II Pot 14:5 - Sơ̆p Hlabơar Nơ̆r 'Bok Kei-Dei

⁵ Lăp dêh char sư pơgơ̆r pran kơjăp bơih, na sư pơlôch lu đĭch đam mă hlôi pơlôch 'bă sư sơ̆.

II Pot 14:5 ပူးပေါင်းရင်းမြစ်များ

Bl 9:6

Thoi noh bơngai bu mă pơlôch đe, na kư̆m đei đe nai pơlôch sư, yua kơ Kră Yang 'Bok Kei-Dei pơjing lu iĕm hơbŏ thoi rup sư.

II Pot 15:19

Pul, pơtao đe Asiri mơ̆t tơgar dêh char sư, na Mênahem ăn kơ 'bok ei minh-rơbâu talâng jên hua wă kơ 'bok ei tơgŭm pơm ăn kơ dêh char sư kơjăp lăm tơdrong sư pơgơ̆r.

II Pot 21:24

Mă-lei, kon pơlei lăm dêh char sư pơlôch lê̆ đĭ-đăng bơngai mă pơlôch pơtao Ammôn ei, păng pôk Jôsia, kon drŏ-nglo sư, tŏk pơm pơtao tơplih sư.

Jo 35:33

Lu iĕm 'nĕ kơ pơm kơnê̆ 'mê̆-'mach kơ teh iĕm wă oei; yua kơ đơ̆ng pham pơm mơgrĭ kơ teh đak; ưh kơ đei kiơ mă gơh pơm kơ teh rơgoh dơ̆ng dah đei bơngai tuh pham pơlôch đe, lăp minh tơdrong đĕch pơm mơgrĭ kơ teh, mưh ưh kơ pơlôch plơ̆ sư tuh pham lei ưh kơ gơh huai iŏk teh noh ôh.