II Pot 15:5 - Sơ̆p Hlabơar Nơ̆r 'Bok Kei-Dei

⁵ Kră Yang phak pơtao Amasia, pơm kơ sư jĭ chin dĭng truh tơ năr sư lôch, kơplah sư oei arih, sư oei tơ ataih kơ kon pơlei pơm hnam hơdrô̆ sư. Jôtham, kon drŏ-nglo pơtao ei wei-lăng hnam pơtao sư păng wei-lăng kon pơlei dêh char sư.

II Pot 15:5 ပူးပေါင်းရင်းမြစ်များ

II Sam 3:29

Thŭ pham Apner noh tuh tơ kơpal kơ̆l Jôap hăm đĭ-đăng adrĕch 'bă sư păng adrĕch sư ưh kơ đei bu huay kơ đei jĭ krơ, jĭ chin, jopo, mơ'nah lôch kơ đao, mơ'nah tơmam sa ưh mah”

II Sam 8:15

Đawit pơm pơtao pơgơ̆r kơ đĭ-đăng dêh char Isơrael, pơgơ̆r kon pơlei sư hăm tơdrong juăt trŏ tơpăt.

I Pot 3:28

Đĭ-đăng bơngai Isơrael kơtơ̆ng tơdrong pơtao sek tơlang noh lu sư hli yom ư-ang kơ pơtao, yua kơ lu sư 'bôh pơtao đei tơdrong gơh hơgei đơ̆ng Kră Yang 'Bok Kei-Dei, wă kơ sek tơlang tơpăt.

I Pot 3:9

Thoi noh apinh Ih ăn kơ inh mă đĭch đam Ih âu tơdrong gơh hơgei, wă kơ gơh sek tơlang tơdrong kon pơlei pơla ih, wă kơ inh băt kơnăl tơdrong 'lơ̆ng, tơdrong kơnê̆; yua kơ bu gơh kĕ sek tơlang kơ lu kon pơlei pơla lơ dêh 'nâu?”

II Pot 15:32

Lăm sơnăm mă 'bar chăl Pêka, kon drŏ-nglo Rêmalia, pơtao đe Isơrael, na Jôtham kon drŏ-nglo Ussia, pơtao đe Juđa, tŏk pơm pơtao.

II Pot 15:6

Dôm lu tơdrong hơ'mon nai gah Asaria, đĭ-đăng tơdrong jang sư pơm, đe đei chih tơ lăm sơ̆p hla bơar gah lu 'bok pơtao đe Juđa.

II Pot 5:27

Yua kơ thoi noh bơih, jĭ chin Naaman gô hơpoh tơ ih păng adrĕch adrung ih ling-lang ưh kơ layơ tôch.” Gêhasi weh hloi đơ̆ng Êlisê, 'bơm hloi chin tơbôk thoi prĕl.

II Pot 7:3

'Bơ̆t 'măng dur đei puăn 'nu bơngai jĭ chin, lu sư pơma dơnuh băl: “Bơ̆n hrăn ngôi kơ kiơ 'bơ̆t dâu dĭng truh kơ lôch?”

I Ho 3:12

kon drŏ-nglo Jôas noh Amasia, kon drŏ-nglo Amasia noh Asaria,

I Ho 5:17

Lu bơngai 'nâu đei chih tơmơ̆t boih lăm sơ̆p hla bơar adrĕch adrung chăl Jôtham pơm pơtao dêh char Juđa păng lăm chăl Jêrôbôam pơm pơtao dêh char Isơrael.

Jop 34:19

Kră Yang ưh kơ pơư kơ lu bơngai pơgơ̆r, Kŭm ưh kơ lăng kơ bơngai mơdrŏng hloh kơ bơngai dơnuh; Yua kơ đĭ-đăng lu sư đơ̆ng tơpang ti Kră Yang pơjing ngăl.

Horiso 72:1

Ơ Kră Yang 'Bok Kei-Dei, apinh Ih ăn kơ pơtao gơh sek tơlang, Păng ăn kơ kon pơtao tơdrong 'lơ̆ng tơpăt đơ̆ng Ih.

Hôsia 1:1

Đei nơ̆r Kră Yang khan kơ Hôsia, kon drŏ-nglo Bêri, lăm chăl Usia Jôtham Ahas, Hesekia, lu pơtao đe Juđa. Lăm chăl Jêrôbôam, kon drŏ-nglo Jôas pơm pơtao đe Isơrael.

Lêwi 13:46

Lăm khei năr tơdrong jĭ, bơngai noh kơnê̆ 'mê̆-'mach sư athei oei hơdrô̆ 'nguaih kơ anih hơdrŭm.

Mi 1:1

Nơ̆r Kră Yang khan kơ Mika bơngai Môresêt lăm chăl Jôtham, Ahas păng Hesekia, lu pơtao dêh char Juđa, tơdrong mă lu sư 'bôh noh trŏ kơ pơlei Samari păng pơlei Jêrusalem.

Jo 12:10

Kơplah hơmơ̆l tŏk đông đơ̆ng Bơsŭn Anih Akŭm, na Miriam 'bơm kơnê̆ jĭ chin 'bĕnh akâu tơkhôih nhen prĕl, Arôn lăng tơ Miriam, 'bôh sư đĭ jĭ chin boih.

Jo 12:14

Kră Yang tơl Môis thoi âu: Tơdah 'bă sư gơsoh đak hai 'bơ̆t muh măt sư, hăm trŏ kơ sư mơlâu lăp tơpơh năr? Đe athei chĭt lê̆ sư tơ 'nguaih kơđông tơpơh năr; đơ̆ng noh đe iŏk sư tơmơ̆t lăm anih kơđông dơ̆ng.

Both 24:8

Lăm tơdrong jĭ chin kren, athei kơchăng pơm kiơ̆ mă tơpă dôm tơdrong mă 'bok soi bơtho adrĕch Lêwi pơkă boih lu iĕm athei kơchăng pơm kiơ̆ thoi inh đei bơtho pơkă boih hăm 'bok soi.