II Pot 15:32 - Sơ̆p Hlabơar Nơ̆r 'Bok Kei-Dei

³² Lăm sơnăm mă 'bar chăl Pêka, kon drŏ-nglo Rêmalia, pơtao đe Isơrael, na Jôtham kon drŏ-nglo Ussia, pơtao đe Juđa, tŏk pơm pơtao.

II Pot 15:32 ပူးပေါင်းရင်းမြစ်များ

II Pot 14:21

Đĭ-đăng kon Pơlei Juđa iŏk Asaria 'nao mơjĭt-tơdrâu sơnăm pôk pơm pơtao pơtrơp kơ Amasia, 'bă sư.

II Pot 15:1

Lăm sơnăm mă 'bar-jĭt tơpơh chăl Jêrôbôam, pơtao đe Isơrael pơgơ̆r, na Asaria, kon drŏ-nglo Amasia pơtao đe Juđa, tŏk pơm pơtao.

II Pot 15:13

Lăm sơnăm mă pêng-jĭt tơsĭn, chăl Ussia, pơtao đe Juđa pơgơ̆r, Sallum kon drŏ-nglo Jabes tŏk pơm pơtao, sư pơgơ̆r minh khei lăm Pơlei Samari.

II Pot 15:17

Lăm sơnăm mă pêng-jĭt tơsĭn, chăl Asaria pơm pơtao đe Juđa na Mênahem, kon drŏ-nglo Gađi tŏk pơm pơtao đe Isơrael păng sư pơm pơtao mơjĭt sơnăm lăm Pơlei Samari.

II Pot 15:23

Lăm sơnăm mă pơđăm-jĭt chăl Asaria pơm pơtao đe Juđa, Pêkahia kon drŏ-nglo Mênahem tŏk pơm pơtao pơgơ̆r đe Isơrael lăm Pơlei Samari, sư pơgơ̆r lăm 'bar sơnăm.

II Pot 15:27

Lăm sơnăm mă pơđăm-jĭt 'bar, chăl Asaria, pơtao đe Juđa pơgơ̆r, na Pêka, kon drŏ-nglo Rêmalia, tŏk pơm pơtao đe Isơrael lăm Pơlei Samari păng sư pơgơ̆r 'bar-jĭt sơnăm.

II Pot 15:30

Hôsêa kon drŏ-nglo Êlah, chă đon blah Pêka, kon drŏ-nglo Rêmalia păng pơlôch sư đơ̆ng noh tŏk pơm pơtao tơplih sư. 'Blep kơ sơnăm mă 'bar-jĭt, chăl Jôtham kon drŏ-nglo Ussia pơgơ̆r.

II Pot 15:31

Dôm lu tơdrong hơ'mon nai gah Pêka, đĭ-đăng lu tơdrong jang sư pơm, đei chih ngăl boih lăm sơ̆p hla bơar hơ'mon gah lu pơtao đe Isơrael.

II Pot 15:33

Kơplah sư tŏk pơm pơtao, sư 'nao 'bar-jĭt pơđăm sơnăm, sư pơgơ̆r mơjĭt-tơdrâu sơnăm lăm Pơlei Jêrusalem. Mĕ sư anăn Jêrusa kon drŏ-kăn Sađŏk.

II Pot 15:5

Kră Yang phak pơtao Amasia, pơm kơ sư jĭ chin dĭng truh tơ năr sư lôch, kơplah sư oei arih, sư oei tơ ataih kơ kon pơlei pơm hnam hơdrô̆ sư. Jôtham, kon drŏ-nglo pơtao ei wei-lăng hnam pơtao sư păng wei-lăng kon pơlei dêh char sư.

II Pot 15:7

Asaria lôch thoi tep hiôk hăm lu 'bok kơdră sư păng đe 'bŭ sư hơdai hăm lu 'bok kơdră sư tơ pơlei Đawit. Jôtham, kon drŏ-nglo sư tŏk pơm pơtao pơgơ̆r pơtrơp sư.

I Ho 3:12

kon drŏ-nglo Jôas noh Amasia, kon drŏ-nglo Amasia noh Asaria,

I Ho 5:17

Lu bơngai 'nâu đei chih tơmơ̆t boih lăm sơ̆p hla bơar adrĕch adrung chăl Jôtham pơm pơtao dêh char Juđa păng lăm chăl Jêrôbôam pơm pơtao dêh char Isơrael.

Êsai 1:1

Êsai kon drŏ-nglo Amôt đei Kră Yang tơ'bôh kơ sư gah teh đak Juđa păng pơlei Jêrusalem, lăm chăl Usia, Jôtham, Ahas păng Hesekia lu pơtao teh đak Juđa.

Mi 1:1

Nơ̆r Kră Yang khan kơ Mika bơngai Môresêt lăm chăl Jôtham, Ahas păng Hesekia, lu pơtao dêh char Juđa, tơdrong mă lu sư 'bôh noh trŏ kơ pơlei Samari păng pơlei Jêrusalem.

Mathiơ 1:9

Ussia pơjing Jôtham, Jôtham pơjing Ahas, Ahas pơjing Hesekia,