II Pot 16:18 - Sơ̆p Hlabơar Nơ̆r 'Bok Kei-Dei

¹⁸ Yua kơ sư wă kơ lăp đon pơtao đe Asiri, na sư kư̆m teng yuih lê̆ khăn dăng kuă kơ tŏ kơ trong đơ̆ng Hnam akŭm truh tơ 'măng dur, 'măn ăn kơ pơtao năm lăm năr pơdơh Sa'bat.

II Pot 16:18 ပူးပေါင်းရင်းမြစ်များ

I Pot 10:5

tơmam sŏng sa kơpal gơ'bang, tang-dŏ lu bơngai jang sư hơ-oei, tơdrong jang lu đĭch đam sư, hơbĕn ao lu sư hrŭk, lu bơngai năm ba kơchŏk đak nhă pơtao păng dôm tơmam soi pơyơ̆r lăm Hnam kơkuh kơ Kră Yang, yă pơtao ưh pă gơh pơma kiơ.

II Pot 11:5

Sư athei lu đe ei: “'Nâu tơdrong mă lu iĕm gô pơm; truh năr pơdơh Sa'bat, iŏk klah asong pơm pêng khŭl minh khŭl lu iĕm gô wei anih pơtao;

II Pot 16:17

Đơ̆ng noh, pơtao Ahas teng yuih lê̆ lu gre pơm păng kong păng hŭt lê̆ lu kơthŭng đak đêl dan kơpal gre ei păng iŏk tơjur lê̆ bơng đak đơ̆ng kơdŭ rơmo đe pơm păng kong, na lê̆ sư 'bơ̆t hơnơ̆l tơmo.

II Pot 16:19

Dôm lu tơdrong roi hơ'mon nai gah Ahas, păng đĭ-đăng tơdrong jang đêl sư pơm, đe đei chih lê̆ tơ lăm sơ̆p hla bơar hơ'mon roi gah lu pơtao đe Juđa.

I Ho 9:18

Lu sư gak 'Măng Jang Pơtao gah hơlĕch truh tơ dang ei lu sư wei gak 'măng jang kơđông bơngai Lêwi.

Êsêkiên 44:3

Lăp pơtao đĕch, yua kơ sư yŏng na gơh ngôi tơ noh păng sa 'bĕng 'bơ̆t anăp Kră Yang gô mơ̆t rok trong kơdeng 'măng jang păng lĕch kư̆m trong noh.”

Êsêkiên 46:2

Yŏng pơgơ̆r gô mơ̆t trong kơdeng, gah 'măng jang noh, sư gô dơ̆ng 'bơ̆t jrăng 'măng jang; kơplah noh lu 'bok soi pơyơ̆r tơmam soi 'buh, tơmam soi apinh hiôk-hian, na sư gô kơkuh drap 'bơ̆t anăp 'măng jang, đơ̆ng noh gô lĕch. 'Măng jang noh ưh pă tang dĭng truh tơ kơsơ̆ măng.