II Pot 17:15 - Sơ̆p Hlabơar Nơ̆r 'Bok Kei-Dei

¹⁵ Lu sư sơngah achăng lê̆ dôm tơdrong juăt păng tơdrong Kră Yang pơgơ̆p pơkă hăm lu yă 'bok lu sư păng dôm lu nơ̆r tơbăt wă kơ lu sư kơchăng. Lu sư năm kiơ̆ lu yang ưh kơ tơpă păng jing bơngai ưh kơ yua kiơ, lu sư rok adrĕch adrung lu bơngai tăp dăr kơ lu sư, mă Kră Yang đei khă kuă ăn rok kiơ̆ lu đe noh.

II Pot 17:15 ပူးပေါင်းရင်းမြစ်များ

I Pot 11:11

Na Kră Yang khan kơ Sôlômôn: “Yua kơ ih pơm tơdrong 'nâu, ih ưh kơ wei răk tơdrong Inh pơgơ̆p păng tơdrong juăt Inh tơtă kơ ih, na Inh gô hek lê̆ teh đak mă ih pơgơ̆r 'nâu, asong ăn kơ đĭch đam ih.

I Pot 16:13

yua kơ tơdrong yoch Baasa păng Êlah kon drŏ-nglo sư đei pơm, păng tơdrong sư pơm ăn kơ lu bơngai Isơrael dai wang pơm yoch rok sư, tơblĕk Kră Yang 'Bok Kei-Dei Isơrael hăm tơdrong lu sư pơm kơkuh kơ rup yang.

II Pot 17:8

yak kiơ̆ tơdrong juăt lu adrĕch adrung mă Kră Yang hlôi puh tơweh lu sư đơ̆ng anăp lu bơngai Isơrael păng yak kiơ̆ tơdrong juăt mă lu pơtao đe Isơrael hơmet bơih.

II Ho 24:19

Kră Yang wơh lu 'bok khan lê̆ adrol năm tơ lu sư, wă dui lu sư wih brŏk tơ Kră Yang; mă-lei lu sư ưh kơ wă mơ̆ng.

II Ho 33:2

Sư pơm tơdrong kơnê̆ 'bơ̆t anăp Kră Yang kiơ̆ lu tơdrong kơnê̆ krưp dêh lu kon pơlei pơla mă Kră Yang puh tơweh boih đơ̆ng anăp lu bơngai Isơrael.

II Ho 33:9

Mă-lei Manase pơhlŭ bơngai Juđa păng kon pơlei Jêrusalem dĭng mah lu sư pơm yoch kơnê̆ hloh kơ lu bơngai adrĕch mă Kră Yang pơrăm pơlôch đĭ 'bơ̆t anăp lu bơngai Isơrael.

Ne 9:26

Mă-lei, lu sư ưh kơ chu kiơ̆ nơ̆r păng sơngah kơ Ih, hŭt lê̆ khôi juăt Ih tơ rŏng păng pơlôch lu bơngai khan lê̆ adrol Ih wă chông ba lu sư brŏk tơ Ih; mă-lei lu sư tơblĕk Ih rai dêh.

Horiso 115:8

Dôm lu bơngai pơm rup yang; păng gơnang kơ sư, Tă kơ lei-lăi thoi sư ngăl.

Horiso 78:10

Lu sư ưh kơ wei răk nơ̆r pơgơ̆p hăm Kră Yang 'Bok Kei-Dei, Hơngah ưh kơ chu arih kiơ̆ khôi juăt Sư.

Le 16:28

Kră Yang khan kơ Môis: Lu iĕm ưh kơ chu yom wei răk nơ̆r tơtă păng khôi juăt Inh dĭng truh dang yơ dơ̆ng?

Je 10:15

Lu rup yang ưh kơ đei yua kiơ, chă hơlĕnh đĕch, Truh năr sek tơlang kơnh gô pơrăm đĭ.

Je 10:8

Lu sư jing kơtul kơwao ngăl; rup yang hăm 'long đe traih bơtho lu sư,

Je 2:5

Kră Yang khan: “Yă 'bok lu iĕm đei 'bôh tơdrong kiơ mă ưh kơ tơpăt lăm Inh dĭng mah lu sư weh ataih đơ̆ng Inh Kiơ̆ lu yang kơnê̆ păng jing bơngai ưh kơ yua kiơ?

Je 31:32

Nơ̆r pơgơ̆p 'nâu ưh kơ trŏ thoi nơ̆r pơgơ̆p Inh hăm lu 'bok yă lu sư lăm năr mă Inh rôp ti dui tơlĕch lu sư đơ̆ng char Êyiptơ sơ̆, yua kơ lu sư pơrăm lê̆ boih tơdrong pơgơ̆p Inh, mă Inh thoi klo lu sư ră.” Noh Kră Yang khan.

Je 44:22

Kră Yang ưh kơ kĕ ĕnh boih tơdrong kơnê̆ lu iĕm, tơdrong 'mê̆ krưp lu iĕm pơm, na teh đak lu iĕm jing juơ, pŭ hơngiap, blei hiap, ưh kơ đei bu oei truh tơ năr 'nâu.

Je 44:23

Noh yua kơ đơ̆ng lu iĕm soh nhang kơ yang nai, pơm kơnê̆ blah Kră Yang, yua kơ đơ̆ng lu iĕm ưh kơ wă mơ̆ng kiơ̆ nơ̆r Kră Yang, ưh kơ kiơ̆ khôi juăt, tơdrong juăt păng ưh kơ wă chu kiơ̆ nơ̆r Sư bơtho khan, lei na đei tơdrong gleh truh kơ lu iĕm, thoi năr 'nâu.”

Je 44:4

Mă khan lei, Inh kư̆m oei wơh lu đĭch đam Inh, lu bơngai khan lê̆ adrol, năm tơbăt kơ lu sư: ‘'Nĕ kơ pơm tơdrong kơnê̆ mă Inh areh 'nâu.’

Je 44:8

Liơ lu iĕm tơblĕk inh hăm ti lu iĕm pơm, soh nhang 'bâu phu ăn kơ lu yang nai lăm dêh char Êyiptơ, dêh char mă lu iĕm 'nao năm oei, pŭ iŏk tơdrong pơrăm kơdih akâu, pơm kơ đe che bơle, blei hiap tơ lăm jơ̆p-jang adrĕch adrung lăm teh đak?

Je 7:26

Mă-lei lu sư arăng kơ̆l ưh kơ wă mơ̆ng Inh, kư̆m ưh kơ wă pơgling đon mơ̆n, lu sư rai pơm kơnê̆ hloh kơ lu 'bok yă sư.

Je 8:9

Lu bơngai hơgei gô mơlâu, hli tơrơ păng đe gô rôp lu sư; 'Nâu, lu sư sơngah boih kơ nơ̆r Kră Yang, lei lu sư wă đei hơgei liơ dơ̆ng?

Êsêkiên 12:2

“Ơ kon bơngai, ih oei lăm kon pơlei juăt kơ iung blah plơ̆; lu sư đei măt mă ưh kơ 'bôh, đei đon mă ưh kơtơ̆ng, yua kơ lu sư kon pơlei juăt kơ iung blah plơ̆.

Êsêkiên 2:3

Sư khan: “Ơ kon bơngai Inh wơh ih năm tơ adrĕch adrung Isơrael, truh tơ kon pơlei mă ayăt kơ Inh; lu sư păng lu yă 'bok lu sư pơm yoch ayăt hăm Inh mă truh dang ei;

Lêwi 26:15

tơdah lu iĕm sơngah kơ nơ̆r Inh tơtă păng jơhngơ̆m iĕm areh kơ khôi juăt Inh, dĭng mah ưh pă pơm kiơ̆ nơ̆r Inh tơtă, pơm glăi kơ tơdrong Inh pơgơ̆p.

Jôna 2:8

Lu bơngai chă kơkuh kơ rup yang ưh kơ yua kiơ. Na achăng lê̆ tơdrong Kră Yang 'mêm kơ sư.

Yo 2:8

Yêsu khan dơ̆ng kơ lu đe awih ei: “Iĕm tring đak âu năm ăn kơ bơngai kơdranh mă wei-lăng sa et.” Na đe năm ba đak ei truh tơ bơngai kơdranh mă wei-lăng ei boih.

I Kor 8:4

Thoi noh na gah tơdrong sa tơmam đe sơmah kơ yang bơ̆n băt mơ̆n rup yang ưh kơ sĭ yang tơpă ôh. Mă tơpă bơ̆n băt kơ minh 'nu đĕch Kră Yang Tih Hloh.

Both 18:10

Mă-lei iĕm 'nĕ kơ đei bơngai bu pơyơ̆r kon drŏ-nglo kon drŏ-kăn sư 'buh arih pơm tơmam soi, kơ yang, 'nĕ kơ pơm bơngai chă tơng lăng, bơngai mă juăt lăng sơnglŏng khan lê̆ adrol tơdrong wă truh, bơngai pơjâu tơwir,

Both 29:24

Đĭ-đăng adrĕch adrung lu sư gô jet: Lơliơ mă Kră Yang pơm kơ dêh âu thoi noh liơ mă tơdrong Sư hil mĭl tih krưp dêh thoi noh?

Both 32:21

Lu sư tơblĕk Inh dêh yua kơ lu sư kơkuh kơ yang nai ưh kơ yua kiơ. Pơm kơ inh hil gar hăm yang mă ưh kơ đei tơdrong anăn kiơ. Na inh gô pơm kơ lu sư 'ngeng kơ lu adrĕch mă răm hloh. Iŏk minh adrĕch adrung mă lŭch hloh tơblĕk lu sư. Iŏk minh teh đak kơhlôh kơwao na tơblĕk pơklai lu sư.

Both 32:31

Tơmo tih lu sư ưh kơ dang thoi Tơmo Tih lu bơ̆n, lu bơngai ayăt kư̆m băt thoi noh mơ̆n.

I Sam 12:21

'Nĕ kơ achăng Kră Yang chă kơkuh kơ rup yang hiong răm đĕch, ưh kơ đei yua kiơ, ưh kơ băt pơklaih; yua kơ rup yang jơ̆ hiong răm đĕch.