II Pot 17:14 - Sơ̆p Hlabơar Nơ̆r 'Bok Kei-Dei

¹⁴ Mă-lei lu sư arăng kơ̆l ưh kơ wă mơ̆ng, lei-lăi thoi lu yă 'bok lu sư ưh kơ đei đon lui kơ Kră Yang 'Bok Kei-Dei lu sư.

II Pot 17:14 ပူးပေါင်းရင်းမြစ်များ

II Ho 24:19

Kră Yang wơh lu 'bok khan lê̆ adrol năm tơ lu sư, wă dui lu sư wih brŏk tơ Kră Yang; mă-lei lu sư ưh kơ wă mơ̆ng.

II Ho 36:13

Sư kư̆m iung blah pơtao Nebukatnessar, bơngai mă athei sư pơkă yua anăn Kră Yang 'Bok Kei-Dei. Sư jing kơchu arăng kơ̆l, ưh kơ wă wih tơ Kră Yang 'Bok Kei-Dei Isơrael.

Ne 9:29

Ih pơma chrih kơ lu sư, wă kơ chông lu sư wih brŏk dơ̆ng tơ khôi juăt Ih lei ră lu sư kư̆ pơang kuă kơ mơ̆ng dôm lu khôi juăt Ih, pơm glăi kơ tơdrong juăt Ih. Tơdrong juăt mă tơdah bơngai bu chu pơm kiơ̆ gơh đei tơdrong arih; lu sư arăng kơ̆l wih rŏng ưh kơ wă pơm kiơ̆.

Horiso 106:24

Lu sư lăng hơi đĕch dêh char 'lơ̆ng rŏ. Ưh kơ lui kơ nơ̆r Kră Yang pơkă.

Horiso 78:22

Yua kơ lu sư ưh kơ wă lui kơ Kră Yang 'Bok Kei-Dei; Kŭm ưh kơ wă gơnang kơ tơdrong dŏng pơklaih đơ̆ng Sư.

Horiso 78:32

Mă khan thoi noh ră, lu sư kư̆m oei pơm yoch. Oei ưh kơ lui kơ tơdrong hlĭch chrơp Kră Yang đei pơm.

Horiso 78:8

Wă kơ lu sư huay kơ rok lu 'bok sư. Jơ̆ minh adrĕch kơchu păng arăng kơ̆l, Ưh kơ đei jơhngơ̆m tơpăt păng ưh kơ đei đon lui kơjăp kơ Kră Yang 'Bok Kei-Dei.

Le 16:28

Kră Yang khan kơ Môis: Lu iĕm ưh kơ chu yom wei răk nơ̆r tơtă păng khôi juăt Inh dĭng truh dang yơ dơ̆ng?

Le 32:9

Kră Yang khan kơ Môis: Inh 'bôh boih kon pơlei pơla âu jing kon pơlei pơla arăng kơ̆l tơpă.

Le 33:3

năm bĕ iĕm tơ char đei đak toh, hăm đak sut; mă-lei Inh ưh kơ đei năm hơdai ih ôh, yua kơ iĕm adrĕch arăng kơ̆l kơnh hli kơ Inh pơrăm lê̆ lu iĕm rok trong.

Tơdrông Pơđơk 29:1

Bơngai bu đei chrih ling-lang, Mă-lei oei arăng kơ̆l, Gô đei tơdrong truh blư bla na ưh pă kơ đei gơh dŏng pơklaih.

Êsai 48:4

Yua kơ Inh băt lu iĕm arăng kơ̆l, hơko iĕm huan thoi bơsei, klĕng iĕm thoi kong,

Je 3:7

Inh ngeh khan đơ̆ng rŏng kơ sư pơm đĭ dôm tơdrong noh sư gô wih tơ Inh. Mă-lei sư ưh kơ wih. Oh drŏ-kăn 'blal sư noh Juđa, 'bôh boih.

Je 34:14

Sơnăm tơpơh đĭ-đăng lăm lu iĕm athei ăn kơ lu 'nhŏng oh iĕm bơngai Hêbrơ rơngei, mă sư đei tĕch kơdih sư tơ lu iĕm. Mă đei bơ̆jang pơm đĭch iĕm lăm tơdrâu sơnăm boih, lu iĕm athei ăn kơ sư rơngei. Mă-lei lu 'bok yă iĕm ưh kơ wă mơ̆ng Inh, kư̆m kuă kơ pơgling đon lu sư.

Je 7:26

Mă-lei lu sư arăng kơ̆l ưh kơ wă mơ̆ng Inh, kư̆m ưh kơ wă pơgling đon mơ̆n, lu sư rai pơm kơnê̆ hloh kơ lu 'bok yă sư.

Êsêkiên 12:2

“Ơ kon bơngai, ih oei lăm kon pơlei juăt kơ iung blah plơ̆; lu sư đei măt mă ưh kơ 'bôh, đei đon mă ưh kơtơ̆ng, yua kơ lu sư kon pơlei juăt kơ iung blah plơ̆.

Êsêkiên 2:3

Sư khan: “Ơ kon bơngai Inh wơh ih năm tơ adrĕch adrung Isơrael, truh tơ kon pơlei mă ayăt kơ Inh; lu sư păng lu yă 'bok lu sư pơm yoch ayăt hăm Inh mă truh dang ei;

Êsêkiên 3:19

Mă-lei tơdah ih khă tơbăt boih kơ bơngai pơm kơnê̆ noh, dah lu sư ưh kơ hŭt lê̆ trong pơm kơnê̆ kơdih, lu sư gô lôch lăm tơdrong yoch lu sư kơdih, mă-lei ih gô klaih huay pă pŭ.

Da 5:20

Mă-lei yua kơ jơhngơ̆m sư pơang kơdih akâu, arăng kơ̆l na jing pơang, na sư hiong boih tang-dŏ pơtao păng đe ưh pă ư-ang kơ sư.

Hôsia 11:2

Lu bơngai Isơrael Inh rai krao lu sư, lu sư rai kơdâu ôn ataih đơ̆ng Inh; lu sư kư̆m oei pơyơ̆r tơmam soi kơ rup yang Baal, păng kư̆m oei soh 'long 'bâu phu kơ lu rup yang nai.

Jang 7:51

Êtien oei pơma kơ lu kră sek tơlang thoi âu: “Ơ lu iĕm bơngai ngĕng mă ưh kơ chu. Iĕm ling-lang kuă kơ Yang Bơhngol 'Lơ̆ng pơgơ̆r, na iĕm pơm kơnê̆ kư̆m thoi lu 'bok kơdră iĕm sơ̆ mơ̆n.

Both 1:32

Mă-lei lu iĕm oei ưh kơ lui kơ Kră Yang 'Bok Kei-Dei lu iĕm 'mơ̆i.

Both 31:27

Yua kơ Inh băt kơ jơhngơ̆m iĕm arăng dêh kơplah inh oei arih oei hơdai hăm lu iĕm hlôi blah plơ̆ boih hăm Kră Yang thoi noh, pơma kiơ đơ̆ng rŏng kơ inh lôch kơnh, lu iĕm wă blah plơ̆ dang yơ dơ̆ng!

Both 9:13

Kră Yang khan kơ inh: Inh 'bôh boih kon pơlei 'nâu, jơ̆ minh adrĕch arăng kơ̆l.

Hêbrơ 3:12

Ơ 'nhŏng oh, iĕm athei kơchăng hli kơ iĕm đei jơhngơ̆m kơnê̆ jing kuă kơ lui, achăng lê̆ 'Bok Kei-Dei Kră Yang mă arih ling-lang.