II Pot 14:28 - Sơ̆p Hlabơar Nơ̆r 'Bok Kei-Dei

²⁸ Lu tơdrong roi hơ'mon nai gah Jêrôbôam, lu tơdrong đêl sư pơm, tơdrong nuih kơtang sư, tơdrong sư tơblah păng pơdrâu iŏk dơ̆ng ăn kơ lu bơngai Isơrael Pơlei Đamas păng Hamat sơ̆ ki đêl Juđa iŏk, dôm tơdrong 'nei đe đei chih tơ lăm sơ̆p hla bơar hơ'mon gah lu pơtao đe Isơrael?

II Pot 14:28 ပူးပေါင်းရင်းမြစ်များ

II Sam 8:6

Pơtao Đawit pơm kơđông lăm pơlei Đamas, kon pơlei Siri jing bơngai bơ̆jang ăn kơ Đawit, păng ăn thuê̆ kơ Đawit; Kră Yang ăn kơ Đawit kĕ jei tơ rim anih sư tơblah.

I Pot 11:24

Kơplah Đawit pơlôch linh pơtao Sôba, na Rêson krao akŭm lơ bơngai kiơ̆ sư, na sư pơm yŏng pơgơ̆r lu linh tơklah 'noh, năm truh tơ pơlei Đamas oei tơ noh na pôk sư kơdih pơm pơtao plei Đamas.

I Pot 14:19

Dôm tơdrong jang nai mă Jêrôbôam đei pơm, tơdrong sư tơblah păng tơdrong sư pơgơ̆r, đei chih bơih lăm sơ̆p hla bơar hơ'mon lu pơtao Isơrael.

II Pot 1:18

Dôm lu tơdrong jang nai mă Ahasia đei pơm đe đei chih boih lăm sơ̆p hla bơar hơ'mon kơ chăl arih lu pơtao đe Isơrael.

II Pot 14:16

Jêhôas lôch thoi tep hăm 'bok kơdră sư sơ̆, păng đe 'bŭ sư tơ Pơlei Samari hơdai hăm lu pơtao đe Isơrael; đơ̆ng noh, Jêrôbôam, kon drŏ-nglo sư tŏk pơm pơtao pơtrơp đơ̆ng sư.

II Pot 14:29

Jêrôbôam lôch thoi tep hiôk hăm lu 'bok kơdră sư sơ̆, noh lu pơtao Isơrael; đơ̆ng noh, Sachari kon drŏ-nglo sư tŏk pơm pơtao pơtrơp sư.

I Ho 5:17

Lu bơngai 'nâu đei chih tơmơ̆t boih lăm sơ̆p hla bơar adrĕch adrung chăl Jôtham pơm pơtao dêh char Juđa păng lăm chăl Jêrôbôam pơm pơtao dêh char Isơrael.

Am 1:5

Inh gô gơ̆ lê̆ 'long chơkăl 'măng jang pơlei Đamas, Inh gô pơrăm lu kon pơlei oei lăm thŭng Awen păng bơngai mă chĕp 'long jra pơtao sư tơ dêh Bet Eđen; gah kon pơlei Siri gô năm pơm bơnă tơ tơring Kir, Kră Yang khan thoi noh.