II Pot 16:10 - Sơ̆p Hlabơar Nơ̆r 'Bok Kei-Dei

¹⁰ Na Ahas năm tơ pơlei Đamas wă sơng Tiglat Pilêser pơtao đe Asiri. Ahas 'bôh minh pôm chơnang soi tơ lăm pơlei Đamas păng chhơ̆ iŏk rup chơnang soi noh trŏ thoi đêl đe pơm sư, gơih ăn kơ 'bok soi anăn Uria.

II Pot 16:10 ပူးပေါင်းရင်းမြစ်များ

II Pot 15:29

Lăm chăl Pêka, pơm pơtao đe Isơrael, Tiglat Pileser, pơtao đe Asiri năm tơgar iŏk pơlei Ijôn, Abel Bêt Maaka, Janôa, Kêđes, Hasor, tơring Gileat tơring Galilê păng tơring Naptali hai dơ̆ng. Thoi noh, sư anhăk ba kon pơlei lu dêh ei tŏk tơ dêh char Asiri pơm bơnă.

II Pot 16:11

Uria pơm minh pôm chơnang soi rok thoi đêl đe pơm, mă pơtao Ahas đơ̆ng pơlei Đamas hlôi gơih ăn kơ sư noh; Uria pơm keh chơnang soi ei adrol kơ pơtao brŏk.

II Pot 21:4

Sư kư̆m pơm tơiung chơnang soi lăm hnam Kră Yang mă Kră Yang đei khan gah hnam akŭm kơkuh ei thoi âu: “Lăm Pơlei Jêrusalem noh, Inh 'măn anăn Inh.”

I Ho 28:19

Đawit pơma khan: “Đĭ-đăng lu 'nâu, inh đei đơ̆ng ti Kră Yang tơhlâu, păng ăn kơ inh hlôh băt đĭ-đăng rim tơdrong wă pơm.”

Horiso 106:39

Lu sư jing 'mê̆ yua kơ đơ̆ng tơdrong jang kơdih lu sư. Na lu sư jing pơm đi ngôi kư̆ kă.

Le 24:4

Môis chih iŏk đĭ dôm nơ̆r Kră Yang bơtho akhan pơgê đơ̆ng rŏng sư iung đơ̆ng hrôih, pơdơ̆ng minh pôm chơnang soi 'bơ̆t jơ̆ng kông păng pơtăm mơjĭt-'bar tŏ gơ̆ng pơtih kơ mơjĭt-'bar adrĕch adrung Isơrael.

Le 39:43

Môis lăng lăng tôm tơdrong jang, 'bôh lu sư pơm kiơ̆ thoi nơ̆r Kră Yang khan pơkă boih, thoi noh na Môis bơnê sơkat ăn tơdrong pŭn hiôk kơ lu sư.

Êsai 8:2

Inh rơih kơ Inh lu bơngai pơm kơdranh tơnăp sĭt, noh Uria 'bok soi păng Sachari kon drŏ-nglo Jêbêrêkia.”

Je 10:2

Kră Yang khan: “'Nĕ kơ arih kiơ̆ trong lu bơngai dêh nai, 'nĕ kơ hli mă đei tơdra tơ plĕnh, mă khan lu sư bơngai dêh nai ngăl hli kơ tơdra noh.

Êsêkiên 16:28

Ih đei pơm pơyô kư̆ kă hăm lu bơngai Asiri, yua kơ ih ưh kơ hrăp. Tơpă ih đei pơm pơyô kư̆ kă hăm lu sư boih, mă-lei tam mă hrăp.

Êsêkiên 43:11

Tơdah lu sư mơlâu kơ tôm tơdrong lu sư hlôi pơm, tơ'bôh ăn bĕ kơ lu sư rup đe pơdơ̆ng hnam akŭm âu, trong lu 'măng mơ̆t 'măng lĕch, đĭ-đăng lu rup chhơ̆, đĭ-đăng tôm tơdrong juăt Sư, lu rup sư păng đĭ-đăng khôi juăt ăn kơ sư. Athei chih roi tôm tơdrong 'bơ̆t anăp măt lu sư, đĭ-đăng rup păng đĭ-đăng khôi juăt sư wă kơ lu sư wei răk păng pơm kiơ̆.

Êsêkiên 43:8

Đơ̆ng lu sư dan kơtơ̆n 'măng hnam lu sư 'bơ̆t jê̆ kơtơ̆n 'măng hnam Inh, dan jrăng 'măng hnam lu sư jê̆ jrăng 'măng hnam Inh, đei tơnăr pĕng găn sơlam Inh păng lu sư đĕch, lu sư pơm kơnê̆ 'mê̆-'mach boih kơ anăn 'lơ̆ng rơgoh Inh. Kơplah lu sư pơm tơdrong kơnê̆ krưp noh, lei na Inh đei pơlôch pơrăm lê̆ lu sư lăm năr Inh hil mĭl.

Êsêkiên 44:12

Yua kơ lu sư đei tơgŭm kon pơlei bơ̆jang 'bơ̆t anăp rup yang lu sư, pơm ăn kơ lu bơngai Isơrael pơ̆k huŏng pơm yoch, yua kơ tơdrong noh, Inh đei hiŏng ti phak lu sư, athei pŭ iŏk tơdrong yoch lu sư kơdih, Kră Yang khan.

Mathiơ 15:6

na iĕm khan bơngai noh huay pă kăl kơ 'me rong mĕ 'bă sư dơ̆ng. Iĕm pơjing tơdrong juăt kơdih bơtho đe thoi noh na iĕm jing tŭk tơdrong juăt 'Bok Kei-Dei boih.

Mathiơ 15:9

Lu sư kơkuh kơ Inh ưh kơ yua kiơ. Lu sư bơtho tơdrong ala teh; mă-lei khan tơdrong 'Bok Kei-Dei.’ ”

Rom 12:2

Bơ̆n 'nĕ pă pơm yoch tôm tơdrong kơnê̆ thoi lu bơngai tơ teh âu juăt kơ pơm. Bơ̆n athei pơjao akâu bơ̆n kơ 'Bok Kei-Dei tơplih jơhngơ̆m đon bơ̆n jing 'nao wă kơ bơ̆n băt tôm tơdrong Sư, tơdrong trŏ tơdrong 'lơ̆ng tơpăt ngăl.

Both 12:30

Na iĕm athei kơchăng bĕ đơ̆ng rŏng kơ lu sư lôch đĭ kơnh ih 'leh lăm hơđong, 'nĕ chơchă wă kơ băt yang lu sư, na khan: Lu adrĕch adrung âu bơ̆jang kơkuh kơ yang lu sư thoi yơ kih? Lu bơ̆n gô pơm kiơ̆ thoi noh.

Jôsuê 22:28

Păng lu nhôn đei khan: Dah layơ lu sư khan kơ lu bơ̆n, dah kơ adrĕch lu bơ̆n, thoi noh lu bơ̆n gô tơl: Lu iĕm lăng rup chơnang soi âu trŏ chơnang soi Kră Yang, mă 'bok lu bơ̆n đei pơm sơ̆, chơnang soi 'nâu ưh kơ trŏ wă pơyơ̆r tơmam soi 'buh dah pơyơ̆r tơmam soi nai, mă-lei pơm tơdra tơbăt tŏk-bŏk lu nhôn păng lu iĕm!

I Pet 1:18

Iĕm băt boih 'Bok Kei-Dei huai iŏk iĕm bơngai kư̆ kă, bơngai ưh kơ yua, iĕm juăt kơ pơm rok lu yă 'bok iĕm sơ̆. Mă-lei Sư ưh kơ huai iŏk iĕm hăm tơmam hiong răm thoi lĕ kơ hu maih ôh.