II Pot 15:19 - Sơ̆p Hlabơar Nơ̆r 'Bok Kei-Dei

¹⁹ Pul, pơtao đe Asiri mơ̆t tơgar dêh char sư, na Mênahem ăn kơ 'bok ei minh-rơbâu talâng jên hua wă kơ 'bok ei tơgŭm pơm ăn kơ dêh char sư kơjăp lăm tơdrong sư pơgơ̆r.

II Pot 15:19 ပူးပေါင်းရင်းမြစ်များ

II Pot 12:18

Jôas, pơtao đe Juđa, iŏk đĭ dôm tơmam 'lơ̆ng rơgoh lu 'bok kơdră sư sơ̆ 'bok Jêhôsaphat, Jêhôram, păng Ahasia, lu sư noh pơtao đe Juđa, tơmam noh lu sư hlôi 'măn lê̆ 'lơ̆ng rơgoh, Jôas kư̆m iŏk tơmam 'lơ̆ng rơgoh sư kơdih păng iŏk đĭ maih lăm hnam mong tơmam lăm hnam akŭm kơkuh kơ Kră Yang păng đơ̆ng hnam pơtao, na pơyơ̆r ăn kơ Hasael pơtao đe Aram, yua kơ tơdrong noh, na Hasael chu weh đơ̆ng Pơlei Jêrusalem.

II Pot 14:5

Lăp dêh char sư pơgơ̆r pran kơjăp bơih, na sư pơlôch lu đĭch đam mă hlôi pơlôch 'bă sư sơ̆.

II Pot 15:18

Sư pơm kơnê̆ 'bơ̆t anăp Kră Yang; đĭ chăl arih sư, ưh kơ achăng lê̆ dôm lu tơdrong yoch Jêrôbôam, kon drŏ-nglo Nêbat noh jơ̆ tơdrong yoch mă pơm kơ lu bơngai Isơrael pơm yoch.

II Pot 15:20

Mênahem chă ra iŏk jên đơ̆ng lu bơngai Isơrael, noh đơ̆ng lu bơngai mă đei mŭk tơmam lơ, kư̆ rim 'nu pơđăm-jĭt sêikơlb jên hu wă ăn kơ pơtao đe Asiri, thoi noh pơtao đe Asiri brŏk, ưh kơ oei lăm dêh char ei đunh ôh.

II Pot 15:29

Lăm chăl Pêka, pơm pơtao đe Isơrael, Tiglat Pileser, pơtao đe Asiri năm tơgar iŏk pơlei Ijôn, Abel Bêt Maaka, Janôa, Kêđes, Hasor, tơring Gileat tơring Galilê păng tơring Naptali hai dơ̆ng. Thoi noh, sư anhăk ba kon pơlei lu dêh ei tŏk tơ dêh char Asiri pơm bơnă.

II Pot 16:8

Ahas kư̆m iŏk hu, maih đơ̆ng lăm Hnam akŭm kơkuh kơ Kră Yang păng đơ̆ng lăm hnam mong tơmam lăm hnam pơtao, chĕp ba tơmam noh ăn kơ pơtao đe Asiri.

II Pot 18:16

Kơplah noh, Hesekia plôh iŏk maih đơ̆ng lom lu 'măng, păng plôh iŏk maih đơ̆ng 'long dơ̆ng 'măng hnam akŭm kơkuh kơ Kră Yang, mă đêl kơdih sư 'mơ̆i lom 'măng noh ăn pơđĭ kơ pơtao đe Asiri.

Ne 9:32

Yua kơ thoi noh na dang ei. Ơ Kră Yang 'Bok Kei-Dei lu nhôn Ih boih Kră Yang 'Bok Kei-Dei tih hloh mơsêh mơyang trŏ kơ hli yom, bơwei tơdrong pơgơ̆p păng tơdrong pơm 'lơ̆ng, 'nĕ lăng tơdrong âu thoi iĕ đĕch 'bơ̆t anăp Ih dôm lu tơdrong jĭ jăn pơmat-tat đei truh boih kơ lu nhôn, tơ lu pơtao păng lu kră pơgơ̆r, tơ lu 'bok soi păng lu 'bok khan lê̆ adrol, kơ 'bok yă lu nhôn păng tơ kon pơlei Kră Yang, đơ̆ng chăl lu pơtao Asiri truh tơ dang ei.

Horiso 83:8

Asiri kư̆m mơ̆t lu sư, na tơgŭm kon sâu Lot. Sêla

Êsai 9:1

Kon pơlei năm lăm măng mu 'bôh bơih tơdrong hơdah tih; păng tơdrong hơdah pơchrang bơih kơ lu bơngai oei lăm dêh măng mu gueo.

Je 17:5

Kră Yang khan: “Hiap bĕ lu bơngai mă gơnang tơduă kon bơngai, hơđơ̆ng gơnang kơ sĕch akar pơm jơhngơ̆m pran kơtang. Lăm jơhngơ̆m achăng tŭk Kră Yang.

Je 50:17

Isơrael boih khŭl triu jrok, Đei dăm-brang druh rôp. Adrol sơ̆ pơtao Asiri hek sa lu sư boih; Đơ̆ng rŏng Nebukatnessar, pơtao Babilôn, kăp rĕn kơting sư.”

Êsêkiên 23:5

Ôhôla pơm đi kơplah mă sư oei gah Inh, sư hưch kơ pơyô sư bơngai Asiri, lu bơngai pơm linh.

Hôsia 10:6

Sĭt tơpă đe gô tung ba rup 'noh tơ char Asiri pơm tơmam thuê̆ pơyơ̆r ăn kơ pơtao tơm Jarep. Lu bơngai Êphraim kơdơ̆, lu bơngai Isơrael gô mơlâu kơdih akâu.

Hôsia 5:13

Lăp lu bơngai Êphraim 'bôh tơdrong jĭ lu sư, păng Juđa kư̆m 'bôh boih rơka lu sư, kơplah noh Êphraim năm tơ char Asiri, păng năm apinh pơtao tơm Jarep tơgŭm. Mă-lei sư ưh kơ gơh pơklaih lu iĕm ôh, păng kư̆m ưh kơ gơh ming hơmet rơka lu iĕm mơ̆n.