II Pot 16:2 - Sơ̆p Hlabơar Nơ̆r 'Bok Kei-Dei

² Ahas sư 'nao 'bar-jĭt sơnăm kơplah sư tŏk pơm pơtao; sư pơgơ̆r mơjĭt-tơdrâu sơnăm tơ Pơlei Jêrusalem. Sư ưh kơ pơm 'lơ̆ng 'bơ̆t anăp Kră Yang 'Bok Kei-Dei sư, thoi Đawit 'bok kơdră sư sơ̆ hlôi pơm.

II Pot 16:2 ပူးပေါင်းရင်းမြစ်များ

I Pot 15:3

Sư năm kiơ̆ đĭ trong tơdrong yoch mă 'bă sư đei pơm bơih adrol kơ sư; lăm jơhngơ̆m sư ưh kơ pơm tơdrong 'lơ̆ng tơpăt 'bơ̆t anăp Kră Yang 'Bok Kei-Dei sư, thoi jơhngơ̆m 'bok kơdră sư pơm.

I Pot 3:14

Tơdah ih yak năm kiơ̆ trong Inh păng wei răk tơdrong juăt păng nơ̆r Inh tơtă thoi Đawit, 'bă ih, lei Inh gô pơthim ăn kơ ih arih sot soi.”

I Pot 9:4

“Gah ih, tơdah ih yak kiơ̆ trong Inh kư̆m thoi Đawit, 'bă ih yak năm bơih hăm jơhngơ̆m đon rơgoh 'lơ̆ng tơpăt pơm kiơ̆ dôm nơ̆r Inh athei ih, wei răk dôm nơ̆r Inh pơkă tơtă khan kơ ih,

II Pot 14:3

Sư pơm 'lơ̆ng 'bơ̆t anăp Kră Yang, mă-lei sư ưh kơ thoi Đawit, 'bok kơdră sư sơ̆; sư pơm tơdrong rok thoi Jôas 'bă sư đei pơm.

II Pot 15:3

Sư pơm 'lơ̆ng 'bơ̆t anăp Kră Yang, sư pơm rok kiơ̆ tơdrong Amasia 'bă sư hlôi pơm.

II Pot 15:34

Sư pơm 'lơ̆ng 'bơ̆t anăp Kră Yang, sư pơm dôm tơdrong 'bă sư Ussia hlôi pơm bơih.

II Pot 18:1

Lăm sơnăm mă pêng, chăl Hôsêa, kon drŏ-nglo Êlah, pơtao Isơrael, na Hesekia kon drŏ-nglo Ahas pơtao đe Juđa tŏk pơm pơtao.

II Pot 18:3

Sư pơm 'lơ̆ng 'bơ̆t anăp Kră Yang thoi Đawit, 'bok kơdră sư sơ̆ hlôi pơm.

II Pot 22:2

Sư pơm 'lơ̆ng 'bơ̆t anăp Kră Yang, năm kiơ̆ tôm tơdrong Đawit, 'bok kơdră sư sơ̆, sư ưh kơ weh gah 'ma dah gah 'ngiĕo ôh.

II Ho 17:3

Kră Yang oei hơdai hăm Jêhôsaphat, yua kơ sư yak kiơ̆ trong 'bok Đawit, ưh kơ kiơ̆ yang Baal ôh,

II Ho 29:2

Sư pơm tơdrong 'lơ̆ng tơpăt 'bơ̆t anăp Kră Yang thoi Đawit 'bok sư đei pơm boih.