II Pot 17:20 - Sơ̆p Hlabơar Nơ̆r 'Bok Kei-Dei

²⁰ Lei na Kră Yang achăng lê̆ đĭ adrĕch Isơrael, pơm kơ lu sư pơmat-tat păng jao lu sư tơ lăm ti lu bơngai iŏk tơgar, dĭng đe chông phak lu sư ataih đơ̆ng muh măt Kră Yang.

II Pot 17:20 ပူးပေါင်းရင်းမြစ်များ

II Pot 13:23

Mă-lei Kră Yang mơnat tơgŭm wei-lăng lu sư yua kơ Sư pơkă bơih hăm Abraham, Isăk păng Jakôp. Kră Yang ưh kơ wă pơrăm lu sư, ưh kơ achăng lê̆ lu sư truh tơ dang ei.

II Pot 13:3

Kră Yang hil mĭl kơ lu đe Isơrael, Sư jao lu bơngai Isơrael lăm ti Hasael, pơtao đe Aram păng Ben Hadat kon drŏ-nglo Hasael đĭ lăm kơplah 'bar chăl pơtao noh pơgơ̆r.

II Pot 13:7

Lăm đĭ-đăng khŭl linh Jêhôahas, Kră Yang 'Bok Kei-Dei oei lê̆ lăi lăp pơđăm-jĭt 'nu linh hao aseh păng mơjĭt tŏ gre aseh tơblah păng mơjĭt-rơbâu 'nu linh yak jơ̆ng, yua kơ pơtao đe Aram đei pơrăm lu linh đe Isơrael păng juă bơhlơ̆r lu sư, nhen thoi teh rơpŭk tơ anih đe pơjuă 'ba.

II Pot 15:29

Lăm chăl Pêka, pơm pơtao đe Isơrael, Tiglat Pileser, pơtao đe Asiri năm tơgar iŏk pơlei Ijôn, Abel Bêt Maaka, Janôa, Kêđes, Hasor, tơring Gileat tơring Galilê păng tơring Naptali hai dơ̆ng. Thoi noh, sư anhăk ba kon pơlei lu dêh ei tŏk tơ dêh char Asiri pơm bơnă.

II Pot 17:15

Lu sư sơngah achăng lê̆ dôm tơdrong juăt păng tơdrong Kră Yang pơgơ̆p pơkă hăm lu yă 'bok lu sư păng dôm lu nơ̆r tơbăt wă kơ lu sư kơchăng. Lu sư năm kiơ̆ lu yang ưh kơ tơpă păng jing bơngai ưh kơ yua kiơ, lu sư rok adrĕch adrung lu bơngai tăp dăr kơ lu sư, mă Kră Yang đei khă kuă ăn rok kiơ̆ lu đe noh.

II Pot 17:18

Yua kơ thoi noh Kră Yang hil mĭl dêh kơ lu bơngai Isơrael, puh tơweh lu sư đơ̆ng anăp Kră Yang ưh pă đei bu dơ̆ng oei pă khŭl Juđa đĕch bơih.

II Pot 18:9

Truh lăm sơnăm mă puăn, chăl pơtao Hesekia pơgơ̆r 'blep kơ sơnăm mă tơpơh, chăl Hôsêa, kon drŏ-nglo Êlah, pơtao đe Isơrael, na Salmaneser, pơtao đe Asiri năm blah pơlei Samari, wang tăp kơ pơlei noh.

II Pot 21:14

Inh gô achăng hŭt lê̆ lu bơngai mă oei arih mă khan lu sư gah Inh ră, păng Inh jao lu sư kơ lu ayăt, lu sư jing tơmam sa lu ayăt păng thoi tơmam đe iŏk đêl tơblah jei bơih.

II Pot 23:27

Na Kră Yang khan: “Inh gô puh tơweh lê̆ lu bơngai Juđa đơ̆ng Inh, thoi Inh puh tơweh bơih lu bơngai Isơrael păng Inh gô pơrăm lê̆ Pơlei Jêrusalem mă Inh rơih bơih păng kư̆m pơrăm Hnam akŭm tơm mă Inh hlôi khan: Anăn Inh gô oei tơ noh.”

II Pot 24:3

Tơdrong răm 'nâu truh hloi kơ lu bơngai Juđa yua kơ đơ̆ng nơ̆r Kră Yang tơtă wă tơhiong lê̆ lu sư đơ̆ng anăp Kră Yang, yua kơ đêl tơdrong yoch Manase, kiơ̆ thoi tơdrong sư đei pơm,

I Ho 16:13

Ơ adrĕch adrung Isơrael đĭch đam Sư, ơ lu kon sâu Jakôp mă sư rơih iŏk bơih!

Ne 9:2

Adrĕch Isơrael tơklah đơ̆ng lu bơngai tơmoi, iung tơbral tơdrong yoch kơdih păng tơdrong kơnê̆ đơ̆ng 'bok lu sư.

Horiso 51:13

Na inh gô bơtho trong Ih kơ lu pơm glăi, Păng lu bơngai đei yoch gô wih tơ Ih.

Horiso 53:5

To lu sư hli tơrơ. Mă tơ anih noh ưh kơ đei kiơ hli ră. Yua kơ Kră Yang 'Bok Kei-Dei hŭt lê̆ kơting bơngai blah ih. Ih pơm kơ lu sư mơlâu, yua kơ Kră Yang Kră Yang 'Bok Kei-Dei achăng lê̆ lu sư boih.

Horiso 80:13

Lê̆ hơke chưk sa păng lu kon sem bri sa sư,

Êsai 2:6

Tơpă, Kră Yang đĭ achăng tŭk kon pơlei Kră Yang noh adrĕch Jakôp, yua kơ lu sư kiơ̆ tơdrong juăt teh đak gah hơlĕch, păng pơm pơjâu thoi lu bơngai Philistin, lu sư pơgơ̆p hăm lu bơngai tơmoi.

Êsai 45:25

Lăm Kră Yang đĭ-đăng kon sâu Isơrael gô đei 'lơ̆ng tơpăt păng bơnê ư-ang kơ Kră Yang.

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

Je 46:28

Kră Yang khan: “Ơ Jakôp đĭch đam Inh, ih 'nĕ kơ hli, Inh oei hơdai ih, Inh gô pơrăm đĭ lu dêh char mă Inh đei puh iĕm tơ noh; bĕ gah lu iĕm Inh ưh kơ pơlôch đĭ, mă-lei gô phak bơtho iĕm trŏ tơpăt hơnơ̆ng, ưh kơ đei lê̆ ôh tơdrong phak bơtho iĕm.”

Je 52:3

Noh Kră Yang hil mĭl kơ tơdrong kơnê̆ lu sư pơm tơ pơlei Jêrusalem păng tơ lăm dêh char Juđa, na Sư puh tơweh lu pơtao noh đơ̆ng anăp Sư. Sêđekia iung blah pơtao Babilôn.

Je 6:30

Đe krao lu sư thoi iă hu đe tŭk, yua kơ Kră Yang achăng lê̆ lu sư boih.”

Je 7:15

Inh gô pơpuh lu iĕm đơ̆ng anăp Inh, kư̆m thoi Inh đei pơpuh boih 'nhŏng oh lu iĕm, đĭ-đăng lu adrĕch kon sâu Êphraim.

Hôsia 1:6

Akăn sư anăp dơ̆ng na tơpŭ ăn kơ sư minh 'nu kon drŏ-kăn, na Kră Yang khan kơ Hôsia: “Ih krao anăn sư Lôruhama, yua kơ Inh ưh pă đei 'mêm mơnat dơ̆ng boih kơ adrĕch Isơrael, wă kơ Inh kư̆m ưh pă mơnat pơklaih tơdrong yoch kơnê̆ lu sư dơ̆ng.

Hôsia 12:3

Oei lăm klak mĕ sư, Jakôp rôp kơnơl jơ̆ng 'nhŏng sư; păng truh tơ 'lŏ tơ̆l, sư tơglơ̆m hăm Kră Yang 'Bok Kei-Dei.

Jôna 1:10

Lu bơngai lăm duk đĭ-đăng lu sư hli păng khan kơ Jôna thoi âu: Liơ ih pơm thoi noh? Lu đe noh băt boih kơ sư bơngai kơdâu klĕnh đơ̆ng Kră Yang; kơtơ̆ng đơ̆ng sư roi.

Jôna 1:3

Mă-lei Jôna kơdâu năm tơ pơlei Tarisi, wă klĕnh đơ̆ng anăp Kră Yang. Sư jur truh tơ pơlei Jôpa, tơ'bơ̆p duk năm tơ pơlei Tarisi, wă klĕnh đơ̆ng anăp Kră Yang.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Both 11:12

'Noh jơ̆ minh pôm dêh mă măt Kră Yang 'Bok Kei-Dei iĕm bơwei, đơ̆ng sơnăm blŭng-a sơ̆ truh tơ tôch.

Both 32:20

Kră Yang khan: Inh gô ôn muh măt Inh ưh pă lăng lu sư wă lăng lăng tuch-luch lu sư thoi yơ, lu sư minh adrĕch hơlĕnh kơnê̆ dêh, jơ̆ lu kon mă ưh kơ tơnăp.

II Tes 1:9

Đơ̆ng rŏng kơ sek tơlang, 'Bok Kei-Dei wă phak lu sư ling-lang. Lu sư ưh kơ layơ gơh oei hơdai hăm Kră Yang Yêsu Krist ôh păng lu sư ưh kơ layơ gơh 'bôh Kră Yang Yêsu Krist mă 'lơ̆ng rŏ mơsêh mơyang tơpă.

Jôsuê 23:13

lei iĕm athei băt Kră Yang 'Bok Kei-Dei lu iĕm ưh pă puh tơweh lu adrĕch adrung âu đơ̆ng anăp lu iĕm dơ̆ng, Lei lu sư gô thoi hơnhuăl păng hơđong hơ'năk kơ lu iĕm, pơm tơnguĕt teh kơdŭ rŏng, pơm thoi hrŏng jơla trŏ măt, dĭng truh tơ lu iĕm lôch răm đĭ-đăng đơ̆ng char 'lơ̆ng rŏ mă Kră Yang 'Bok Kei-Dei hlôi ăn kơ lu iĕm.

Lu 18:30

Tơ noh bơngai Đan lu sư chă tơiung ming rup Yang păng iŏk Jônathan kon drŏ-nglo Gersôm sâu Môis lu kon sâu sư pơtrơp pơm 'bok soi kơ adrĕch Đan truh tơ năr đe blah iŏk dêh noh.

Lu 2:14

Kră Yang blĕk kơ bơngai Isơrael păng pơjao lu sư ăn kơ lu bơngai tơgar iŏk mŭk tơmam lu sư, na lu bơngai Isơrael ưh kơ gơh pơm kiơ kơ lu bơngai ayăt areh kơ lu sư.

I Sam 15:23

Hơngah ưh kơ pơm kiơ̆ noh kư̆m yoch thoi bơngai pơjâu hơlĕnh; Pơang kư̆m yoch thoi kơkuh kơ rup yang. Yua kơ đơ̆ng ih achăng lê̆ nơ̆r Kră Yang, na sư kư̆m achăng lê̆ ih ưh kơ ăn kơ ih pơm pơtao.

I Sam 15:26

Samuel khan hăm Sôl: Inh ưh pă wih tơ jê̆ ih dơ̆ng; yua kơ ih achăng lê̆ nơ̆r Kră Yang, na Kră Yang kư̆m achăng lê̆ ih, ưh kơ pă wă ih pơm pơtao lu bơngai Isơrael dơ̆ng.

I Sam 16:1

Kră Yang khan kơ Samuel: Ih oei sơ'ngon kơ Sôl dĭng truh dang yơ? Inh achăng lê̆ sư boih, ưh pă ăn sư pơm pơtao bơngai Isơrael dơ̆ng. Tuh bĕ đak rơmă 'bĕnh kơ trôm hơke na ih năm; Inh wơh ih năm tơ'bơ̆p 'bok Jese Betlehem; yua lăm lu kon sư, Inh đei rơih iŏk minh 'nu wă pơm pơtao.