II Pot 15:15 - Sơ̆p Hlabơar Nơ̆r 'Bok Kei-Dei

¹⁵ Lu tơdrong jang Sallum tơdrong nai hai păng tơdrong sư chă đon kơnê̆ tơblah băl, đe chih ngăl bơih lăm sơ̆p hla bơar hơ'mon gah lu pơtao đe Isơrael.

II Pot 15:15 ပူးပေါင်းရင်းမြစ်များ

I Pot 14:19

Dôm tơdrong jang nai mă Jêrôbôam đei pơm, tơdrong sư tơblah păng tơdrong sư pơgơ̆r, đei chih bơih lăm sơ̆p hla bơar hơ'mon lu pơtao Isơrael.

I Pot 14:29

Pôm lu tơdrong jang mă Rôbôam đei pơm păng dôm tơdrong jang nai mă sư pơm bơih, đe đei chih răk lê̆ bơih lăm sơ̆p hla bơar hơ'mon kơ lu pơtao Juđa.

I Pot 22:39

Dôm tơdrong jang Ahap, đĭ-đăng tơdrong jang pơtao đei pơm, hnam pơtao sư pơm păng bơla rôih păng đĭ-đăng lu pơlei sư man pơjing, đe đei chih lê̆ bơih lăm hla bơar hơ'mon lu pơtao đe Isơrael.

II Pot 15:11

Lu tơdrong jang Sachari pơm tơdrong nai hai, đe chih ngăl bơih tơ lăm sơ̆p hla bơar hơ'mon gah lu pơtao đe Isơrael.

II Pot 15:14

Mênahem, kon drŏ-nglo Gađi, oei đơ̆ng pơlei Tirsa tŏk truh tơ Pơlei Samari, blah Sallum, kon drŏ-nglo Jabes lăm pơlei Samari păng pơlôch lê̆ sư, thoi noh, Mênahem tŏk pơm pơtao tơplih sư.

II Pot 15:16

Kơplah noh Mênahem lĕch đơ̆ng Pơlei Tirsa blah Pơlei Tipsa, păng đĭ-đăng kon pơlei oei tơ lăm pơlei păng oei jơ̆p-jang kơ tơring jum dăr, yua kơ pơlei noh kuă kơ pơih 'măng dur; thoi noh na pơtao pơrăm lu sư păng roch klak đĭ-đăng lu drŏ-kăn mă oei anăp, lăm pơlei ei.