II Pot 15:17 - Sơ̆p Hlabơar Nơ̆r 'Bok Kei-Dei

¹⁷ Lăm sơnăm mă pêng-jĭt tơsĭn, chăl Asaria pơm pơtao đe Juđa na Mênahem, kon drŏ-nglo Gađi tŏk pơm pơtao đe Isơrael păng sư pơm pơtao mơjĭt sơnăm lăm Pơlei Samari.

II Pot 15:17 ပူးပေါင်းရင်းမြစ်များ

II Pot 15:1

Lăm sơnăm mă 'bar-jĭt tơpơh chăl Jêrôbôam, pơtao đe Isơrael pơgơ̆r, na Asaria, kon drŏ-nglo Amasia pơtao đe Juđa, tŏk pơm pơtao.

II Pot 15:14

Mênahem, kon drŏ-nglo Gađi, oei đơ̆ng pơlei Tirsa tŏk truh tơ Pơlei Samari, blah Sallum, kon drŏ-nglo Jabes lăm pơlei Samari păng pơlôch lê̆ sư, thoi noh, Mênahem tŏk pơm pơtao tơplih sư.

II Pot 15:18

Sư pơm kơnê̆ 'bơ̆t anăp Kră Yang; đĭ chăl arih sư, ưh kơ achăng lê̆ dôm lu tơdrong yoch Jêrôbôam, kon drŏ-nglo Nêbat noh jơ̆ tơdrong yoch mă pơm kơ lu bơngai Isơrael pơm yoch.

II Pot 15:32

Lăm sơnăm mă 'bar chăl Pêka, kon drŏ-nglo Rêmalia, pơtao đe Isơrael, na Jôtham kon drŏ-nglo Ussia, pơtao đe Juđa, tŏk pơm pơtao.

II Pot 15:8

Lăm sơnăm mă pêng-jĭt tơhngam, chăl Asaria pơtao đe Juđa pơgơ̆r, na Sachari, kon drŏ-nglo Jêrôbôam, tŏk pơm pơtao đe Isơrael tơ pơlei Samari. Sư pơgơ̆r lăm tơdrâu khei.

Hôsia 8:4

Lu sư pôk boih pơtao kơdih mă ưh kơ trŏ đơ̆ng Inh, lu sư kư̆m rơih iŏk lu bơngai pơgơ̆r mă-lei kư̆m ưh kơ đei pơdrơ̆ng inh. Lu sư iŏk jên hu, maih lu sư man boih rup yang jing tơdrong pơrăm blơ̆ lu sư kơdih.