II Pot 17:24 - Sơ̆p Hlabơar Nơ̆r 'Bok Kei-Dei

²⁴ Pơtao đe Asiri anhăk ba bơngai đơ̆ng Babilôn, Kuta, Awa, Hamat păng Sêpharwaim ăn lu sư oei lăm lu pơlei tơ Samari tơplih kơ lu bơngai Isơrael. Lu sư blah iŏk dêh char Samari păng oei lăm lu pơlei tơ noh.

II Pot 17:24 ပူးပေါင်းရင်းမြစ်များ

I Pot 8:65

Kơplah noh đĭ-đăng kon pơlei pơla Isơrael akŭm hơdai hăm pơtao Sôlômôn, akŭm minh anih să iŏk đơ̆ng trong mơ̆t pơlei Hamat truh tơ thong đak Êyiptơ, akŭm 'bơ̆t anăp Kră Yang 'Bok Kei-Dei, lăm tơpơh năr.

II Pot 17:6

Lăm sơnăm mă tơsĭn, chăl Hôsêa; pơtao đe Asiri blah iŏk Pơlei Samari, chông ba kon pơlei Isơrael tơ char Asiri, ăn lu sư oei 'bơ̆t Pơlei Hala păng 'bơ̆t đak krong Habôr tơ char Gôsan păng oei tơ lơ lu pơlei lăm dêh char Mêđi.

II Pot 18:31

'Nĕ kơ mơ̆ng Hesekia, pơtao đe Asiri khan: “Athei hiôk hăm nhôn păng kŭp kơ̆l yơ̆r ti kơ nhôn bĕ; na rim 'nu lăm lu iĕm gô đei sa plei 'long lăm pơgar hơmu iĕm kơdih păng plei hơra iĕm, păng nhă đak sơlŭng iĕm kơdih,

II Pot 18:34

Tơ yơ yang lu bơngai Pơlei Hamat păng yang lu bơngai Arpat? Yang lu bơngai Sêpharwaim, yang lu bơngai Hêna păng lu bơngai Iwa tơ yơ? Lu yang noh hăm gơh pơklaih pơlei Samari đơ̆ng tơpang ti inh ưh?

II Pot 19:13

Bĭ pơtao dêh char Hamat, dêh char Arpat, pơtao Pơlei Sêpharwaim, pơtao đe Hêna păng pơtao đe Iwa, lu sư tơ yơ ngăl?”

II Ho 33:11

Na Kră Yang ăn kơ lu yŏng linh, pơtao Asiri năm wang rôp Manase, chô̆ sư hăm tơlei glang păng tôt muh sư, na chông ba tơ dêh char Babilôn.

Êsai 10:9

Hăm trŏ kơ pơlei Kalnô kư̆m thoi pơlei Karchêmis, pơlei Hamat kư̆m thoi pơlei Arpat, pơlei Samari kư̆m thoi pơlei Đamas?

Êsai 11:11

Lăm năr noh kơnh, Kră Yang gô yơ̆r ti Sư pă minh 'măng dơ̆ng wă huai iŏk kon pơlei Sư mă oei đei đơ̆ng lăm teh đak Asiri, Êyiptơ, Patrôs, Êthiôpi, Êlam, Sinar, Hamat păng đơ̆ng lu bŏl đak dơsĭ.

Êsai 36:19

Tơ yơ yang pơlei Hamat păng yang pơlei Arpat? Tơ yơ yang pơlei Sepharwaim? Lu yang noh tam đei dŏng pơklaih pơlei Samari klaih đơ̆ng ti inh ưh?

Êsai 37:13

Pơtao pơlei Hamat, pơtao pơlei Arpat, pơtao pơlei Sepharwaim, pơtao pơlei Hêna păng pơtao pơlei Iwa tơ yơ?

Êsai 37:18

Ơ Kră Yang, tơpă, lu pơtao Asiri đei pơrăm bơih đĭ-đăng bơngai păng pơrăm teh lu sư,

Je 21:2

“Apinh ih krao apinh bĕ Kră Yang tơgŭm lu nhôn, yua kơ Nebukatnessar pơtao đe Babilôn oei năm wang blah lu nhôn. Rŏ lăng băt Kră Yang pơm tơdrong mơsêh kơ nhôn kiơ̆ thoi tơdrong mơsêh Sư pơm sơ̆, pơm ăn kơ pơtao Babilôn kơdŭn weh đơ̆ng lu nhôn.”

Je 50:1

'Nâu nơ̆r Kră Yang khan kơ Jêrêmi bơngai khan lê̆ adrol khan gah Babilôn păng teh đak bơngai Kalđê:

Mathiơ 10:5

Yêsu wơh mơjĭt-'bar 'nu bơngai pơhrăm păng Sư âu, Sư khan: “Iĕm 'nĕ kơ năm tơring đe mă ưh kơ khŭl Isơrael păng 'nĕ kơ năm tơring đe Samri.