II Pot 16:15 - Sơ̆p Hlabơar Nơ̆r 'Bok Kei-Dei

¹⁵ Đơ̆ng noh, pơtao Ahas athei 'bok soi Uria khan: “Ih gô soh kơpal chơnang soi tih 'nâu tơmam soi 'buh pơkhôi rim pơgê păng tơmam soi phe 'ba tơ gơsơ̆ păng tơmam soi 'buh tơmam soi phe 'ba đơ̆ng pơtao 'mơ̆i păng tơmam soi 'buh đơ̆ng đĭ kon pơlei lăm char păng tơmam soi lu sư pơyơ̆r phe 'ba păng tơmam soi et huch Ih athei tơtreh pham lu tơmam soi 'buh kơpal chơnang tih noh. Mă-lei chơnang soi păng pơm kong 'măn lê̆ kơ inh krao apinh Kră Yang.”

II Pot 16:15 ပူးပေါင်းရင်းမြစ်များ

Bl 44:5

Kơchŏk 'nâu boih mă yŏng inh juăt kơ huch sik? Păng chă pơih tơdrong hlơp, lu iĕm pơm tơdrong noh kơnê̆ dêh.

I Pot 3:4

Pơtao Sôlômôn năm truh tơ pơlei Gibeôn wă pơyơ̆r tơmam soi, yua kơ tơ anih soi kơpal groi kơjung mă kăl dêh. Tơ noh Sôlômôn pơyơ̆r minh-rơbâu tŏ tơmam soi 'buh tơ kơpal chơnang soi.

I Pot 7:23

Sư kư̆m pơm bơng đak hơpôm hling hăm kong să mơjĭt hơgăt; kơjung pơđăm hơgăt, đei pêng-jĭt hơgăt jum dăr.

I Pot 8:64

Lăm năr 'noh pơtao Sôlômôn sư klah sư 'măn lê̆ minh anih tŏk-bŏk cham 'bơ̆t anăp, Hnam akŭm Kră Yang; tơ anih 'noh sư wă pơyơ̆r tơmam soi 'buh, tơmam soi pơyơ̆r phe 'ba, păng tơmam soi rơmă tơmam soi 'blŏk bơnê, yua chơnang pơm hăm kong noh iĕ, ưh kơ mah wă dan đĭ dôm lu tơmam soi 'buh, tơmam soi pơyơ̆r phe 'ba, lu rơmă tơmam soi 'blŏk bơnê.

II Pot 16:14

Chơnang soi đe pơm păng kong dan 'bơ̆t anăp Kră Yang, sư iŏk lê̆ đơ̆ng anih mă đe dan chơnang soi ei 'bơ̆t 'măng Hnam akŭm, sơlam chơnang soi 'nao hăm hnam Kră Yang, đơ̆ng noh iŏk dan tơ gah yă-nơ̆m kơ chơnang soi sư 'nao pơm.

II Pot 16:16

'Bok soi Uria pơm kiơ̆ dôm tơdrong đêl pơtao Ahas bơtho sư.

II Pot 18:4

Sư yuih lê̆ đĭ dôm lu hnam kơkuh kơ yang tơ anih kơjung, teh pơchah lê̆ chơnang soi, teh tơhuŏng lê̆ rup yang Asêra păng teh pơchah lê̆ 'bih mă Môis pơm hăm kong sơ̆, yua kơ truh kơ jơhnơr sư, lu bơngai Isơrael oei soh ăn 'long 'bâu phu kơ rup yang 'bih. Đe krao rup 'bih noh Nêhustan.

II Pot 3:20

Pơgê dơning, kơplah jơ đe pơyơ̆r tơmam soi, gip kơ đak ro đơ̆ng Eđôm truh tơ dêh ei đak 'bĕnh jơ̆p-jang.

II Ho 29:32

Dôm lu sem tơmam soi 'buh pơyơ̆r đơ̆ng lu bơngai tơpôl akŭm pơyơ̆r chĕp ba đei tơpơh-jĭt tŏ rơmo tơno, minh-hrĕng tŏ triu tơno păng đei 'bar-hrĕng tŏ triu kon; lu sư yua sem dơrong noh pơyơ̆r wă pơm tơmam soi 'buh ăn kơ Kră Yang.

II Ho 29:35

Kŭm đei lơ tơmam soi 'buh hăm rơmă đơ̆ng tơmam soi 'blŏk bơnê păng tơmam soi huch hơdai hăm tơmam soi 'buh. Thoi ei, tơdrong soi pơyơ̆r 'buh ăn kơ Kră Yang đei pơm hơmet ming dơ̆ng lăm hnam Kră Yang.

II Ho 33:6

Sư 'buh pơyơ̆r kon drŏ-nglo sư pơm tơmam soi tơ lăm Thŭng Ben Hinôm sư chă tơdrong apo, lăng ti wă kơ băt adrol, chă lu pơjâu tơwir, kiơ̆ lu bơngai krao pơma dơnuh hăm atâu. Sư pơm yoch kơnê̆ rai dêh 'bơ̆t anăp Kră Yang pơm tơblĕk Sư.

Êsai 2:6

Tơpă, Kră Yang đĭ achăng tŭk kon pơlei Kră Yang noh adrĕch Jakôp, yua kơ lu sư kiơ̆ tơdrong juăt teh đak gah hơlĕch, păng pơm pơjâu thoi lu bơngai Philistin, lu sư pơgơ̆p hăm lu bơngai tơmoi.

Da 11:31

Lu linh mă sư lăp đon, gô iung pơm 'mê̆-'mach kơ anih kơđông rơgoh, iŏk lê̆ tơmam soi 'buh mă juăt kơ pơyơ̆r păng pơm tơdrong kơnê̆, pơm kơ anih noh jing juơ.

Da 12:11

Đơ̆ng chăl mă lê̆ boih dôm tơdrong soi, tơmam soi 'buh mă juăt kơ pơyơ̆r păng tơdrong kơnê̆ 'mê̆ brư̆ jing juơ juŏ gô pơjing ming plơ̆ng dơ̆ng, gô đei minh-rơbâu 'bar-hrĕng tơsĭn-jĭt năr.

Da 9:21

thoi ei inh oei pơma lăm tơdrong krao khan âu, Gabrel, bơngai mă inh đei 'bôh lăm tơdrong tơ'bôh kơ inh blŭng-a, đei wơh păr hrĕnh năm hơtŭt kơ inh 'bơ̆t jơ đe pơyơ̆r tơmam soi 'buh kơsơ̆.

Da 9:27

Sư pơjing tơdrong kơjăp hăm lơ bơngai lăm minh 'măng giĕng păng truh lăm tŏk-bŏk 'măng giĕng noh, Sư kư̆m ăn kơ tơmam soi 'buh pơyơ̆r kư̆m pơdơh. Lu bơngai nai mă pơrăm gô truh hao pơnăr sem krưp dêh păng gô đei tơdrong hil krưp dêh tuh tơ anih juơ dĭng truh tơ sơnăm tôch, mă sơnăm đei pơkă lê̆ boih.

Hôsia 4:12

Kon pơlei Inh apinh yang rup pơm păng 'long, na 'long jra gô tơl lu sư; yua kơ jơhngơ̆m 'maih pơm kư̆ kă jing pơm kơ lu sư achăng lê̆ Kră Yang 'Bok Kei-Dei lu sư 'maih wă pơm pơyô kư̆ kă.