II Pot 17:11 - Sơ̆p Hlabơar Nơ̆r 'Bok Kei-Dei

¹¹ Tơ noh lu sư soh pơyơ̆r tơmam soi kơpal kông, thoi lu adrĕch adrung mă Kră Yang đei puh tơweh boih đơ̆ng lu sư; lu sư pơm kơnê̆ păng tơblĕk Kră Yang.

II Pot 17:11 ပူးပေါင်းရင်းမြစ်များ

I Pot 13:1

Đơ̆ng Nơ̆r Kră Yang wơh na minh 'nu bơngai mă jang kơ Kră Yang 'Bok Kei-Dei lĕch đơ̆ng char Juđa năm tơ pơlei Bethel, kơplah Jêrôbôam oei dơ̆ng 'bơ̆t chơnang soi wă soh pơgang 'bâu phu.

I Pot 14:15

Kră Yang gô teh pơrăm lu bơngai Isơrael thoi 'nhĕt trang gơlăr hoch lăm đak, sư gô buch lê̆ đơ̆ng rơh lu bơngai Isơrael đơ̆ng lăm char 'lơ̆ng rŏ, mă Kră Yang ăn kơ 'bok kơdră lu sư păng pơm kơ lu sư tơklah tơklang tơ pah to đak krong Ơphrat, yua kơ lu sư pơm gơ̆ng rup yang Asera wă tơblĕk Kră Yang.

II Pot 12:4

Jôas khan kơ lu 'bok soi: “Dôm jên tơmam 'lơ̆ng rơgoh đe juăt kơ ba 'măn tơ Hnam Akŭm kơkuh kơ Kră Yang, mă jên thuê̆ đêl hơgăt kơ rim kơ̆l kon bơngai mă jên đơ̆ng rim 'nu đei pơyơ̆r lăm năr akŭm kiơ̆ kơ jơhngơ̆m hiôk,

II Pot 17:10

Lu sư pơdơ̆ng kơdih lu gơ̆ng tơmo păng kơkuh kơ rup yang Asêra kơpal kông groi păng ala tơm 'long kơdrơ̆ng.

II Pot 17:12

Lu sư kơkuh kơ lu rup yang mă Kră Yang khă bơih lu sư: “Lu iĕm 'nĕ kơkuh kơ lu sư.”

II Pot 21:6

Sư soh pơyơ̆r kon drŏ-nglo sư lăm ŭnh pơm yang păng sư pơjuăt tơwir, hơđa sư lui kơ pơjâu krao bơhngol bơngai lôch, sư pơm lơ tơdrong kơnê̆ 'bơ̆t anăp Kră Yang tơblĕk Kră Yang.

II Ho 28:25

Tơ rim pơlei lăm char Juđa, sư pơjing pơdơ̆ng lu anih kơjung wă soh tơmam 'bâu phu ăn kơ lu yang nai, wă tơblĕk Kră Yang 'Bok Kei-Dei 'bok sư.

Le 23:24

Ih 'nĕ drap kơkuh păng soi sơmah kơ lu yang lu sư, 'nĕ kơ pơm rok kiơ̆ tơdrong jang lu sư, mă-lei athei pơrăm đĭ dôm lu rup yang păng juă pơhĕch dôm lu gơ̆ng rup yang sư.

Je 44:17

Mă-lei lu nhôn gô pơm keh dôm nơ̆r lu nhôn pơkă boih, lu nhôn gô soh nhang 'bâu phu kơ Pơtao Drŏ-kăn kơpal Plĕnh păng tuh sik pơyơ̆r ăn kơ sư, thoi lu nhôn đei pơm boih, lu 'bok yă lu nhôn, lu pơtao nhôn, lu yŏng pơgơ̆r lu nhôn lăm lu pơlei lăm dêh char Juđa păng tơ rok trong lăm pơlei tih Jêrusalem; kơplah noh lu nhôn đei tơmam sa phĭ rơkah rơkai, jang sa hiôk-hian ưh kơ đei tơdrong kiơ truh.

Hôsia 9:10

Lăp Inh 'bôh boih khŭl Isơrael, lu sư thoi hơie plei hơmu tơ lăm char glă. Lăp Inh 'bôh boih 'bok lu iĕm lu sư thoi plei hơra đum blŭng-a lăm bơyan plei; mă-lei lăp lu sư năm mơ̆t boih lăm anih Baal Pêôr; lu sư jao lu sư kơdih kơ rup yang Baal mơlâu kơdơ̆, na lu sư jing tơmam mă Kră Yang 'Bok Kei-Dei hil areh thoi rup yang lu sư mă lu sư 'mêm.

Both 12:2

Pơrăm đĭ lu anih ayơ lu adrĕch adrung, mă lu iĕm gô blah puh lê̆, lu anih kơkuh kơ yang lu sư, tơ kơpal kông kơjung dah tơ kơpal groi dah tơ ala yơ̆p 'long,

Both 18:9

Mưh lu iĕm mơ̆t boih lăm dêh mă Kră Yang 'Bok Kei-Dei iĕm ăn. 'Nĕ kơ pơhrăm pơm rok kiơ̆ dôm lu tơdrong kơnê̆ krưp lu adrĕch adrung noh pơm.

Both 32:16

Lu sư kơkuh kơ rup yang nai wă tơblĕk Kră Yang tơ'ngla 'mêm gar. Pơm wă kơ Kră Yang ơh hil kơ lu sư pơm rup yang, Sư areh lăng krưp.

Both 32:21

Lu sư tơblĕk Inh dêh yua kơ lu sư kơkuh kơ yang nai ưh kơ yua kiơ. Pơm kơ inh hil gar hăm yang mă ưh kơ đei tơdrong anăn kiơ. Na inh gô pơm kơ lu sư 'ngeng kơ lu adrĕch mă răm hloh. Iŏk minh adrĕch adrung mă lŭch hloh tơblĕk lu sư. Iŏk minh teh đak kơhlôh kơwao na tơblĕk pơklai lu sư.