II Pot 15:20 - Sơ̆p Hlabơar Nơ̆r 'Bok Kei-Dei

²⁰ Mênahem chă ra iŏk jên đơ̆ng lu bơngai Isơrael, noh đơ̆ng lu bơngai mă đei mŭk tơmam lơ, kư̆ rim 'nu pơđăm-jĭt sêikơlb jên hu wă ăn kơ pơtao đe Asiri, thoi noh pơtao đe Asiri brŏk, ưh kơ oei lăm dêh char ei đunh ôh.

II Pot 15:20 ပူးပေါင်းရင်းမြစ်များ

II Sam 19:32

Barsilai kră dêh boih, sư đei tơhngam-jĭt sơnăm. Sư boih bơngai ăn kơ pơtao tơmam sa kơplah pơtao oei lăm pơlei Mahanaim, yua kơ sư mơdrŏng dêh.

II Pot 15:19

Pul, pơtao đe Asiri mơ̆t tơgar dêh char sư, na Mênahem ăn kơ 'bok ei minh-rơbâu talâng jên hua wă kơ 'bok ei tơgŭm pơm ăn kơ dêh char sư kơjăp lăm tơdrong sư pơgơ̆r.

II Pot 15:21

Dôm lu tơdrong hơ'mon nai gah Mênahem păng đĭ-đăng tơdrong jang sư pơm đe đei chih tơ lăm sơ̆p hla bơar hơ'mon gah lu pơtao đe Isơrael?

II Pot 15:29

Lăm chăl Pêka, pơm pơtao đe Isơrael, Tiglat Pileser, pơtao đe Asiri năm tơgar iŏk pơlei Ijôn, Abel Bêt Maaka, Janôa, Kêđes, Hasor, tơring Gileat tơring Galilê păng tơring Naptali hai dơ̆ng. Thoi noh, sư anhăk ba kon pơlei lu dêh ei tŏk tơ dêh char Asiri pơm bơnă.

II Pot 23:35

Jêhôiakim ăn kơ Pharaôn Nêkô hu maih kiơ̆ thoi pơtao ei athei ăn, mă-lei sư hiơ̆k chă ra wă kơ tôm hu maih thoi Pharaôn Nêkô athei. Pơtao pơtơm chă ra hu maih đơ̆ng kon pơlei lăm dêh char sư, sư hơgăt ra hu maih rim kơ̆l bơngai, khŏm ăn kiơ̆ thoi sư đei, na ăn kơ Pharaôn Nêkô.

Jop 1:3

Jop đei tơpơh-rơbâu tŏ triu, pêng-rơbâu tŏ aseh lăk-đa, pơđăm-hrĕng hơgrop rơmo choh, pơđăm-hrĕng tŏ aseh iĕ akăn păng đei đĭch đam lơ; sư mơdrŏng hloh kơ đĭ-đăng bơngai lăm dêh char gah Hơlĕch.

Ru 2:1

Naômi đei minh 'nu kơtum gah klo sư, anăn sư 'Bôô, sư bơngai đe pơyom păng mơdrŏng dêh lăm adrĕch Êlimêlek.