bơngai lăm lu 'bok soi mă lu sư hlôi rôp đơ̆ng dêh Samari sơ̆, lu sư ăn wơ̆t brŏk oei tơ Bethel, na sư bơtho kon pơlei kơkuh kơ Kră Yang thoi yơ noh.

II Pot 17:32

Lu sư hli kơ Kră Yang, mă-lei oei rơih iŏk lu bơngai lăm lu sư pơm 'bok soi, soi kơ yang tơ anih kơjung; yua kơ lu bơngai noh na lu 'bok soi pơyơ̆r tơmam soi lăm anih kơjung.

II Pot 17:34

Dĭng truh tơ dang ei, lu sư oei pơm rok thoi tơdrong juăt so sư kơdih. Lu sư ưh kơ hli yom kơ Kră Yang, ưh kơ chu wei răk tơdrong juăt, dah nơ̆r Kră Yang tơtă kơ kon sâu Jakôp mă Kră Yang anăn ăn kơ sư Isơrael.

II Pot 17:41

Thoi noh bơih, lu adrĕch adrung 'nâu kơkuh kơ Kră Yang păng kư̆m oei bơ̆jang kơ lu rup yang mă lu sư pơm kơdih; đơ̆ng yă 'bok lu sư pơm thoi yơ, na lu kon sâu sư kư̆m oei pơm thoi noh truh tơ dang ei.

II Pot 2:24

Êlisê hue lăng lu hơ'lơ̆p ei păng sư yua hăm anăn Kră Yang na hiap lu sư. Na pluơk pluak 'bar tŏ chơgơu akăn lĕch đơ̆ng 'nhĕt, châu hek hok lê̆ puăn-jĭt 'bar 'nu lăm lu hơ'lơ̆p ei.

Êsai 15:9

Yua kơ đak glung tơ pơlei Dibôn 'bĕnh kơ pham, mă-lei Inh gô pơthim ăn tơdrong pơmat-tat truh kơ pơlei Dibôn, Minh pôm dăm-brang sa lu bơngai Môap mă oei arih păng lu bơngai mă oei đei lăm dêh sư.

Je 10:7

Bu mă ưh kơ hli yom kơ Ih, ơ Pơtao kơ đĭ-đăng dêh char! Ih trŏ tơpă thoi noh, lăm đĭ-đăng lu bơngai hơgei rim adrĕch adrung kon bơngai, lăm jơ̆p-jang kơ dêh char, ưh kơ đei bu thoi Ih.

Je 15:3

Kră Yang khan: “Inh wă phak đei puăn tơdrong: Wă pơlôch păng đao gưm, kŏ gô hek sa, sem grơ̆ păng lu sem bri gô kăp sa păng pơrăm đĭ lu sư.

Je 5:6

Lei na dăm-brang lĕch đơ̆ng bri năm châu sa lu sư, kŏ-so đơ̆ng char glă gô kăp pơlôch lu sư, djrang oei răp tơ 'nguaih kơ pơlei ti wă châu hek sa lu đe bu mă lĕch tơ 'nguaih pơlei, yua kơ tơdrong yoch lu sư lơ dêh, tơdrong kơnê̆ lu sư lơlap.

Êsêkiên 14:15

Dah Inh ăn lu sem bri năm pơrăm char noh, pơlôch lu bơngai; păng char noh jing juơ, ưh pă đei bu yak rok noh dơ̆ng, yua kơ lu sem bri oei tơ noh.

Êsêkiên 14:21

Kră Yang Tih Hloh khan thoi âu: “Rai krưp kơnê̆ hloh dơ̆ng mưh Inh ăn puăn tơdrong sek tơlang trăp; tơdrong đao hơlă tơblah, tơdrong pơngot rơwĕt, tơdrong sem bri pơrăm păng tơdrong lôch hơbuh truh tơ Jêrusalem wă pơlôch đĭ bơngai păng sem dơrong.

Da 6:26

Inh chih tơbăt, ăn jơ̆p kơ lăm dêh char 'bôh, đĭ-đăng athei hli yom tơtơ̆ 'bơ̆t anăp Kră Yang 'Bok Kei-Dei arih ling-lang hlŏng hloi, Kră Yang 'Bok Kei-Dei Đaniel teh đak Sư ưh kơ đei layơ hiong răm păng tơdrong mơsêh mơyang Sư oei oei ling-lang truh năr tôch.

Lêwi 26:22

Inh gô ăn sem bri rôp lu kon hơ'lơ̆p iĕm păng kăp sa lu sem dơrong iĕm, pơm kơ kon bơngai iĕm jing kơtuei, tơ trong glung pă đei bu yak năm rơhiăng kơkot.

Jôna 1:9

Sư tơl thoi âu: Inh bơngai Hêbrơ păng inh bơngai hli yom kơ Kră Yang 'Bok Kei-Dei kơpal plĕnh, Sư Tơ'ngla pơjing kơ plĕnh teh păng đak dơsĭ. Inh klĕnh đơ̆ng Sư.

Jôsuê 22:25

Ơ kon sâu Rubên, kon sâu Gat, Kră Yang ăn đak Krong Jôrđăn găn hơdral lu iĕm; hăm lu nhôn lu iĕm ưh kơ đei kiơ hăm Kră Yang! Lei kon sâu lu iĕm gô pơm kơ kon sâu lu nhôn ưh pă hli yom kơ Kră Yang.