II Pot 16:7 - Sơ̆p Hlabơar Nơ̆r 'Bok Kei-Dei

⁷ Ahas wơh bơngai năm tơ Tiglat Pilêser, pơtao đe Asiri, sư khan: “Inh âu bơngai đam ih, kon drŏ-nglo ih; apinh ih dŏng pơklaih inh đơ̆ng tơpang ti pơtao đe Aram păng pơtao đe Isơrael blah inh.”

II Pot 16:7 ပူးပေါင်းရင်းမြစ်များ

I Pot 20:4

Pơtao Isơrael tơl: “Ơ yŏng pơtao inh, kiơ̆ thoi nơ̆r ih khan, inh păng dôm tơmam inh đei 'noh tơmam ih ngăl.”

II Pot 15:29

Lăm chăl Pêka, pơm pơtao đe Isơrael, Tiglat Pileser, pơtao đe Asiri năm tơgar iŏk pơlei Ijôn, Abel Bêt Maaka, Janôa, Kêđes, Hasor, tơring Gileat tơring Galilê păng tơring Naptali hai dơ̆ng. Thoi noh, sư anhăk ba kon pơlei lu dêh ei tŏk tơ dêh char Asiri pơm bơnă.

II Pot 18:7

Kră Yang oei hơdai hăm sư; dôm sư pơm kiơ, dah jang kiơ gơh jing. Sư blah pơtao đe Asiri, ưh pă chu kơ pơtao ei dơ̆ng.

I Ho 5:26

Na Kră Yang 'Bok Kei-Dei Isơrael, pơtrŭt jơhngơ̆m Pul, pơtao dêh char Asiri păng Tiglat Phileser pơtao dêh char Asiri, rôp lu kon pơlei bơngai Rubên, bơngai Gat păng minh puăt bơngai Manase anhăk ba lu sư tơ pơlei Hala, Habôr, Hara, păng tơ tơring đak Krong Gôsan, dĭng truh tơ dang ei.

II Ho 28:16

Kơplah noh pơtao Ahas wơh bơngai năm apinh pơtao Asiri dŏng tơgŭm

II Ho 28:20

Tiglat Philêser pơtao Asiri năm pơgŏ pơđep Ahas, tơplih kơ tơgŭm sư.

Êsai 2:6

Tơpă, Kră Yang đĭ achăng tŭk kon pơlei Kră Yang noh adrĕch Jakôp, yua kơ lu sư kiơ̆ tơdrong juăt teh đak gah hơlĕch, păng pơm pơjâu thoi lu bơngai Philistin, lu sư pơgơ̆p hăm lu bơngai tơmoi.

Je 13:21

Ih gô pơma liơ mưh Kră Yang ăn minh 'nu bơngai tơmoi pơm yŏng pơgơ̆r ih. Lu bơngai mă buăl juăt iĕm, lu bơngai mă lu iĕm đei bơtho pơhrăm lê̆ sơ̆? Ih ưh kơ jĭ jơhngơ̆m klơm klak thoi bơngai drŏ-kăn hơiơch?

Je 17:5

Kră Yang khan: “Hiap bĕ lu bơngai mă gơnang tơduă kon bơngai, hơđơ̆ng gơnang kơ sĕch akar pơm jơhngơ̆m pran kơtang. Lăm jơhngơ̆m achăng tŭk Kră Yang.

Nhom 4:17

Măt lu bơ̆n gô rơgah đĕch gô tơdrong pơklaih ưh kơ đei yua kiơ. Lu bơ̆n chang gô lu kon pơlei mă ưh kơ đei dŏng pơklaih bơ̆n.

Êsêkiên 16:28

Ih đei pơm pơyô kư̆ kă hăm lu bơngai Asiri, yua kơ ih ưh kơ hrăp. Tơpă ih đei pơm pơyô kư̆ kă hăm lu sư boih, mă-lei tam mă hrăp.

Êsêkiên 23:12

Sư hưch kơ lu bơngai Asiri, lu yŏng pơgơ̆r, lu yŏng linh, lu linh hrŭk hơbĕn ao 'lơ̆ng, lu linh hao aseh, đĭ-đăng lu tơdăm 'lơ̆ng hơbŏ.

Êsêkiên 23:5

Ôhôla pơm đi kơplah mă sư oei gah Inh, sư hưch kơ pơyô sư bơngai Asiri, lu bơngai pơm linh.

Hôsia 14:3

Lu bơngai Asiri ưh kơ gơh pơklaih lu nhôn ôh; lu nhôn ưh pă hao aseh tơblah dơ̆ng, ưh pă khan dơ̆ng yang lu nhôn! Mă man hăm ti lu nhôn noh, yua kơ Ih đĕch mơnat kơ lu kon mơti.

Hôsia 7:11

Êphraim thoi sem kơtơp kơwao, ưh kơ đei đon băt hlôh, lu sư krao apinh char Êyiptơ, năm tơ char Asiri.