II Pot 16:11 - Sơ̆p Hlabơar Nơ̆r 'Bok Kei-Dei

¹¹ Uria pơm minh pôm chơnang soi rok thoi đêl đe pơm, mă pơtao Ahas đơ̆ng pơlei Đamas hlôi gơih ăn kơ sư noh; Uria pơm keh chơnang soi ei adrol kơ pơtao brŏk.

II Pot 16:11 ပူးပေါင်းရင်းမြစ်များ

II Pot 16:10

Na Ahas năm tơ pơlei Đamas wă sơng Tiglat Pilêser pơtao đe Asiri. Ahas 'bôh minh pôm chơnang soi tơ lăm pơlei Đamas păng chhơ̆ iŏk rup chơnang soi noh trŏ thoi đêl đe pơm sư, gơih ăn kơ 'bok soi anăn Uria.

II Pot 16:12

Lăp pơtao brŏk đơ̆ng Pơlei Đamas, 'bôh chơnang soi, na sư tơkan năm jê̆ păng pơyơ̆r tơmam soi kơpal chơnang soi ei.

II Pot 16:14

Chơnang soi đe pơm păng kong dan 'bơ̆t anăp Kră Yang, sư iŏk lê̆ đơ̆ng anih mă đe dan chơnang soi ei 'bơ̆t 'măng Hnam akŭm, sơlam chơnang soi 'nao hăm hnam Kră Yang, đơ̆ng noh iŏk dan tơ gah yă-nơ̆m kơ chơnang soi sư 'nao pơm.

II Pot 16:16

'Bok soi Uria pơm kiơ̆ dôm tơdrong đêl pơtao Ahas bơtho sư.

II Pot 21:4

Sư kư̆m pơm tơiung chơnang soi lăm hnam Kră Yang mă Kră Yang đei khan gah hnam akŭm kơkuh ei thoi âu: “Lăm Pơlei Jêrusalem noh, Inh 'măn anăn Inh.”

II Pot 21:7

Sư dan rup Asêra mă sư đei pơm lăm hnam akŭm mă Kră Yang đei khan bơih kơ Đawit păng Sôlômôn, kon drŏ-nglo sư, noh: “Lăm hnam akŭm 'nâu păng lăm Pơlei Jêrusalem; pơlei mă Inh hlôi rơih lăm lu khŭl Isơrael Inh gô ăn anăn Inh oei lăm noh, ling-lang khŏm khŏm.

II Ho 33:4

Sư man lu chơnang soi tơ lăm hnam Kră Yang, tơ anih mă Kră Yang đei khan: “Anăn inh gô oei lăm pơlei Jêrusalem ling-lang.”

Êsai 8:2

Inh rơih kơ Inh lu bơngai pơm kơdranh tơnăp sĭt, noh Uria 'bok soi păng Sachari kon drŏ-nglo Jêbêrêkia.”

Je 23:11

“Đĭ lu bơngai khan lê̆ adrol hăm đĭ lu 'bok soi tă kơ pơm kơnê̆ dêh, Inh 'bôh boih lu sư pơm kơnê̆ truh tơ lăm hnam Inh hloi.” Noh Kră Yang khan,

Êsêkiên 22:26

Lu 'bok soi pơm glăi kơ khôi juăt Inh, pơm 'mê̆-'mach kơ tơmam rơgoh Inh. Lu sư ưh kơ băt lăng ayơ rơgoh, ayơ hmă, ưh kơ băt bơtho tơ'bôh ayơ 'mê̆-'mach, ayơ rơgoh. Lu sư tep măt ưh kơ kiơ̆ lu năr Sa'bat Inh, lei na pơm pơ'mê̆ kơ Inh boih lăm lu sư.

Da 3:7

Thoi noh, na mưh lu kon tơring kơtơ̆ng keng, brŏ, tơgiĕp, 'lal re, đĭ-đăng teh đak, rim kơ nơ̆r pơma, drap đĭ wă kơkuh kơ rup man mă pơtao Nebukatnessar đei pơm noh.

Hôsia 4:6

Kon pơlei Inh răm boih yua kơ lu sư ưh kơ hlôh wao. Yua kơ ih sơngah boih kơ tơdrong băt hlôh, Inh kư̆m lei-lăi gô sơngah kơ ih na ih ưh pă jing bơngai khan lê̆ adrol dơ̆ng. Yua kơ ih hiơt boih tơdrong juăt Inh Kră Yang 'Bok Kei-Dei ih, kư̆m lei-lăi thoi noh mơ̆n Inh kư̆m gô hiơt kơ kon sâu ih.

Hôsia 5:11

Đe pơjuă pơđep boih lu bơngai Êphraim, pơchah pơchek lu sư lăm năr sek tơlang, yua kơ lu sư lăp đon rơih boih kiơ̆ lu yang nai.

Galati 1:10

Inh pơma thoi noh kon bơngai ưh kơ lăp đon ôh. Mă-lei inh wă kơ 'Bok Kei-Dei lăp đon kơ tơdrong jang inh. Dah inh wă kơ kon bơngai lăp đon kơ inh đĕch lei ưh kơ sĭ inh jang tơdrong Yêsu Krist ôh.